Праваабарончы цэнтр «ВЯСНА»

Навіны за Красавік 2011

16.04.2011 Менскія міліцыянты збілі ні ў чым не вінаватага чалавека. Хто адкажа – за што?

Абуральны інцыдэнт адбыўся ў Серабранцы непадалёк ад гіпермаркету “Гіпа”, як кажуць, сярод бела дня. Жыхар сталіцы Ігар Рылькоў па незразумелых для яго прычынах быў збіты і ў наручніках дастаўлены ў бліжэйшы РУУС, а пасля ў ГАМ Ленінскага раёна для складання пратакола. Мужчына, які з’яўляецца інвалідам ІІ групы, палічыў, што спрабаваць штосьці тлумачыць міліцыянтам – бессэнсоўна. “За што?” – запытвалася пасля маці Ігара ў міліцэйскага начальства. “Такога быць не можа, каб ні за што”, - пачула ў адказ. Цяпер Галіна Валянцінаўна спадзяецца, што гэта пытанне будзе высвятляць пракуратура.

16.04.2011 Маладэчанцы адпрацоўваюць “пераддажынкаўскія” суботнікі

Жыхарам Маладэчна сёлета асабліва “пашанцавала”: акрамя агульнарэспубліканскіх, яны мусяць адпрацоўваць шматлікія мясцовыя “пераддажынкаўскія” суботнікі. На прадпрыемствах абвесцілі, што да верасня штомесяц у горадзе будзе арганізоўвацца па 1-2 суботнікі.

16.04.2011 Баранавіцкія ўкраінцы збіраюцца пікетаваць

Мікалай Чарнавус плануе праводзіць пікет на працягу 3-х дзён: з 27 па 29 мая, падчас агульнагарадскога свята “Баранавіцкая вясна”, каб праінфармаваць грамадзян горада аб сітуацыі вакол рэгістрацыі арганізацыі баранавіцкіх этнічных украінцаў.

16.04.2011 Мінінфармацыі вынесла папярэджанні «Нашай Ніве» і «Народнай волі»

Прадстаўнікі абедзьвюх рэдакцый ужо адрэагавалі на навіну пра папярэджанне.

15.04.2011 Максім Чарняк – сведка ці падазраваны?

Сёння, 15 красавіка, бабруйчаніна Максіма Чарняка зноў выклікалі на размову ў РАУС. У позве, якую непаўнагадоваму хлопцу выдалі ўжо ў аддзяленні, было пазначана, што ён выкліканы ў якасці сведкі. Але ў працэсе “размовы” Максіма паставілі на фотаўлік і перапісалі асаблівыя прыкметы.

15.04.2011 «Нашу ніву» папярэдзілі за асьвятленьне тэракту

Міністэрства інфармацыі Беларусі вынесла папярэджаньне за недакладную інфармацыю пра тэракт газэце «Наша нiва».

15.04.2011 Чарговы суд за адмову ад дактыласкапіі

Жыхар вёскі Мельнікі Маларыцкага раёна Рыгор Лук’янчук, які адмовіўся ад дактыласкапіі, на разгляд справы з’явіцца не змог, бо не атрымаў позвы з суда.

15.04.2011 Падтрымай палітвязня словам!

Прыводзім паштовыя адрасы папраўчых устаноў, дзе адбываюць тэрміны пакарання ўдзельнікі акцыі пратэсту ў Менску 19 сьнежня 2010 года, якіх асудзілі за ўдзел у масавых беспарадках.

15.04.2011 Бабруйскі журналіст Анатоль Санаценка паведамляе пра ціск з боку пракуратуры

Рэдактар газеты “Бабруйскі кур’ер”, якая зараз існуе толькі ў электронным варыянце, распавёў пра пераслед з боку пракуратуры. Ён зрабіў заяву, якую апублікаваў на сайце газеты пад назвай “Бобруйский курьер” заявляет…” У заяве журналіст выказвае занепакоенасць сітуацыяй са свабодай СМІ.

15.04.2011 Магілёў наведалі прадстаўнікі Міжнароднай назіральнай місіі

14 красавіка Магілёў наведалі прадстаўнікі доўгатэрміновай Міжнароднай назіральнай місіі Камітэта міжнароднага кантролю за сітуацыяй з правамі чалавека ў Беларусі. Яны сустрэліся з мясцовымі праваабронцамі і дэмактывістамі.

15.04.2011 У Пінску адбылася жалобная акцыя ў памяць ахвяраў тэракту ў мінскім метро

Пінчукі, не адмаўляючы неабходнасці правядзення жалобы, адзначаюць, што летась, калі на адным з пінскіх прадпрыемстваў загінула 14 чалавек, мясцовыя ўлады доўгі час не рэагавалі падобным чынам. Гарадскую жалобу абвесцілі талькі амаль праз тыдзень - усё чакалі рашэння са сталіцы.

15.04.2011 ПАРЭ заклікала Беларусь адмовіцца ад сьмяротнага пакараньня

Парлямэнцкая асамблея Рады Эўропы заклікала ЗША, Японію і Беларусь адмовіцца ад вынясеньня і выкананьня сьмяротных прысудаў.

14.04.2011 Прадстаўнікі грамадзянскай супольнасці заклікалі Савет Еўропы заняць больш актыўную пазіцыю ў дачыненні да сітуацыі ў Беларусі

12 красавіка на пасяджэнні Камітэта па палітычных пытаннях Парламенцкай асамблеі Савета Еўропы адбыўся «абмен думкамі» па сітуацыі ў Беларусі.

14.04.2011 Газета “Узгорак” атрымала папярэджанне ад міністэрства інфармацыі

Незалежная газета “Узгорак”, якая выдаецца ў горадзе Горкі Магілёўскай вобласці, атрымала папярэджанне ад Міністэрства інфармацыі. Пра гэта паведаміла рэдактар выдання Галіна Будная. Першай прычынай папярэджання значыцца тое, што рэдакцыя не паведамілапра змену рэдактара. Былы рэдактар газеты “Узгорак”, вядомы на Магілёўшчыне журналіст і грамадскі дзеяч Эдуард Брокараў памёр ад цяжкай хваробы напрыканцы 2010 года.

14.04.2011 Магілёўскі аблсуд не задаволіў скаргу Зміцера Салаўёва

14 красавіка Магілёўскі абласны суд не задаволіў касацыйную скаргу лідэра руху БНФ “Адраджэньне” Зміцера Салаўёва. Зміцер дамагаўся адмены рашэння Ленінскага раённага суда аб адміністратыўным спагнанні ў выглядзе арышту.