Праваабарончы цэнтр «ВЯСНА»

Навіны за Красавік 2011

11.04.2011 “Вясна” пратэстуе супраць крымінальнага пераследу Андрэя Пачобута

Заява Праваабарончага цэнтру “Вясна” Праваабарончы цэнтр “Вясна” патрабуе ад уладаў Беларусі: - неадкладна спыніць крымінальны пераслед Андрэя Пачобута; - скасаваць дыфамацыйныя артыкулы Крымінальнага кодэксу ў адпаведнасці з міжнароднымі стандартамі ў галіне свабоды прэсы і свабоды выказванняў; - зарэгістраваць непрызнаны беларускімі ўладамі незалежны Саюз палякаў Беларусі.

11.04.2011 Незалежныя журналісты ў Брэсце патрапілі ў "чорны спіс"?

Футбольны клуб "Дынама" (Брэст) увёў новыя правілы акрэдытацыі з мэтай "больш плённага супрацоўніцтва са СМІ".

11.04.2011 Падчас візіту Лукашэнкі за салігоскімі апазіцыянерамі наладзілі сачэнне

Да неверагоднага ажыятажу, які ахапіў у апошнія дні салігорскія крамы з нагоды магчымага падвышэння коштаў на цукар і алей, дадалася мітусня звязаная з прыездам, а дакладней прылётам, 9 красавіка ў сталіцу шахцёраў Аляксандра Лукашэнкі.

11.04.2011 У аб’яднання баранавіцкіх украінцаў адабралі юрыдычны адрас

ЖРЭУ адклікаў гарантыйны ліст аб прадастаўленні Баранавіцкаму грамадскаму аб’яднанню “Кабзар” памяшкання. Цяпер для абласнога ўпраўлення юстыцыі Брэсцкага аблвыканкама з’явілася прычына для адмовы ў рэгістрацыі ў Баранавічах украінскай дыяспары.

10.04.2011 У Барысаве складзены свой спіс неўязных чыноўнікаў

Прадстаўнікі барысаўскіх дэмакратычных партый і аб'яднанняў склалі спіс чыноўнікаў, на якіх, па іх меркаванні, павінны быць распаўсюджаныя санкцыі Еўрасаюза.

10.04.2011 Рыгора Лук’янчука будуць судзіць за адмову ад дактыласкапіі

Рабочы чыгункі Рыгор Лук’янчук з горада Маларыта Брэсцкай вобласці атрымаў позву ў суд Маларыцкага раёна на 14 красавіка. На думку міліцыянераў, ён парушыў артыкул 23.4 КаАП - непадпарадкаванне законнаму распараджэнню альбо патрабаванню службовай асобы.

09.04.2011 На Свабодзе адбылася онлайн-канферэнцыя з Анатолем Лябедзькам

Лідэр Аб’яднанай грамадзянскай партыі Анатоль Лябедзька 9 красавіка выступіў у Менску на першым форуме лібэральнай моладзі краін палітыкі Эўразьвязу «Ўсходняе партнэрства». Палітык заклікаў удзельнікаў форуму ніколі не гандляваць сваім гонарам і ўласнай годнасьцю.

09.04.2011 Фядута пра СІЗА: ніякіх асаблівых умоваў не стваралі, але і катаванняў не было

Адзін з лідэраў кампаніі «Гавары праўду!», давераная асоба Уладзімера Някляева на прэзідэнцкіх выбарах-2010 палітолаг Аляксандр Фядута быў вызвалены ўвечары 8 красавіка.

09.04.2011 Для салігорскай міліцыі закон не дзейнічае

Салігорскі маладафронтавец Іван Шыла атрымаў ліст з адказам на сваю заяву ў Салігорскі РАУС са спазненнем у два месяцы. Скарга датычылася падзей 19 снежня 2010, калі Іван Шыла і Павал Батуеў сутыкнуліся з пераследам з боку супрацоўнікаў салігорскай міліцыі.

09.04.2011 Журналістка пад канвоем “ціхара”

Тамара Шчапёткіна абурана, як нахабна і адкрыта дзенічаюць спецслужбы і адзначае, што на бяздарнага “ціхара” толькі ўпустую пераводзяцца бюджэтныя грошы. Дарэчы, журналістка змагла яго сфатаграфаваць, хаця ён увесь час адварочваўся.

08.04.2011 Краіны АБСЕ заклікаюць да міжнароднага расследавання падзей 19 снежня

Вялікабрытанія заклікала беларускі ўрад да супрацоўніцтва з экспертамі АБСЕ, якія даследуюць падзеі 19 снежня ў Мінску. Пра гэта гаворыцца ў прэс-рэлізе амбасады Вялікабрытаніі ў Беларусі.

08.04.2011 Першы суд за адмову ад дактыласкапіі

Суд над гомельскім апазіцыянерам Васілём Паляковым перанесены на 13 красавіка. Абласнога кіраўніка партыі АГП мусілі судзіць за адмову ад дактыласкапіі.

08.04.2011 Сяргея Каваленку адпусцілі з-пад арышту

Сяргея Каваленку выпісалі са шпіталю, куды ён трапіў на 11 дзень галадоўкі. Пад міліцэйскім канвоем яго даставілі назад у ІЧУ, дзе ён мусіў дабыць 12 сутак арышту. Але ў камеру ён ужо не трапіў: нехта патэлефанаваў супрацоўнікам міліцыі, каб актывіста адпусцілі “да разгляду ягоных скаргаў”.

08.04.2011 За невыкананне абавязкаў чыноўнікі будуць адказваць

Сябра партыі “Справядлівы свет” Віктар Цяпін з Баранавіч атрымаў адказ ад дэпутата Палаты прадстаўнікоў Анатоля Ваньковіча. Дэпутат паведаміў, што прапановы В.Цяпіна да Закона “Аб зваротах грамадзян” -- прынятыя.