Праваабарончы цэнтр «ВЯСНА»

Навіны за Люты 2011

02.02.2011 Зміцера Дразда падазраюць па справе аб масавых беспарадках

Прыкладна ў 7 гадзін раніцы 1 лютага да сябра ініцыятыўнай групы Андрэя Саннікава Зміцера Дразда ўвайшлі супрацоўнікі сілавых структур і адвезлі яго на допыт. Сам ён пасьпеў перадаць толькі адно: “Вязуць на допыт”.

02.02.2011 Насту Палажанку пакінулі пад вартай

2 лютага ў Цэнтральным раённым судзе Менску адбыўся разгляд скаргі адвакаты Насты Палажанкі на меру стрыманьня.

02.02.2011 Акцыя салідарнасці ў Швейцарыі

У Цурыху 31 студзеня больш за 30 чалавек прынялі ўдзел у мітынгу і запалілі свечы ў падтрымку гарамадзян, якія патрапілі пад пераслед у Беларусі. Акцыю падтрымалі прааабаронцы з Amnesty International і LIBERECO, швейцарскі ПЭН-цэнтр, CODAP ды іншыя моладзевыя арганізацыі.

02.02.2011 Генеральны сакратар ААН заклікаў беларускія ўлады вызваліць апазіцыянераў

Генеральны сакратар Арганізацыі Аб'яднаных Нацый Пан Гі Мун зноў заклікаў улады Беларусі "паважаць дэмакратычныя прынцыпы" і "выконваць правы чалавека". Ён таксама выступіў за вызваленне апазіцыянераў і грамадскіх актывістаў, якія знаходзяцца за кратамі ў беларускіх турмах.

02.02.2011 Прадстаўнікі беларускай апазіцыі правялі сустрэчу ў Польскім МЗС

1 лютага прадстаўнікі беларускай палітычнай апазіцыі (чальцы Нацыянальнай каардынацыйнай рады дэмакратычнай апазіцыі Беларусі, стваральнікі “Інстытута Дэмакратычнага”), а таксама праваабаронцы правялі сустрэчу з намесьнікамі Міністра замежных спраў Польшчы Генрыкам Ліцьвінам і Кшыштафам Станоўскім.

01.02.2011 Крысьціну Шацікаву дапыталі ў КДБ

Актывістку грамадзянскай кампаніі «Наш дом» з Магілёву Крысьціну Шацікаву сёньня тры гадзіны дапытвалі ў абласным упраўленьні КДБ. Позву актывістцы прынесьлі 31 студзеня на адрас пражываньня ў Магілёве. У ёй пазначана, што яе выклікаюць як сьведку. Допыт праводзіў опэрупаўнаважаны Рошчын А.

01.02.2011 Прайшоў другі ператрус у Ганны Шарубы

Супрацоўнікі КДБ наведалі з ператрусам кватэру, дзе актывістка Маладога Фронту Ганна Шаруба пражывае разам са сваёй бабуляй. Першы раз вобшук адбыўся па месцы прапіскі Ганны – у яе бацькоў, калі дзяўчына адбывала 10-сутачны арышт за ўдзел у Плошчы.

01.02.2011 Маці Паўла Севярынца збірае факты беззаконня для звароту ў міжнародныя інстанцыі

“Ведаю, канешне, што я павінна сабраць стос дакументаў, усе свае скаргі і адказы на іх, дзеля таго, каб звярнуцца ў міжнародныя інстанцыі. Аднак сядзець проста так – няма сэнсу”, - Таццяна Севярынец мае сур’ёзныя намеры. Маці вязня “амерыканкі” вымушана хадзіць па замкнёнаму колу – абскарджваць то дзеянні супрацоўнікаў СІЗА КДБ, то органаў пракуратуры, каб дамагчыся канкрэтных адказаў на канкрэтныя пытанні.

01.02.2011 Юры Базан спадзяецца вярнуць “Аўтарадыё” ў эфір

Сёння адбылося падрыхтоўчае судовае пасяджэнне па пазове “Аўтарадыё”. Нагадаем, што радыёстанцыя спыніла вяшчанне паводле рашэння Міністэрства інфармацыі. Міністэрства палічыла, што “Аўтарадыё” самавольна змяніла канцэпцыю вяшчання і ў эфіры радыёстанцыі прагучалі экстрэмісцкія заклікі.

01.02.2011 Ператрус у Сяргея Казакова

Увечары, 31 студзеня, на працягу двух гадзін працягваўся ператрус у кватэры бацькоў актывіста "Еўрапейскай Беларусі" Сяргея Казакова. Супрацоўнікі міліцыі спрабавалі выклікаць яго маці, што "яе сын злачынца", распавядаючы ёй пра тое, што быццам бы "Сяргей біў шкло ў Доме ўраду і гэта зафіксавана на відэа

01.02.2011 Дашкевіча спрабуюць прымусіць сведчыць супраць сваіх

Супрацоўнікі КДБ схіляюць Змітра Дашкевіча даць паказанні супраць сваіх паплечнікаў у абмен на вызваленне з-пад варты намесніцы старшыні Маладога фронта Настассі Палажанкі.

01.02.2011 КДБ палічыў верш Янкі Купалы заклікам да беспарадкаў

Старшыня магілёўскай абласной арганізацыі Партыі БНФ Зміцер Салаўёў 31 студзеня быў дапытаны ў КДБ. Хітом допыту стала пытанне пра верш Янкі Купалы «На сход», які быў выяўлены ў камп’ютары, канфіскаваным у кватэры Салаўёва падчас ператруса 15 студзеня.

01.02.2011 Расіяніна Арцёма Брэуса пакінулі ў сьледчым ізалятары

Беларускія праваахоўныя органы адмовілі ў зьмене меры стрыманьня грамадзяніну Расеі Арцёму Брэусу, арыштаванаму па крымінальнай справе аб "масавых беспарадках" у Менску 19 снежня.

01.02.2011 Украінскія пісьменьнікі патрабуюць байкоту Менскага кніжнага кірмашу

Да гэтага кроку яны заклікаюць у адкрытым лісьце на адрас украінскіх уладаў у знак салідарнасьці з Уладзімірам Някляевым і Наталкай Бабінай.

01.02.2011 Праведзены ператрус у Антона Койпіша (абноўлена)

Каля гадзіны дня актывісту моладзевага крыла Партыі БНФ Антону Койпішу патэлефанавалі супрацоўнікі КДБ. Яны заявілі, што маюць пастанову аб правядзенні ператрусу па месцы пражывання актывіста. Зараз пры ператрусе прысутнічаюць бацькі Антона, трое супрацоўнікаў КДБ, двое панятых і выкліканы следчай групай супрацоўнік міліцыі. Самога Антона ў дадзены момант у кватэры няма.