Праваабарончы цэнтр «ВЯСНА»

Навіны за Сакавік 2011

22.03.2011 Барыса Гарэцкага сёння дапыталі супрацоўнікі КДБ

Журналіст Радыё Рацыя Барыс Гарэцкі паведаміў праваабаронцам пра сваё затрыманне. Падчас знаходжання журналіста ў судзе Партызанскага раёна Менска, дзе разглядаецца крымінальная справа Мікіты Ліхавіда, туды наведаліся супрацоўнікі КДБ і прад’явілі Гарэцкаму пастанову на допыт.

22.03.2011 Бацьку Мікалая Статкевіча адмовілі ў сустрэчы з сынам

Бацька экс-кандыдата ў прэзідэнты пісаў зварот у КДБ, каб яму дазволілі сустрэчу, але атрымаў адказ, у якім сказана, што сустрэча з Мікалаем Статкевічам пакуль не прадстаўляецца магчымай. Віктар Паўлавіч Статкевіч жыве адзін у Баранавічах, мае 84 гады і вельмі перажывае, што ўжо не ўбачыць сына.

22.03.2011 Яўген Васьковіч просіць дапамогі ў аднапартыйцаў

Яўген Васьковіч, якога абвінавачваюць у падпале будынка КДБ у Бабруйску, даслаў ліст сябрам ствараемай партыі БХД. У ім маладзён просіць аднапартыйцаў дапамагчы знайсці адваката і часцей пісаць яму. Ён піша, што пакуль не ведае, калі будзе суд, але разлічвае на шэсць-сем год пакарання.

22.03.2011 Крысціну Шацікаву выклікаюць на допыт у контрвыведку

Нагодай для гэтага стала неабходнасць працягу допыту, які праводзілі супрацоўнікі мінскай контрвыведкі Павел Травулька і Максім Мешчаракоў на працягу трох дзён у Магілёве. Прычынай допытаў з’ўляліся фотаздымкі падзеяў на Плошчы, якія Крысціна перадала ў Магілёўскае абласное УКДБ і Першамайскі аддзел міліцыі г. Мінска.

22.03.2011 Польшча: 200 подпісаў за тры гадзіны – у падтрымку беларускіх вязняў

У выніку акцыі “Дашлі Свабоду Беларусі” на працягу трох гадзінаў перад будынкам рэктарата Сілезскага ўніверсітэта ў Катовіцах было сабрана 200 подпісаў. На зробленай у выніку паштоўцы змешчаны здымкі ўсіх, хто далучыўся да акцыі.

22.03.2011 Украінцы адчулі «красу» дыктатуры па суседстве

Украінскія праваабаронцы хочуць высветліць, на якіх прынцыпах складаюцца беларускія спісы «неўяздных» грамадзян.

22.03.2011 Юраў: “Пра спіс неўязных расіян Мядзведзеву абавязкова дакладуць”

Расійскі праваабаронца расказаў, чаму сябраў Савета пры прэзідэнце РФ абурыў факт існавання спісу неўязных расіян, і параіў беларускім памежнікам не расслабляцца.

22.03.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з наступных рубрык: “Хроніка пераследу”, "Падзея тыдня", “Асоба. Дзяржава. Грамадства” і “Рэха Плошчы”.

22.03.2011 Непаўнагадовую праз дэканат выклікаюць на адміністрацыйную камісію

Нагодай для гэтага з’яўляецца ўдзел Ганны Шкадун у акцыі Салідарнасці, якая адбылася 16 студзеня. Праваабаронца Барыс Бухель адзначае, што двухмесячны тэрмін, калі можна было прыцягнуць да адміністрацыйнай адказнасці, выйшаў, і здзіўлены такім паваротам падзей.

22.03.2011 Бацькі Аляксандра Малчанава спадзяюцца на касацыю

“У нас цяпер адна надзея, - кажа Галіна Андрэеўна. - Стала вядома, што Саша ўсё ж вырашыў падаваць касацыйную скаргу. Вось сталі ўжо ж прысуды мякчэй выносіць астатнім зняволеным. Можа, і Сашы б на гэтай хвалі тэрмін скасцілі”.

22.03.2011 Наталля Радзіна: “Гэтыя суды павінны спыніцца”

"Я не займаюся палітыкай, я журналістка. Але ў нашай дзяржаве незалежныя журналісты для ўладаў аказваюцца небяспечнымі. Канешне, я не выпадкова трапіла ў гэты млын. Я працую незалежнай журналісткай, рэдактарам сайта “Хартыя – 97” . І ад таго, што я трапіла ў СІЗА КДБ і мне пагражае турма, я не шкадую, што займаюся незалежнай журналістыкай. І я буду ёю займацца".

22.03.2011 Скарга Зміцера Салаўёва на КДБ не задаволена судом

Зміцер Салаўёў патрабаваў абавязаць ўпраўленне КДБ па Магілёўскай вобласці зняць яго з прафілактычнага ўліку і адмяніць афіцыйнае папярэджанне, вынесеннае ў яго адрас з нагоды ўдзелу ў мірнай акцыі пратэсту 19 снежня.

22.03.2011 Трэці раз на дактыласкапію

Баранавіцкага актывіста Рыгора Грыка трэці раз “запрашаюць” у гарадскую міліцыю на дактыласкапію. Першы раз адбіткі пальцаў у яго ўзялі ў 90-я гады, а другі раз – у 2009 годзе, калі ён працаваў рабочым на Баранавіцкай чыгунцы. Можа нехта лічыць, што адбіткі пальцаў у яго змяняюцца кожны год?

21.03.2011 Падаткавікоў зацікавілі прыбыткі праваабаронцы

Сёння, 21 сакавіка, у Інспекцыю па падатках і зборах па Маладэчанскім раёне быў выкліканы праваабаронца Алесь Капуцкі, дзе яму ўручылі патрабаванне аб прадастаўленні дэкларацыі аб даходах і маёмасці.

21.03.2011 Водгукі выбарчай кампаніі: З пекара ў прыбіральшчыцы

Сябра партыі “Справядлівы свет” з Давыд-Гарадка Вольга Кецько за сяброўства ў выбарчай камісіі ад партыі “Справядлівы свет” была пераведзена дырэктарам хлебазавода Надзеяй Скрабец з пекара на пасаду прыбіральшчыцы вытворчых памяшканняў.