Праваабарончы цэнтр «ВЯСНА»

Навіны за Травень 2011

09.05.2011 Тыднёвы агляд паслявыбарчай сітуацыі ў Беларусі (2-8 траўня)

На мінулым тыдні ў чатырох судах сталіцы праходзілі крымінальныя працэсы над абвінавачанымі за ўдзел у паслявыбарчым мітынгу пратэсту 19 снежня 2010 году, разглядаліся справы ў дачыненні да 22 чалавек. Вынесены жорсткія прысуды Паўлу Вінаградаву, Алесю Кіркевічу, Дзмітрыю Дразду, Андрэю Пратасені і Уладзіміру Хамічэнку. З Беларусі выправаджаны яшчэ пяцёра праваабаронцаў – прадстаўнікоў Міжнароднай назіральнай місіі. Па-ранейшаму парушаецца права на свабоду асацыяцыяў і свабоду слова, працягваецца адміністрацыйны пераслед.

09.05.2011 Аналітычны агляд судовага працэсу па крымінальнай справе Вінаградава, Кіркевіча, Дразда, Хамічэнкі, Пратасені

Прадстаўнікі ПЦ “Вясна” і РПГА “БХК”, якія ажыццяўлялі маніторынг судовага працэсу, лічаць асуджэнне абвінавачаных Дзмітрыя Дразда, Паўла Вінаградава, Аляксандра Кіркевіча, Андрэя Пратасені, Уладзіміра Хамічэнкі па ч. 2 арт. 293 КК Рэспублікі Беларусь незаконным і палітычна матываваным. А вынесеныя ім паводле судовага прысуду тэрміны і ўмовы адбыцця пакарання - жортскім і непрапарцыйным пакараннем у параўнанні са здзейсненымі імі правапарушэннямі.

08.05.2011 Аршанскія настаўнікі засталіся без святаў

У той час, калі ўся краіна адзначала шэраг травеньскіх святаў, не да адпачынку было педагогам аршанскіх агульнаадукацыйных школ. Татальнай праверцы падвергліся ўсе школы горада. Падставай стаў тэракт у мінскім метро.

08.05.2011 Да стужак у памяць пра Чарнобыль міліцыя праявіла лаяльнасць

На працягу тыдня, які прайшоў пасля гадавіны Чарнобыльскай трагедыі, жыхары Оршы маглі бачыць чорныя жалобныя стужачкі са значком радыяцыі. Яны былі развешаны на дрэвах, вулічных слупах, парэнчах мастоў і нават на рэкламных шчытах.

08.05.2011 Бялыніцкая раёнка і ў перадсвяточным нумары не ўстрымалася ад абразаў у адрас Паўла Шарамета

Гэта тым больш сумна, што рэдактарам “Зары над Друццю” з’яўляецца вядомы беларускі пісьменнік Міхась Карпечанка, які ў 90-я гады быў адным з лідэраў нацыянальнага адраджэння ў Бялыніцкім раёне, узначальваў мясцовую суполку сацыял-дэмакратаў.

08.05.2011 Салігорцы адстойваюць права на інфармацыю

Шэраг грамадскіх дзеячаў сталіцы шахцёраў накіравалі свае лісты ў абарону газет “Наша Ніва” і “Народная воля” былому “галоўнаму ідэолагу” а цяпер міністру інфармацыі Алегу Праляскоўскаму. Яны патрабуюць у тэрміновы парадку адклікаць іскі супраць дадзеных газет.

07.05.2011 Пошта: "Такой газеты больш не будзе» (з удакладненнямі)

Работнікі галоўнага паштовага аддзялення сувязі Полацка абзвоньваюць раённыя вузлы сувязі з загадам ануляваць падпіску на газету «Наша Ніва». Падпісантам вяртаюць грошы за падпіску, кажучы, што такой газеты больш не будзе.

07.05.2011 Актывісту з Асіповічаў сканфіскаваную гітару так і не вярнулі

Супрацоўнікі праваахоўных органаў да гэтага часу не вярнулі гітару, прыватныя дзённікі і нэтбук актывісту ініцыятыўнай групы кандыдата ў прэзідэнты Уладзіміра Някляева з горада Асіповічы Ігару Сімбірову.

07.05.2011 У Гродне Партыя БНФ актыўна выступае супраць пабудовы АЭС

Пасля адмовы ў правядзенні ў горадзе над Нёманам пікету з нагоды дваццаць пятых угодкаў Чарнобыльскай катастрофы, гродзенская гарадская арганізацыя Партыі БНФ працягвае кампанію па інфармаванні жыхароў.

07.05.2011 У Бярозе збіраюцца правесці пікет салідарнасці з палітзняволенымі

Грамадскія актывісткі Таццяна Аліхвер і Галіна Кавалевіч з Бярозы падалі заяву на пікет у Бярозаўскі райвыканкам. Пікет запланаваны на 22 траўня перад ўваходам на вялікі базар. Мэта пікету – салідарнасць і маральная падтрымка палітычных зняволеных.

07.05.2011 Рэчы кампаніі «Гавары праўду!» сталі рэчавымі доказамі па справе аб масавых беспарадках

Ноўтбукі міліцыя забірала ў Юрыя Варонежцава па месцу жыхарства ў Гомелі, і амаль год камп'ютэрная тэхніка знаходзілася ў міліцыі, але ў той жа час нехта невядомы, відаць, скарыстаў яе, каб падрыхтаваць масавыя беспарадкі ў Мінску.

07.05.2011 Маладэчанцы аддаюць перавагу ананімным абмеркаванням праблем

Вольга Лагвіновіч: "Па маіх назіраннях, з кожным годам людзі ўсё больш баяцца адкрыта выказаць сваю пазіцыю. Хаця пратэстныя настроі растуць, але часта “запал” у людзей сканчаецца, калі трэба дзе-небудзь “засвяціць” сваю асобу".

07.05.2011 Баранавіцкім укранцам дазволілі пікетаваць

Мікола Чарнавус атрымаў дазвол на трохдзённы пікет, мэта якога – прыцягнуць увагу грамадскаці да пазбаўлення ўладамі выдзеленага імі ж памяшкання пад офіс для ўкраінскай меншасці, што стала падставай для нерэгістрацыі аб’яднання "Кабзар".

07.05.2011 У Бялыніцкім раёне праблема сацыяльнага сіротства з’яўляецца вельмі актуальнай

У Бялыніцкім раёне Магілёўскай вобласці, дзе пражывае толькі крыху больш за дваццаць адну тысячу чалавек, на пачатак сакавіка 2011 года зарэгістраваны 203 хлопчыкі і дзяўчынкі, якія засталіся без бацькоўскага клопату і ўвагі.

07.05.2011 “Гродзенская праўда” далучылася да шальмавання Паўла Шарамета

Рэгіянальная праўладная прэса на Гарадзеншчыне актывізавала сваю “палітінфармацыйную” дзейнасць. На гэты раз аб’ектам нападак “Гродзенскай праўды” (у якой, дарэчы, акрамя назвы, ні слова не засталося па-беларуску) выступае вядомы журналіст Павел Шарамет.