Праваабарончы цэнтр «ВЯСНА»

Навіны за Сакавік 2011

17.03.2011 За “Сыходзь!” – штрафы па 10 базавых

16 сакавіка адміністрацыйная камісія адміністрацыі Ленінскага раёну горада Гродна прыняла рашэнне аштрафаваць моладзевых актывістак Вольгу Багдановіч і Кацярыну Герасімчык. Абедзве атрымалі позвы на паседжанне камісіі і збіраліся туды ісці, аднак, за паўтары гадзіны да прызначанага часу да іх у інтэрнат прыехаў супрацоўнік міліцыі і прымусіў сесці ў машыну.

17.03.2011 Суд падтрымаў забарону пікета салідарнасці

16 сакавіка суд Полацкага раёна і г. Полацка не задаволіў скаргу В. Калесніка на дзеянні супрацоўніцы Полацкага гарвыканкама Н.Ганебнай, якая адмовіла ў дазволе на правядзенне ў Полацку пікета 19 лютага ў падтрымку людзей, арыштаваных за ўдзел у мірнай акцыі на плошчы Незалежнасці ў Мінску.

17.03.2011 Расійскага праваабаронцу Андрэя Юрава могуць дэпартаваць з Беларусі

Допыт затрымананага позна ўвечары 16 сакавіка ў Менску кіраўніка Міжнароднай назіральнай місіі па маніторынгу правоў чалавека ў Беларусі Андрэя Юрава пачнецца ў 11 гадзін. Статус затрыманага праваабаронцы пакуль невядома.

17.03.2011 Кіраўніка Міжнароднай місіі маніторынгу правоў чалавека высылаюць з Беларусі

16сакавіка ў 21.05 на кватэру па вуліцы Чырвонай у Мінску, якую займалі сябры Міжнароднай назіральнай місіі па маніторынгу правоў чалавека ў Беларусі прыйшлі міліцыянты. Яны запатрабавалі пусціць іх, матывуючы гэта тым, што, паводле іх звестак, у памяшканні падоўгу жывуць замежныя грамадзяне. Праваабаронцы пускаць іх адмовіліся, паколькі міліцыя не мела адпаведнага ордэра.

16.03.2011 Упраўленне юстыцыі Гомельскага аблвыканкаму падтрымала дыскрымінацыйны падыход суддзі

Кастусь Жукоўскі накіраваў скаргу ў Міністэрства юстыцыі на дзеянні суддзі. Ён звяртаў увагу, што судовы працэс прайшоў з парушэннямі заканадаўства: яму адмовілі ў перакладчыку, тым самым парушылі Канстытуцыю і абразілі яго нацыянальную годнасць.

16.03.2011 Акцыя салідарнасці з палітзняволенымі ў Полацу і Наваполацку

16 сакавіка новаствораная арганізацыя“Свабодны рэгіён” правяла акцыю салідарнасці з палітзняволенымі ў Полацу і Наваполацку. На афішных тумбах, прыпынках грамадскага транспарта, пад’ездах дамоў з’явіліся партрэты палітзняволеных і інфармацыйныя матэрыялы пра рэпрэсіі.

16.03.2011 Суд над Дашкевічам і Лобавым перанесены

Разгляд крымінальнай справы Зміцера Дашкевіча і Эдуарда Лобава ў судзе Маскоўскага раёна Менска перанесены на аўторак 22 сакавіка. Суд пачнецца а 14-ай гадзіне. У гэты ж дзень а 10-ай раніцы ў судзе Партызанскага раёна пачнецца суд над фігурантам справы аб масавых беспарадках Мікітам Ліхавідам.

16.03.2011 У Астраўцы затрымалі журналіста

Сёньня ў Астраўцы быў затрыманы і дастаўлены ў мясцовае аддзяленне міліцыі карэспандэнт інтэрнэт-газеты «Салідарнасць» Сяргей Балай. Журналіст прыехаў у камандзіроўку па рэдакцыйным заданьні: каб апытаць мясцовых жыхароў, як яны ставяцца да будаўніцтва Астравецкай АЭС, улічваючы апошнія падзеі ў Японіі.

