Праваабарончы цэнтр «ВЯСНА»

Навіны за Красавік 2011

13.04.2011 У Гомелі - першы штраф за адмову ад дактыласкапіі

13 красавіка суддзя Савецкага раёна Гомеля Галіна Сыцько пакарала старшыню Гомельскай абласной арганізацыі АГП Васіля Палякова штрафам у памеры 25 базавых велічынь (875 тыс. рублёў) за адмову прайсці дактыласкапію. Паколькі адмова ад дактыласкапіі не з'яўлецца адміністратыўным првапарушэннем, Васіль Палякоў быў пакараны па артыкуле 23.4 КаАП – за непадпарадкаванне законным патрабаванням супрацоўнікаў міліцыі.

13.04.2011 ЭЗ не прыняў «ніякіх афіцыйных рашэньняў» па Беларусі

Рада Эўразьвязу на паседжаньні ў Люксэмбургу 12 красавіка не прыняла "ніякіх фармальных рашэньняў" адносна Беларусі, паведаміла агенцтву БелаПАН Мая Кацыянчыч, прэсавы сакратар вярхоўнага прадстаўніка ЭЗ па замежных справах і палітыцы бясьпекі Кэтрын Эштан.

13.04.2011 Магілёўскія дэмакраты прынялі заяву з асуджэннем тэрарыстычных дзеянняў

“Нас хвалюе пытанне аб тым, што ўлады зноў могуць пачаць пад выглядам правядзення расследвання неабгрунтаваны пераслед актывістаў апазіцыі, як гэта ўжо было пасля выбуху 3 ліпеня 2008 года ў горадзе Мінску. Ну і, безумоўна, мы вельмі спачуваем усім пацярпелым, іх родным і блізкім”, - падкрэсліў Юрый Новікаў, сташыні Каардынацыйнай рады Магілёўскай абласной кааліцыі дэмсіл. 12 красавіка дэмакратычныя актывісты прынялі заяву ў сувязі з крывавым тэрактам 11 красавіка ў Мінску.

13.04.2011 Генпракуратура вынесла папярэджанне Мілінкевічу, Старыкевічу і Костку

Генеральная пракуратура Беларусі вынесла папярэджанне лідару руху "За Свабоду" Аляксандру Мілінкевічу, журналісту Аляксандру Старыкевічу і былому супрацоўніку КДБ Валерыю Костку "за распаўсюджванне неабгрунтаванай інфармацыі пра трагічныя падзеі ў Мінскім метрапалітэне".

13.04.2011 Міліцыя хоча апытаць Канстанціна Турчаняка

Да брэсцкага праваабаронцы і сябра руху "За свабоду" Канстанціна Турчаняка ўчора ўвечары наведалася міліцыя. Як сцвярджаюць самі міліцыянты, пачаўся пошук віноўных у тэракце 11 красавіка.

13.04.2011 Дом гомельскага апазіцыянера зносяць, але патрабуюць перад гэтым дабудаваць сцяну

З нечаканай прапановай супрацоўнікаў МНС сустрэўся гомельскі апазіцыянер Кастусь Жукоўскі: яго дом зносяць, але прапануюць перад гэтым дабудаваць супрацьпажарную сцяну. Скаргі ў мясцовыя інстанцыі не далі плёну, таму актывіст напісаў заяву ў Адміністрацыю прэзідэнта, Міністэрства жыллёва-камунальнай гаспадаркі, Міністэрства архітэктуры і будаўніцтва.

13.04.2011 Міжнародная назіральная місія спачувае

Міжнародная назіральная місія прыносіць свае шчырыя спачуванні сем'ям загінуўшых, а таксама ўсім, хто пацярпеў падчас выбуху.

12.04.2011 Старшыня пастаяннай камісіі па нацыянальнай бяспецы Палаты прадстаўнікоў Гумінскі знайшоў вінаватых у трагедыі?

