Праваабарончы цэнтр «ВЯСНА»

Навіны за Красавік 2011

06.04.2011 6 красавіка чакаецца прысуд за надпіс “Луку на муку”

У адміністрацыйнай справе студэнткі Гарадзенскага мэдунівэрсітэту Кацярыны Герасімчык адбылося ўжо два паседжаньні. Дзяўчыну вінавацяць у тым, што яна напіса словы “Луку на муку” на пастамэнце помніку Леніна ў Горадні.

06.04.2011 Пасьля адмовы ад дактыляскапіі старшыню гомельскага АГП будуць судзіць

Савецкі райаддзел міліцыі Гомеля ініцыяваў супраць старшыні абласной арганізацыі Аб’яднанай грамадзянскай партыі Васіля Палякова адміністрацыйную справу паводле артыкулу 23.4 Кодэксу адміністрацыйных правапарушэньняў — непадпарадкаваньне законнаму распараджэньню альбо патрабаваньню службовай асобы.

06.04.2011 Будаўніцтва касцёла падганяецца пад “Дажынкі”

У Маладэчне ідзе будаўніцтва новага касцёла. На пашпарце будаўніцтва пазначана, што аб’ект павінны быць завершаны ў 2012 годзе. Але, як паведамілі каталіцкія вернікі, мясцовыя ўлады настойваюць на паскарэнні тэмпаў будаўніцтва.

05.04.2011 Яўген Васьковіч азнаёміўся з матэрыяламі справы

Яўген Васьковіч, падазраваны ў падпале бабруйскага будынка КДБ, паведаміў у лісце да аднапартыйцаў, што падпісаў дакументы аб закрыцці справы. Ён таксама піша, што суд, хутчэй за ўсё, адбудзецца ўжо ў красавіку.

05.04.2011 Падчас візіту Лукашэнкі ў Кобрын горад быў паралізаваны

Ужо зраніцы 5 красавіка міліцыяй і спецслужбамі былі блакаваны ўсе цэнтральныя вуліцы Кобрына. Былі ацэпленыя не толькі дарогі, але і ўсе падваротні. На кожным перакрыжаванні вуліц стаялі людзі ў цывільным. Кобрынцы перадавалі адзін аднаму: “Лукашэнка прыязджае”.

05.04.2011 Міністэрства юстыцыі ўзялося за пасведчанні Міжнароднай федэрацыі журналістаў (IFJ)

Мінюст хоча, каб ГА «БАЖ» патлумачыла, «якія прававыя падставы для дзейнасці на тэрыторыі Рэспублікі Беларусь мае IFJ», і на якой падставе БАЖ выдае пасведчанні гэтай арганізацыі. Пра гэта гаворыцца ў афіцыйным лісце ад 1 красавіка за подпісам начальніка Упраўлення па пытаннях некамерцыйных арганізацый міністэрства А. Кірычэнкі.

05.04.2011 Паўла Вінаградава вінавацяць у масавых беспарадках і знявазе дзяржаўных сімвалаў

Сьледчае ўпраўленьне папярэдняга расьсьледаваньня ГУУС Менгарвыканкаму 5 красавіка прад'явіла абвінавачваньні ўдзельніку масавых беспарадкаў 19 сьнежня Паўлю Вінаградаву. Акрамя ўдзелу ў масавых беспарадках (частка 2 артыкула 293 Крымінальнага кодэксу) яго вінавацяць таксама ў знявазе дзяржаўных сімвалаў (артыкул 370 Крымінальнага кодэксу).

05.04.2011 Маскоўская Хельсінская Група выступіла ў ролі Аmicus Curiae

Маскоўская Хельсінская Група выступіла ў ролі Аmicus Curiae ў касацыі па справе Аляксандра Малчанава, Дзмітрыя Новіка і Аляксандра Атрошчанкава, абвінавачаных па артыкуле 293 "Масавыя беспарадкі" Крымінальнага кодэкса Рэспублікі Беларусь 2 сакавіка 2011 г. Фрунзенскім раённым судом г. Мінска. Рэзюмэ Amicus Сuriae падаецца ў інтарэсах правасуддзя ў рамках прававога звычаю і накіравана на імя старшыні Мінскага гарадскога суда Уладзіміра Пуцілы:

05.04.2011 Менгарсуд пакінуў без зменаў прысуд Атрошчанкаву, Новіку і Малчанаву

Сёння, 5 красавіка, у Менскім гарадскім судзе адбыўся касацыйны разгляд скаргі на прысуд абвінавачаным па арт.293 КК РБ (“масавыя беспарадкі”) Аляксандру Атрошчанкаву, Дзмітрыю Новіку і Аляксандру Малчанаву.

05.04.2011 Ірына Халіп ўспрыняла навіну аб змякчэнні абвінавачвання спакойна

Можна выказаць здагадку, што рашэнне аб змякчэнні артыкула было прынятае загадзя.

05.04.2011 Вінаградаву, Хамічэнка і Федаркевічу прад'явяць абвінавачваньне

4 красавіка сьледчае ўпраўленьне папярэдняга расьсьледаваньня ГУУС Менгарвыканкаму прад'явіла абвінавачваньні ўдзельнікам масавых беспарадкаў 19 сьнежня Дразду, Лобану, Сакрэту, Казакову па другой частцы 293 артыкула крымінальнага кодэкса ("масавыя беспарадкі»).

05.04.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з наступных рубрык: “Хроніка пераследу”, "Падзея тыдня", “Асоба. Дзяржава. Грамадства” і “Рэха Плошчы”.

05.04.2011 Грамадзянская супольнасьць супраць пазбаўлення памяшканьня Сядзібы БНФ

Праўленьне Асамблеі няўрадавых дэмакратычных арганізацыяў Беларусі распаўсюдзіла заяву “Аб сытуацыі вакол памяшканьня сядзібы БНФ”. У ёй асацыяцыя выказвае занепакоенасьць у сувязі з узьніклай сытуацыяй. Як вядома, камунальныя службы Савецкага раёну Менску не працягнулі дамову арэнды памяшканьня, якое БНФ займала цягам 20 год.

05.04.2011 Створаная грамадская кааліцыя за бязвізавы рух паміж Беларуссю і “Шэнгенам”

Шэраг вядомых беларускіх арганізацый і даследчых інстытутаў аб’ядналі свае намаганні ў межах кааліцыі «У Беларусь і Еўропу — БЕЗ ВІЗЫ!». Пры падтрымцы партнёраў з краін Еўрапейскага Звязу, беларусы збіраюцца адстойваць ідэю бязвізавага руху паміж Беларуссю і іншымі еўрапейскімі краінамі.

04.04.2011 Дашкевіч дзякуе журналістам

Старшыня "Маладога Фронту" Зміцер Дашкевіч даслаў ліст падзякі незалежным журналістам, якія асвяцілі праблему датычна перанаселенасці камеры, дзе ўтрымоўваўся хлапец.