Праваабарончы цэнтр «ВЯСНА»

Навіны за Травень 2011

17.05.2011 Шасцярым барысаўчанам выбары «адгукаюцца» дагэтуль

Трое барысаўчан да гэтага часу не могуць знайсці працу, якой пазбавіліся пасля прэзідэнцкіх выбараў з-за сваіх палітычных поглядаў, а трое вымушаны жыць за межамі Беларусі.

17.05.2011 Заўтра суд над Аліневічам, Дзядком, Веткіным і Францкевічам

Прызначаная дата разгляду крымінальнай справы беларускіх анархістаў Ігара Аліневіча, Мікалая Дзядка, Аляксандра Францкевіча і Максіма Веткіна, якіх абвінавачваюць у здзяйсненні шэрагу нападаў і падпалаў на будынкі, а таксама ў іншых злачынствах. Акрамя таго, Аляксандру Францкевічу было прад’яўлена дадатковае абвінавачанне – ва ўзломе сайта Наваполацкага гарвыканкама, што кваліфікуецца па ч.2 арт. 351 КК РБ (“Кампутарны сабатаж”). Ім пагражае да 12 гадоў пазбаўлення волі.

17.05.2011 Суды за Плошчу: Статкевіч, Класкоўскі, Ус, Пазняк, Квяткевіч, Грыбкоў, Буланаў (дзень ШОСты)

Суддзя - сведку А.Лябедзьку: "Не ператварайце суд у мітынг!" У Ленінскім райсудзе Мінска ідзе разгляд справы экс-кандыдатаў у прэзідэнты Міколы Статкевіча і Дзмітрыя Уса, былога міліцыянера Аляксандра Класкоўскага і яшчэ чатырох удзельнікаў Плошчы -- Андрэя Пазняка, Дзмітрыя Буланава, Арцёма Грыбкова, Аляксандра Квяткевіча.

17.05.2011 Пасля скаргі журналіста з міліцыянтамі правялі ідэалагічны занятак па беларускай мове

Пасля скаргі Уладзіміра Лапцэвіча на супрацоўнікаў ізалятара часовага ўтрымання, з міліцыянтамі ў межах ідэалагічнай падрыхтоўкі правялі занятак на тэму “Вывучэнне беларускай мовы як умова ўзвышэння прафесійнай і прававой культуры, фармаванне станоўчых установак у практычнай дзейнасці супрацоўнікаў органаў унутраных спраў”.

17.05.2011 Суд у Бабруйску: пашкоджаныя дзверы ў будынку КДБ ацанілі ў мільярд рублёў

Абвінавачаныя прызналі віну, але не пагаджаюцца з памерам матэрыяльнай шкоды.

17.05.2011 Група магілёўцаў просіць міністра інфармацыі растлумачыць выказванні Лукашэнкі пра «казла»

У Магілёве сабраныя і адпраўленыя ў Міністэрства інфармацыі 16 подпісаў грамадзян, якія просяць растлумачыць словы Аляксандра Лукашэнкі на адрас кіраўніка Еўракамісіі і кіраўніцтва Украіны. Ініцыятарам ліста выступіў актывіст Незалежнага прафсаюза РЭПАМ Аляксей Паўлоўскі.

17.05.2011 Лаўрэатка Нобелеўскай прэміі: Свабоду Паэту Някляеву!

Каля сотні паэтаў, літаратараў і дзеячоў культуры з усяго свету падпісалі ліст салідарнасці з Уладзімірам Някляевым і заклікалі беларускія ўлады і суд неадкладна вызваліць паэта. Сярод падпісантаў лаўрэатка Нобелеўскай прэміі паэтка Віслава Шымборска.

17.05.2011 Мая Абромчык шукае сведкаў свайго збіцця

Мая Абромчык у жыцці яшчэ больш далікатная дзяўчына, чым выглядае на фотаздымках. Усміхаецца, але, аднаўляючыся пасля аперацыяў, вымушана кульгаць. Такой бы дарыць кветкі, а даводзіцца задаваць нялёгкія пытанні. Нядаўна па факце збіцця спецназаўцамі 21-гадовай студэнткі распачалі крымінальную справу.

17.05.2011 І пальчыкі “адкаталі”, і штраф за адмову ад дактыласкапіі далі

Жыхара Пінска аштрафавалі за адмову ад дактыласкапіі, яшчэ чатыры падобныя справы знаходзяцца ў судзе горада Пінска. Пад час свайго візіту ў міліцыю пінчук папрасіў прадставіць яму афіцыйны дакумент, на падставе якога яму хочуць “адкатаць” пальчыкі. Міліцыянты напаўжартам прапанавалі яму напісаць пісьмовую адмову ад гэтай працэдуры.

17.05.2011 Іосіф Сярэдзіч: "Нас не запалохаць!"

Сёньня ў Вышэйшым гаспадарчым судзе пройдзе падрыхтоўчае паседжаньне паводле пазову Міністэрства інфармацыі Беларусі аб спыненьні выхаду недзяржаўнай газэты "Народная воля".

17.05.2011 Суд аштрафаваў Ліпковіча на 45 кніг Чаргінца

Вядомы блогер быў пакараны за "абразу" старшыні Саюза пісьменнікаў Беларусі генерала Мікалая Чаргінца.

16.05.2011 Станіслава Шушкевіча выклікаюць у КДБ

Станіслаў Шушкевіч у аўторак павінен прыйсці ў КДБ. Палітык пойдзе туды з адвакатам.

16.05.2011 Дземідзенку – 15 сутак

Намесьніка старшыні Маладога фронту Міколу Дземідзенку ў сцдзе Першамайскага раёна Менска асудзілі на 15 сутак за спробу вывесіць нацянальны сцяг. Нагадаем, што Дземідзенка быў затрыманы 14 траўня каля будынку Маскоўскага аўтавакзала. Яго адвезлі на Акрэсьціна, дзе ён адбыў выходныя дні. Перад судом ён паспеў перадаць, што абвяшчае галадоўку.

16.05.2011 Прысуды Ірыне Халіп, Паўлу Севярынцу, Сяргею Марцалеву

Ірына Халіп асуджана на 2 гады пазбаўлення волі з адтэрміноўкай на 2 гады. Павел Севярынец - на 3 гады "хіміі". Сяргей Марцалеў - на 2 гады ўмоўна. Усе адпушчаны і вышлі з залі суда. У тым ліку Севярынец, які разам з Халіп цяпер будзе пад падпіскай аб нявыездзе. За Плошчу асуджана ўжо 30 чалавек.

16.05.2011 Магілёўскі абласны суд не ўбачыў дыскрымінацыі

Калі Аляксей Паўлоўскі знаёміўся з вакансіямі, якія прапаноўваў трэст, і прыходзіў каб працаўладкавацца туды – яму казалі, што на гэтыя месцы ўжо знойдзены спецыялісты. Так паўтаралася некалькі разоў. Паўлоўскі расцаніў гэта як дыскрымінацыю, звязаную з яго грамадска-прафсаюзнай дзейнасцю, і звярнуўся ў суд.