"Трэба даць ацэнку дзеянням псеўдапатрыётаў", - заявіў 12 красавіка журналістам намеснік старшыні Палаты прадстаўнікоў Віктар Гумінскі. Паводле ягоных слоў, пасля ўчорашняга выбуху на станцыі Мінскага метрапалітэна "Кастрычніцкая" грамадства "павінна зрабіць пераацэнку каштоўнасцяў".

12.04.2011 Адгалоскі выбараў у Гомелі: удзельніца агітацыйнай кампаніі Някляева засталася без працы

Падчас апошніх прэзідэнцкіх выбараў жыхарка Гомеля Вольга Лямцава прымала актыўны ўдзел у агітацыйных пікетах за Уладзіміра Някляева, распаўсюджвала ўлеткі, стаяла на пікетах, прымала ўдзел у назіранні. Яе дзейнасць не засталася па-за ўвагай начальства на працы.

12.04.2011 Рагачоўскага актывіста апазіцыі апыталі ў КДБ наконт тэракту ў Менску

12 красавіка актывіст апазіцыі з Рагачова Дзяніс Дашкевіч быў тэрмінова выкліканы ў мясцовы аддзел КДБ для апытання наконт тэракту, які адбыўся 11 красавіка ў Менску.

12.04.2011 Чарговая скарга праваабаронцы Сяргей Гоўшы - пракурору горада

12 красавіка у Баранавічах Сяргей Гоўша накіраваў пракурору горада скаргу на дзеянні супрацоўнікаў КДБ. Адказ намесніка начальніка УКДБ па Брэсцкай вобласці на папярэднюю скаргу праваабаронцу не задаволіў.

12.04.2011 У Шклоўскім раёне звярнулі ўвагу на дзяцей з недабранадзейных сем’яў

На пасяджэнні Шклоўскага райвыканкама яго былы старшыня, а цяпер памочнік прэзідэнта, галоўны інспектар па Магілёўскай вобласці адзначыў, што ў сваёй штодзённай працы супрацоўнікі зацікаўленых раённых службаў “дапускаюць фармалізм, а часам і абыякавасць і не даходзяць да кожнага пэўнага дзіцяці, якому патрэбна дапамога і ўвага. Не на належным узроўні пастаўлена ў раёне і прафілактычная праца з гора-бацькамі”. А так быць не павінна, асабліва на Шклоўшчыне, - падкрэсліў Генадзь Лаўранкоў.

12.04.2011 На запатрабаванне КДБ «Наша Ніва» выдаліла з сайта відэа ўчарашніх падзей

Супрацоўнікі спецслужб прыйшлі, каб у рамках крымінальнай справы, заведзенай па факце падзей у метро, выняць (г.зн. скапіяваць) фота- і відэаматэрыялы, якія тычацца ўчарашніх падзей. Таксама на іх запатрабаванне з сайта было выдаленае відэа, зробленае ўчора каля метро «Кастрычніцкая» аператарамі НН.

12.04.2011 Актывістаў пачалі выклікаць на размовы пра выбух у метро (абноўлена)

Сацыяльнага актывіста Ігара Багачыка, якога раніцай 12 красавіка праз тэлефон выклікалі ў міліцыю на гутарку пра ўчорашні выбух на станцыі метро “Кастрычніцкая”, апыталі ва Ўпраўленні па барацьбе з арганізаванай злачыннасцю і адпусцілі.

12.04.2011 Мінюст адмовіў у рэгістрацыі "Маладым дэмакратам"

11 красавіка прадстаўнікі аргкамітэту па стварэнні МГА «Маладыя дэмакраты» атрымалі адказ з Міністэрства юстыцыі, у якім гаворыцца, што «рашэннем калегіі Міністэрства юстыцыі Рэспублікі Беларусь ад 25 сакавіка 2011 года № 63 у дзяржаўнай рэгістрацыі МГА «Маладыя дэмакраты» адмоўлена».