Праваабарончы цэнтр «ВЯСНА»

Навіны за Сакавік 2011

15.03.2011 Зміцер Салаўёў абскарджвае парушэнні, дапушчаныя падчас вобыска ў ягонай кватэры

Лідэр Магілёўскай абласной арганізацыі ГА БНФ “Адраджэньне” Зміцер Салаўёў патрабуе ад суду прызнаць доказы, атрыманыя падчас ператрусу ў ягонай кватэры, незаконнымі, забарніць іх выкарыстоўваць падчас следства і вярнуць іх гаспадару.

15.03.2011 Суд над Мікітам Ліхавідам – праз тыдзень

На 22 сакавіка прызначаны працэс па крымінальнай справе Мікіты Ліхавіда, якога абвінавачваюць ва ўдзеле ў масавых беспарадках 19 снежня (па ч.2 арт.293 КК РБ). Справу будзе разглядаць суддзя Пыкіна Наталля ў судзе Партызанскага раёна Менска. Пачатак – а 10-ай раніцы.

15.03.2011 Ноў-хаў беларускага КДБ: допыт па тэлефоне

Пасля таго, як супрацоўнік КДБ адмовіўся папярэдне выдаць грошы на праезд Крысціне Шацікавай, апошняя адмовілася ад візіту мінскае УКДБ. Тады ён прапанаваў актывістцы правесці допыт па тэлефоне, ад якога яна таксама адмовілася, спаслаўшыся на тое, што будзе размаўляць з ім толькі пад пратакол і з выкананнем усіх устаноўленых законам працэдур.

15.03.2011 Таццяне Севярынец трэці раз адмовілі ў сустрэчы са зняволеным сынам

Два апошнія лісты ад следчага Санько Тацяна Севярынец атрымала 14 сакавіка. Адзін з лістоў – гэта адмова на сустрэчу Паўла Севярынца са святаром, а другі – адмова на сустрэчу з маці, ужо трэцяя па ліку за час яго зняволення.

15.03.2011 Скаргі апазіцыянераў на УКДБ Магілёўскай вобласці суд разгледзіць 21 сакавіка

21 сакавіка суд Ленінскага раёна г.Магілёва разгледзіць скаргі актывіста ГА БНФ “Адраджэньне” Зміцера Салаўёва і актывісткі аргкамітэта партыі БХД Таццяны Шамбалавай на Магілёўскае ўпраўленне КДБ. Магілёўскія актывісты абскарджваюць пастаноўку іх на ўлік у КДБ і вынясенне ім пісьмовых папярэджанняў.

15.03.2011 Алесь Міхалевіч даслаў “Ліст з-за мяжы”, але сувязі з ім няма

Артыкул пад назвай “Ліст з-за мяжы. Не хачу быць героем” Алесь Міхалевіч даслаў у рэдакцыю інтэрнэт-газеты Naviny.by. Атрымліваецца, што ліст у рэдакцыю палітык адправіў на 26 хвілін пазней, чым напісаў у сваім інтэрнэт-блогу пра свае ўцёкі ў замежжа. “Ліст з-за мяжы” тлумачыць матывы ўчынку Алеся Міхалевіча, але не тлумачыць, дзе ён зараз і ці сам пісаў у інтэрнэце.

15.03.2011 Ірына Панкавец застаецца «хранічна беспрацоўнай»

Ірына Панкавец, маці рэдактара аддзела палітыкі газеты «Наша Нiва» Дзмітрыя Панкаўца, ужо трэці месяц не можа знайсці працу. Звольнілі яе з Старабарысаўскай АСШ пасля дзесяці сутак адсідкі за ўдзел у мірнай акцыі ў Мінску 19 снежня мінулага года.

15.03.2011 Івана Шылу шукае міліцыя

Намесніка старшыні Маладога Фронту Івана Шылу адшуквае салігорская міліцыя. Увечары 14-га сакавіка на хатні тэлефон бацькоў маладзёна патэлефанаваў участковы інспектар і паведаміў, што яму неабходна ажыццявіць прывад маладафронтаўца ў суд.

15.03.2011 Форуму грамадзянскай супольнасьці адмовілі ў памяшканьні для канфэрэнцыі

Нацыянальнай плятформе Форуму грамадзянскай супольнасьці "Ўсходняга партнэрства" (ФГС УП) не далі месца, каб правесьці канфэрэнцыю "Роля і месца грамадзянскай супольнасьці ў стратэгіі будучыні".

15.03.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Час выхаду праграмы ў эфір – 15-05. Таксама ў гэты час яе можна слухаць праз інтэрнэт на сайце www.racyja.com.

15.03.2011 Паўлу Севярынцу зноў адмовілі ў сустрэчы з маці і сьвятаром

Маці сустаршыні аргкамітэту па стварэньні партыі “Беларуская Хрысьціянская Дэмакратыя” Паўла Севярынца Тацяна Яўгенаўна паведаміла, што 14 сакавіка атрымала два лісты ад сьледчага Санько, які займаецца справай яе сына. У першым зь лістоў ён адмовіў Тацяне Севярынец у сустрэчы з сынам.

15.03.2011 Мінскі гарадскі суд разгледзіць скаргу Някляева

Як паведаміла жонка палітыка Вольга Някляева Мінскі гарадскі суд будзе разглядаць скаргу на прадаўжэнне тэрміну следства і стрымання пад вартай.

15.03.2011 Шацікаву зноў выклікаюць у КДБ

Праваабаронцу з грамадзянскай кампаніі «Наш дом» Крысьціну Шацікаву 15 сакавіка чакаюць у Магілёўскай абласной управе КДБ. Паводле актывісткі, дапытваць яе будзе як сьведку ў крымінальнай справе аб масавых беспарадках 19 сьнежня сьледчы зь Менску Максім Мешчаракоў.

14.03.2011 «Вясна» ўзнагароджаная Прэміяй Свабоды Атлантычнай Рады

Сёлетнюю ўзнагароду разам атрымаюць Праваабарончы цэнтр «Вясна», ГА «Беларуская асацыяцыя журналістаў» і «Свабодны тэатр». Пра гэта паведамляецца ў лісце, накіраваным на імя старшыні ПЦ «Вясна» Алеся Бяляцкага кіраўніком Атлантычнай Рады (Atlantic Council) Фрэдэрыкам Кэмпам.