16.03.2011 Міжнародная назіральная місія занепакоена апошнімі падзеямі ў Беларусі (+ тэкст заявы)

16 сакавіка Міжнародная назіральная місія Камітэта Міжнароднага Кантролю за сітуацыяй з правамі чалавека ў Беларусі распаўсюдзіла заяву “Пра сітуацыю з забеспячэннем фундаментальных правоў чалавека ў перыяд правядзення крымінальных судовых працэсаў па справах удзельнікаў падзеяў 19 снежня 2010 году”. Пры гэтым асобную увагу Місія надае і неапраўданаму пераследу праваабарончых арганізацый і іх прадстаўнікоў – у сувязі з папярэджаннем Генпракуратуры на адрас кіраўніка ПЦ “Вясна” Алеся Бяляцкага і папярэджаннем Мінюста на адрас Беларускага Хельсінкскага Камітэта.

16.03.2011 Ваенная пракуратура мусіць праверыць факты катаваньняў ў дачыненьні да Аляксея Міхалевіча

Генеральная пракуратура Беларусі перанакіравала зварот праваабаронцы Алеся Бяляцкага наконт фактаў прымяненьня катаваньняў да былога кандыдата ў прэзідэнты Рэспублікі Беларусі Аляксея Міхалевіча ў Беларускую ваенную пракуратуру. Тым самым орган, які закліканы сачыць за захваньнем законнасьці ў краіне, зьняў з сябе непасрэдную адказнасьць за праверку выкладзеных у скарзе фактаў.

16.03.2011 Пётр Мігурскі: “Па-ранейшаму застаюся без працы”

Пётр Мігурскі, былы дацэнт Магілёўскага дзяржаўнага ўніверсітэта харчаванння, кандыдат эканамічных навук, звольнены на пачатку лютага з універсітэта за ўдзел у прэзідэнцкіх выбарах у якасці даверанай асобы кандыдата ў прэзідэнты Уладзіміра Някляева, па-ранейшаму застаецца беспрацоўным.

16.03.2011 Алесь Міхалевіч даслаў гукавае паведамленне

Намеснік старшыні Руху “За Свабоду” Юрась Губарэвіч распавёў пра сваю ўпэўненасць, што Алесь Міхалевіч жывы-здаровы і ў бяспечным месцы.

16.03.2011 Валянцін Стэфановіч дамагаецца вяртаньня ўласнай маёмасьці, сканфіскаванай пад час ператрусу

Праваабаронцы Алесь Бяляцкі, Валянцін Стэфановіч і Уладзімір Лабковіч атрымалі адказы за свае скаргі наконт сканфіскаваных пад час ператрусу ўначы 20 сьнежня на кватэры Алеся Бяляцкага асабістых рэчаў, у тым ліку і кампутарнай тэхнікі. Прычым адказы прыйшлі не з пракуратуры Першамайскага раёна Менска, куды звярталіся праваабаронцы, а Першамайскага РУУСа сталіцы, менавіта таго органа, дзеяньні якога і абскарджваліся.

16.03.2011 Севярынец: вязьням не даюць сустракацца са сьвятарамі

Сустаршыня агркамітэту па стварэньні партыі “Беларуская Хрысьціянская Дэмакратыя” Павал Севярынец, які на працягу амаль трох месяцаў знаходзіцца ў СІЗА КДБ, даслаў чарговы ліст сваім бацькам.

16.03.2011 Ацэнкі беларускіх праваабаронцаў прагучалі падчас прэзентацыі дакладу Human Rights Watch па Беларусі (+ даклад)

Міжнародная праваабарончая арганізацыя Human Rights Watch уключыла факты пераследу Праваабарончага цэнтру “Вясна” пасля снежаньскіх падзеяў у свой даклад “Няздзейсненыя надзеі: рэпрэсіі ў Беларусі пасля прэзідэнцкіх выбараў-2010”, апублікаваны 12 сакавіка. Расійскі офіс Human Rights Watch прэзентаваў даклад 14 сакавіка у Маскве, куды быў запрошаны кіраўнік “Вясны”. Падчас прэзентацыі Алесь Бяляцкі прадставіў сваю ацэнку сітуацыі з правамі чалавека ў Беларусі за апошнія некалькі месяцаў.