Праваабарончы цэнтр «ВЯСНА»

Навіны за Травень 2011

05.05.2011 Глыбоцкага актывіста аштрафавалі на 700 тысяч за пікет салідарнасці з палітвязнямі

Пікет праходзіў у райцэнтры Глыбокае 19 сакавіка – якраз праз тры месяцы пасьля мінскай акцыі пратэсту супраць фальсіфікацыі вынікаў прэзідэнцкіх выбараў. Гэта была адзіная на Віцебшчыне санкцыянаваная акцыя салідарнасці.

05.05.2011 У Тацяны Севярынец у судзе над Рымашэўскім зрывалі з шыі бел-чырвона-белую стужачку

У будынку суда Фрунзенскага раёна Менска, дзе праходзіць суд над сустаршынём БХД, былым кандыдатам у прэзідэнты Віталём Рымашэўскім адбыўся непрыемны інцыдэнт.

05.05.2011 Асудзіць, каб запалохаць

У Беларусі працягваюцца суды над арганізатарамі і ўдзельнікамі акцыі пратэсту на плошчы Незалежнасьці ў Менску 19 сьнежня 2010 году. Меркаваньні беларускіх палітыкаў на гэты конт запісаў Уладзімер Глод.

05.05.2011 Плошча-2010: каго і дзе будуць судзіць (поўная інфармацыя)

Суды Менска на наступным тыдні будуць загружаныя разглядам крымінальных спраў па абвінавачваньні ўдзельнікаў акцыі пратэсту ў Менску 19 сьнежня 2010 года ў арганізацыі і ўдзеле ў масавых беспарадках, а таксама ў арганізацыі і падрыхтоўцы дзеянняў, якія груба парушаюць грамадзкі парадак, альбо актыўным ўдзеле у іх. Сітуацыя па стане на 21 красавіка выглядае наступным чынам:

05.05.2011 Арганізатара акцыі "Стоп-бензін 2" аштрафавалі

Акцыя "Стоп-бензін 2" прайшла ўвечары 28 красавіка на трох мінскіх аўтазаправачных станцыях канцэрна "Белнафтахім", а таксама на АЗС у больш чым дзесяці гарадах Беларусі.

05.05.2011 Праваабарончаму цэнтру “Вясна” – 15 гадоў

У час, калі ў Беларусі шалеюць палітычныя расправы над апанентамі існуючага рэжыму, праваабарончаму цэнтру “Вясна” спаўняецца пятнаццаць гадоў. Пра святкаванне праваабаронцам думаць у гэты час не выпадае, але азірнуцца на зробленае і акрэсліць арыенціры на бліжэйшую будучыню – магчыма. Гэта робіць старшыня і стваральнік праваабарончага цэнтру “Вясна” Алесь Бяляцкі.

05.05.2011 Абвяшчаецца конкурс на ўдзел у летніх Школах па правах чалавека для моладзі

Беларуская праваабарончая школа, арганізаваная міжнароднай супольнасцю праваабарончых арганізацый, абвяшчае конкурс на ўдзел у летніх Школах па правах чалавека на 2011 год.

05.05.2011 Судзяць нападнікаў на будынак Бабруйскага КДБ

У Бабруйску 5 траўня ў 10-30 распачаўся суд над Яўгенам Васьковічам, Арцёмам Пракапенка і Паўлам Сырамолатавым, якіх абвінавачваюць у падпале будынка мясцовага аддзялення КДБ (частка 2 артыкул 339 Крымінальнага кодэксу – “Асабліва злоснае хуліганства”). Ім пагражае ад сямі да 12 гадоў турэмнага зняволення.

05.05.2011 Безбар’ерны асяродак павялічваецца надзвычай марудна

Сябры Беларускага Хельсінскага Камітэту пры падтрымцы мясцовых маладафронтаўцаў правялі агляд сітуацыі па выкананню правоў інвалідаў-вазочнікаў у Салігорскім рэгіёне. Вынікі пакінулі неадназначнае ўражанне ў праваабаронцаў.

05.05.2011 Жыхары Бярозы звярнуліся да Праляскоўскага з просьбай адклікаць іскі супраць «Нашай Нівы» і «Народнай волі»

Бярозаўскія чытачы незалежных газет «Наша Ніва» і «Народная воля» напісалі зварот да міністра інфармацыі Алега Праляскоўскага, у якім просяць адазваць судовы іск супраць гэтых газет.

05.05.2011 Правакацыя супраць журналісткі і сястры палітвязьня Вольгі Класкоўскай (адноўлена, дадаўся каментар)

Уначы Вользу забралі проста з дому і збілі міліцыянты, ноч яна правяла ў Ленінскім РУУС -- босая і ў парванай вопратцы. Міліцыянты, якія самі напалі на яе і разарвалі на ёй блузку, абвінавацілі ў "супраціве міліцыі". Вользе пагражаюць крымінальнай справай па двух артыкулах (другі -- "паклёп на прэзыдэнта").

05.05.2011 Суды за Плошчу: дзень прысудаў Вінаградаву, Кіркевічу, Дразду, Пратасеню, Хамічэнку

Актывіста кампаніі «Гавары праўду!» Паўла Вінаградава асудзілі на 4 гады зьняволення, маладафронтаўца Алеся Кіркевіча — на 4 гады; сябра ініцыятыўнай групы Саньнікава Дзьмітрыя Дразда — на 3 гады; Андрэя Пратасеню — на 3 гады; Уладзіміра Хамічэнку — на 3 гады.

05.05.2011 Прамежкавая ацэнка падзей 19 сьнежня 2010 г. у Менску з пункту гледжання правоў чалавека

Спецыяльны дакладчык Камітэта міжнароднага кантролю за сітуацыяй з правамі чалавека ў Беларусі, кіраўнік Інстытута па вывучэнні канфліктаў (Вялікабрытанія), кіраўнік групы экспертаў АБСЕ па свабодзе сходаў Ніл Джарман разам з групай міжнарожных экспертаў падрыхтаваў справаздачу, у якой была дадзеная ацэнка падзеяў 19 снежня ў Менску з пункту гледжання міжнародных стандартаў.

04.05.2011 Алік Мнацаканян і Вікторыя Громава выгнаныя з Беларусі на 2 гады

Для сяброў Міжнароднай назіральнай місіі, расійскіх грамадзян Аляксандра Мнацаканяна і Вікторыі Громавай затрыманне на офісе "Вясны" не прайшло без наступстваў. Абодва яны абвешчаны беларускімі ўладамі неўязнымі ў Беларусь.

04.05.2011 Даклад па Плошчы сарваны: уварванне ў офіс "Вясны", затрыманне 6 замежных грамадзянаў

Толькі што з Першамайскага РУУС Мінска былі вызваленыя 5 грамадзян Расіі, затрыманых каля 19 гадзін у офісе ПЦ "Вясна". Гадзіну таму з пастарунку адпусцілі таксама затрыманага тамсама грамадзяніна Украіны. Усе шасцёра з'яўляюцца правабаронцамі і маюць дачыненне да Міжнароднай назіральнай місіі, якая на працягу апошніх месяцаў сачыла за падзеямі ў Беларусі. На 19.00 на офісе "Вясны" планавалася прэзентацыя даклада па падзеях 19 снежня, падрыхтаванага незалежнай экспертнай групай на чале з Нілам Джарманам. Ягоны відэазварот збіраліся прагледзець правабаронцы і запрошаныя на прэзентацыю журналісты.