Праваабарончы цэнтр «ВЯСНА»

Навіны за Сакавік 2011

11.03.2011 Аналітычны агляд судовага паседжання па крымінальнай справе Дзмітрыя Мядзведзя: заключны дзень

10 сакавіка 2011 г. у судзе Маскоўскага раёна г. Мінска, пад старшынствам судзі Алены Рудніцкай з удзелам дзяржаўнага абвінаваўцы намесніка пракурора Пракуратуры Маскоўскага раёна г. Мінска К. Мазоўка, з удзелам адваката Сяргея Лепеша, а таксама з удзелам дзяржаўнага істца – прадстаўніка ГГУ Адміністрацыі Прэзідэнта Рэспублікі Беларусь Дзмітрыя Лепеша працягнулася судовае слуханне па крымінальнай справе ў дачыненні да Мядзведзя Дзмітрыя Леанідавіча, які абвінавачваецца ў злачынстве, прадугледжаным ч.2 арт.293 КК Рэспублікі Беларусь (масавыя беспарадкі).

11.03.2011 Прызначаная дата суду над Дашкевічам і Лобавым

На 21 сакавіка прызначаны суд над старшынёй «Маладога фронту» Зьміцерам Дашкевічам і ягоным намесьнікам Эдуардам Лобавым, якіх вінавацяць у асабліва злосным хуліганстве (ч.3 артыкула 339 Крымінальнага Кодэксу). Справу будзе разглядаць суддзя Маскоўскага раёна Менска Алена Шылько.

11.03.2011 Класкоўскі: "Машына рэпрэсій хоча скалечыць, зламаць, згнаіць майго сына"

"Трэці месяц мой сын Аляксандар Класкоўскі знаходзіцца ў сьледчым ізалятары КДБ — сумнавядомай "амэрыканцы". Ён зьняволены за падзеі Плошчы 19 сьнежня. У мяне ёсьць сур’ёзныя падставы меркаваць, што над ім чыняць зьдзек, псыхалягічна ламаюць, ігнаруючы элемэнтарныя нормы закону...

11.03.2011 Дзе будуць адбываць пакараньне асуджаныя удзельнікі Плошчы?

Заўтра ўступаюць у законную сілу прысуды асуджаным удзельнікам акцыі пратэсту на плошчы Незалежнасьці ў Менску 19 снежня Зміцеру Новіку і Аляксандру Малчанаву. Іх абвінавацілі ў масавых беспарадках па ч.2 арт. 293 Крымінальнага кодэксу і пакаралі пазбаўленьнем волі на тры з паловай і тры гады адпаведна.

11.03.2011 Гарадзенская пракуратура папярэдзіла Андрэя Пачобута

Папярэджаньне журналісту даслана10 cакавіка. Гарадзенскага журналіста пракуратура папярэджае за працу на польскую «Gazetu Wyborczu» без акрэдытацыі.

11.03.2011 Міжнародная назіральная місія фіксуе факты перасьледу праваабаронцаў

Міжнародная назіральная місія падрыхтавала аналітычную даведку аб становішчы праваабаронцаў і праваабарончых арганізацый у Рэспубліцы Беларусь за перыяд з 12 студзеня па 8 сакавіка 2011 года.

10.03.2011 Брэусу і Гапонаву - штрафы па 300 базавых велічынь

Суд Маскоўскага раёна Менска вынес прысуд двум грамадзянам Расійскай Федэрацыі, якіх прызналі вінаватымі па ч.2 арт.293 КК РБ. З прымяненнем артыкула 70 КК РБ суд пастанавіў пакараць Івана Гапонава і Арцёма Брэуса штрафамі ў памеры 300 базавых велічынь кожнаму. Гапонава і Брэуса ў залі суду вызваляюць пад падпіску аб нявыездзе. У інтэрв'ю СМІ прысутны на працэсе прадстаўнік Расійскай амбасады заявіў, што амбасада з задавальненнем успрыняла гэты прысуд.

10.03.2011 Пэнсіянэрку зь Бешанковічаў дапыталі пра падзеі 19 сьнежня

Валянціна Гракун не хавае таго, што адмыслова езьдзіла ў Менск, каб узяць удзел у мірнай акцыі пратэсту. Пра гэта яе дапытаў супрацоўнік Бешанковіцкага РАУС на загад менскага міліцэйскага кіраўніцтва.

10.03.2011 Магілёўскі аблсуд пакінуў у сіле прысуды за пікет салідарнасці

10 сакавіка ў Магілёўскім абласным судзе суддзя Сяргей Каралёў разглядаў скаргу Валянціна Лабачова, Сяргей Нягаціна і Наталлі Шкадун, якія раней былі пакараныя за пікет салідарнасці з палітвязнямі 16 студзеня. Яшчэ адна скарга – ад Максіма Анцыповіча – будзе разгледжаная пазней.

10.03.2011 Суд адмовіў настаўніцы Наталлі Ільініч у аднаўленні на працы

Суддзя Пухавіцкага раённага суда Святлана Акуліч вырашыла, што звальненне з працы Наталлі Ільініч адпавядае заканадаўству.

10.03.2011 Судовая справа супраць Кастуся Шыталя скасавана

Разгляд справы глыбоцкага актывіста, журналіста незалежнага сайту westki.info доўжыўся ўсяго 5 хвілін. Судзьдзя райсуду Ірына Казак пастанавіла скасаваць судовую справу з прычыны “заканчэньня тэрмінаў вынясеньня адміністрацыйнага пакараньня”.

10.03.2011 Пачобута папярэдзіла пракуратура

Журналіст Андрэй Пачобут атрымаў афіцыйнае папярэджанне ад пракуратуры Гродзенскай вобласці. За працу на польскую «Газету Выборчую» без акрэдытацыі.

10.03.2011 Прысуд Дзмітрыю Мядзведзю – 3 гады абмежаваньня волі без накіраваньня ва ўстанову адкрытага тыпу

У судзе Маскоўскага раёну Менска абвешчаны прысуд Дзмітрыю Мядзьведзю — 3 гады абмежаваньня волі без накіраваньня ва ўстанову адкрытага тыпу.

10.03.2011 Разгляд справы БХК працягнецца 11 сакавіка

Разбор па скарзе рэспубліканскага праваабарончага грамадскага аб’яднання «Беларускі Хельсінкскі камітэт» (БХК) на папярэджанне Міністэрства юстыцыі працягнецца ў Вярхоўным судзе 11 сакавіка.

10.03.2011 Справа настаўніцы Ільініч працягнецца 10 сакавіка

Настаўніца гісторыі Талькаўскай сярэдняй школы Наталлі Ільініч спрабуе праз суд вярнуць сабе працу ў школе. Суд Пухавіцкага раёна ўчора разглядаў яе справу.