Праваабарончы цэнтр «ВЯСНА»

Навіны за Сакавік 2011

10.03.2011 З нагоды праекта закона “Аб некамерцыйных арганізацыях” пададзены калектыўны Зварот

9 сакавіка ў Палату прадстаўнікоў Нацыянальнага сходу і ў Савет міністраў перададзены калектыўны зварот па праекце Закона “Аб некамерцыйных арганізацыях”. Зварот падпісалі 110 некамерцыйных арганізацыяў розных арганізацыйна-прававых формаў і накірункаў дзейнасці, якія аб’ядноўваюць у сваіх шэрагах больш за 270 тысяч членаў. Гэта самая маштабная акцыя лабіравання агульных інтарэсаў з боку беларускіх арганізацыяў грамадзянскай супольнасці.

09.03.2011 З «Аўтарадыё» знятыя абвінавачванні ў экстрэмізме

Такое рашэнне вынес 9 сакавіка Вышэйшы гаспадарчы суд па разборы справы «Аўтарадыё» і Міністэрства інфармацыі. Таксама Міністэрства інфармацыі павінна выплаціць «Аўтарадыё» 700 тыс. рублёў кампенсацыі.

09.03.2011 Удзельніка Плошчы адлічылі з універсітэта

Алеся Лукашова адлічылі з 2 курса фізфака БДУ. Фармальная прычына — няздача сесіі. Алесь працаваў у камандзе Уладзіміра Някляева. Ён і з экс-кандыдатам у прэзідэнты ішоў у адной калоне на Кастрычніцкую плошчу 19 снежня. Быў сведкам збіцця Някляева і наступных падзей.

09.03.2011 Хрысьціянскіх дэмакратаў з Наваградку выклікалі ў КДБ

Позвы, каб зьявіцца ў Менск у КДБ Беларусі, сёньня атрымалі сябры БХД Уладзімер Качагур і Юры Казак. Да Дар’і Бахар з КДБ таксама прыходзілі на працу, але яе ў гэты час не было. Яшчэ аднаго актывіста Сяргея Ваўчка не засьпелі дома.

09.03.2011 Суд над назіральнікам кампаніі “Правабаронцы за свабодныя выбары” адбудзецца 10 сакавіка

Грамадскі актывіст з Глыбокага, карэспандэнт інтэрнэт-выдання “Весткі” (westki.info) Кастусь Шыталь атрымаў позву на 10 сакавіка ў Глыбоцкі раённы суд. Падставай стала тое, што, будучы назіральнікам ад БХК, Кастусь запытаўся студэнта ліцэя, ці добраахвотна ён ідзе на датэрміновае галасаванне.

09.03.2011 "Міжнародная амністыя" заклікала масава пісаць лісты Лукашэнку і Васілевічу

Праваабаронцы патрабуюць неадкладна і без якіх-небудзь умоваў вызваліць асуджанага Аляксандра Атрошчанкава і іншых 11 вязняў сумлення.

09.03.2011 Экспэрты АБСЭ прыбываюць у Беларусь

Першыя чатыры назіральніка Бюро па дэмакратычных інстытутах і правах чалавека АБСЭ маюць прыбыць у Беларусь 9 сакавіка, каб назіраць за ходам судовых пасяджэньняў па справе аб падзеях 19 сьнежня мінулага году.

09.03.2011 Сябру Міжнароднай назіральнай місіі Беларусь забараніла ўезд

Памочніку прадстаўніка Міжнароднай назіральнай місіі Камітэта міжнароднага кантролю за сітуацыяй з правамі чалавека ў Беларусі, сябру «Фундацыі Рэгіянальных Ініцыятываў», грамадзяніну Украіны Максіму Кіцюку было адмоўлена ў перасячэньні беларускай мяжы.

09.03.2011 Хілары Клінтан адзначыла прэміяй Насту Палажанку

20-гадовая Наста Палажанка стала першай беларускай, узнарагоджанай прэстыжнай Міжнароднай жаночай прэміяй за мужнасьць, якую Дзяждэпартамэнт ЗША прысуджае штогод 10 жанчынам розных узростаў і нацыянальнасьцяў. Цырымонія ўзнагароджаньня прайшла 8 сакавіка ў Вашынгтоне.

09.03.2011 Брытанскія юрысты рыхтуюцца прыцягнуць беларускага прэзідэнта да суда

Такім падзагалоўкам адкрываецца артыкул на першай паласе Independent. Выданне паведамляе, што брытанская юрыдычная фірма рыхтуе персанальны судовы пазоў супраць Аляксандра Лукашэнкі, вінавацячы яго ў сістэматычным парушэнні праў чалавека, а менавіта ў тым, што зняволеных беларускай турмы КДБ рэгулярна падвяргаюць катаванням, паведамляе BBC

09.03.2011 БХК абскардзіць папярэджаньне Мінюста

9 сакавіка Вярхоўны суд пачне разгляд скаргі Беларускага Хельсінскага камітэту да Міністэрства юстыцыі.

09.03.2011 КДБ адмовілася вярнуць тэхніку «НН»

Рэдакцыя «Нашай Нівы» атрымала з Упраўлення КДБ па Мінску і Мінскай вобласці адказ на хадайніцтва ў справе вяртання камп’ютарнай тэхнікі.

06.03.2011 Габрыэле Кнауль паведамілі пра перасьлед адваката Сапелкі

Новае паведамленьне аб перасьледзе адвакатаў у Беларусі было накіраванае Спецыяльнаму дакладчыку ААН па пытаньні незалежнасьці суддзяў і адвакатаў Габрыэле Кнауль 4 сакавіка.

04.03.2011 Міжнародны ціск на аўтарытарныя ўлады Беларусі ўзмацняецца

Сёньня, 4 сакавіка, у Жэневе, дзе праходзіць паседжаньне Рады па правах чалавека ААН, прадстаўнікі міжнародных праваабарончых арганізацыяў і нацыянальных урадавых дэлегацыяў краінаў-сяброў Рады абмеркавалі сітуацыю з правамі чалавека ў Беларусі. На паралельным сесіі мерапрыемстве “Сітуацыя з правамі чалавека ў Беларусі” выступіць Алесь Бяляцкі, а таксама будзе прадстаўлены даклад Human rights Watch “Пасьлявыбарчы ціск у Беларусі”.

04.03.2011 Карл Шварцэнберг абураны папярэджаннем Генпракуратуры Алесю Бяляцкаму

“Заўсёды з вялікім спачуваннем стаўлюся да спраў Вашага Праваабарончага цэнтру, які нястомна выступае за ідэалы правоў чалавека і дэмакратыі, не зважаючы на пагрозы беларускіх уладаў”, - адзначае намеснік прэм’ер-міністра і міністр замежных спраў Чэшскай Рэспублікі Карл Шварцэнберг у лісце да кіраўніка Праваабарончага цэнтру “Вясна”.