Праваабарончы цэнтр «ВЯСНА»

Навіны за Сакавік 2011

21.03.2011 Акцыя салідарнасці ў Полацку і Наваполацку

У гэтыя выходныя споўнілася тры месяца з дня прэзідэнцкіх выбараў у Беларусі і зняволення большасці кандыдатаў і сяброў іх каманд. У двух гарадах былі расклееныя партрэты палітвязняў з патрабаваннямі іх вызвалення, на адной з вуліц Наваполацка з'явіўся транспарант “Свабоду Саннікаву”.

21.03.2011 Пікет салідарнасці з палітвязнямі -- пад наглядам раённага "ідэолага"

19 сакавіка ў райцэнтры Глыбокае адбылася акцыя салідарнасці з палітвязнямі -- адзіная на Віцебшчыне акцыя падобнага зместу, санкцыянаваная ўладамі. Прадстаўнікі райвыканкаму адмыслова прыйшлі назіраць за ўдзельнікамі і прабылі на пікеце, пакуль акцыя не скончылася.

20.03.2011 Суд па справе Майі Абромчык адкладваецца

19 сакавіка суд павінен быў пачаць разгляд справы Майі Абромчык у дачыненні неправамерных дзеянняў супрацоўнікаў АМАПа. Але справа зацягваецца. Як паведаміла “Народнай Волі” студэнтка гістфака БДУ Майя Абромчык, справа па факту таго, што супрацоўнік АМАПу зламаў ёй нагу падчас мірнай акцыі апазіцыі 19 снежня, патрапіць у суд мінімум праз месяц.

20.03.2011 Зміцера Салаўёва дапыталі ў вайсковай контрвыведцы

Салаўёў: "У мяне склалася ўражанне, што супрацоўнікі вайсковай контрвыведкі сапраўды хочуць разабрацца ў ходзе падзей, якія адбываліся на Плошчы. Яны актыўна шукаюць тых людзей, якія пашкодзілі будынак Дома ўраду, правакавалі людзей на гвалтоўныя дзеянні".

20.03.2011 У Салігорску забаранілі пікеты ў Дзень Волі

Адказнасць за парушэнне права салігорцаў на правядзенне сходаў грамадскія актывісты ўскладаюць на выконваючага абавязкі старшыні выканкаму Аляксандра Лазука і кіраўніка справамі выканкаму Галіну Яскевіч, чые прозвішчы стаяць пад адмовамі ў правядзенні пікетаў.

20.03.2011 Жодзінскі выканкам адмовіў у правядзенні пікета

Дэмакратычны актывіст Юры Сілкін звярнуўся ў Жодзінскі гарадскі выканкам з просьбай дазволіць правядзенне пікетаў у падтрымку палітычных зняволеных 19 і 25 сакавіка. У правядзенні пікету 19 сакавіка адмоўлена.

20.03.2011 Водгукі прэзідэнцкіх выбараў: цяпер дыскрымінацыю пры фармаванні камісій ацэніць Камітэт ААН

Баранавіцкія сябры ТБМ збіраюцца звяртацца са скаргай у Камітэт па правах чалавека ААН з нагоды дыскрымінацыі пры фармаванні ўчастковых камісій. Для гэтага было неабходна выкарыстаць усе магчымыя механізмы абароны ўнутры краіны, што і было зроблена.

19.03.2011 Алесь Бяляцкі: Тыя магчымасці, якія Беларусь магла атрымаць пры нармальных узаемаадносінах з Еўрасаюзам, страчаны

19 сакавіка споўнілася роўна тры месяцы, як у краіне адбыліся прэзідэнцкія выбары. Тры месяцы, якія змясцілі ў сабе мноства падзей. Рэпрэсіі, запалохванне грамадства, першыя суды над удзельнікамі акцыі 19 снежня... Што маем і што рабіць далей? Аб гэтым карэспандэнт “Народнай Волі” гутарыў з віцэ-прэзідэнтам Міжнароднай федэрацыі правоў чалавека, праваабаронцам Алесем Бяляцкім.

19.03.2011 У Брэсце збіраюць подпісы, каб дазволілі канцэрта Вайцюшкевіча

У Брэсце арганізаваны збор подпісаў пад зваротам да міністра культуры Паўла Латушкі дазволіць канцэрт Змітра Вайцюшкевіча.

19.03.2011 Правы чалавека ў Беларусі - зноў на павестцы дня Савета пры Прэзідэнце па правах чалавека

Савет пры прэзідэнце РФ плануе стварэнне групы па сітуацыі з правамі чалавека ў Беларусі і Расіі, у тым ліку ў сферы гарманізацыі прававых сістэм абедвюх краін. Таксама Савет мае намер заняцца распрацоўкай заканадаўчых мер па забеспячэнні магчымасці працы расійскіх адвакатаў у Беларусі, а беларускіх - у Расіі.

19.03.2011 Віцебскі гарвыканкам не збіраецца павялічваць колькасць месцаў длоя масавых акцый

Актывісты атрымалі з гарвыканкама ліст, які сведчыць, што іх просьба павялічыць колькасць дазволеных месцаў для правядзення масавых мерапрыемстваў проста праігнаравана.

19.03.2011 Барысаўскага дэмактывіста пазбавілі магчымасці працаваць

З 1 сакавіка бягучага года з дэмакратычным актывістам, індывідуальным прадпрымальнікам Міхаілам Васільевым былі расторгнуты дамовы арэнды ў дзяржаўным і прыватным гандлёвых прадпрыемствах горада Барысава.

19.03.2011 Актывіста “Свабоднага рэгіёна” выклікаюць у Полацкае аддзяленне КДБ

Аднаго з ініцыятараў стварэння грамадскага аб'яднання “Свабодны рэгіён” Яўгенія Парчынскага паспрабавалі выклікаць у Полацкае аддзяленне КДБ па тэлефоне.

19.03.2011 У Гродне распачаўся працэс па справе аб нанясенні графіці

18 сакавіка ў Гродне распачаўся адміністрацыйны працэс супраць моладзевай актывісткі Кацярыны Герасімчык. Яе вінавацяць у нанясенні графіці на помнік Леніна. Высветлілася цікавая рэч – нарад міліцыі кожную гадзіну абавязаны абыходзіць помнік Леніну, што яны і робяць.

18.03.2011 Клаўдзія БУЛАНАВА: «Мой сын з турмы можа ніколі не выйсці»

Адзін з дзясяткаў абвінавачаных у крымінальнай справе, распачатай уладамі пасля прэзідэнцкіх выбараў 19 снежня, Зміцер Буланаў, мае вельмі сур'ёзныя праблемы са здароўем. Як высветлілася, Зміцер ад 10 сакавіка знаходзіцца ў турэмным шпіталі з дыягназам "вострая рэўматычная гарачка". Наступствамі гэтага захворвання могуць стаць праблемы з сэрцам, ныркамі і суставамі.