Праваабарончы цэнтр «ВЯСНА»

Навіны за Люты 2011

04.02.2011 Родным зняволеных пішуць з усяго свету

Карэспандэнцыю на адрас бацькоў затрыманых дасылаюць міжнародныя арганізацыі, палітычныя партыя, праваабарончыя цэнтры, а таксама простыя людзі, занепакоеныя лёсам палітыкаў і актывістаў.

04.02.2011 Адразу чатыры новыя абвінавачаныя па справе аб масавых беспарадках (дапоўнена)

Абвінавачаньне паводле 2 часткі артыкула 293 Крымінальнага кодэкса РБ(актыўны ўдзел у масавых беспарадках) прад’яўленае адразу чатыром удзельнікам Плошчы: Алесю Кіркевічу, Зміцеру Дразду, Сяргею Казакову і Уладзіміру Яроменку.

04.02.2011 Барыс Хамайда: “Суд даў дазвол на бел-чырвона-белы сцяг!”

Судзьдзя Чыгуначнага райсуду Алена Цыганкова апраўдала апазыцыянэра, якога 3-га студзеня міліцыянты затрымалі ў цэнтры Віцебску зь бел-чырвона-белым сьцягам.

04.02.2011 Плошча Бангалор – больш не месца для акцый апазіцыі?

Мінгарвыканкам не дазволіў партыі левых “Справядлівы свет” пікет у абарону правоў чалавека, якія планавалася правесці 5 лютага ў месцы, вылучаным самімі ўладамі для падобных мэтаў. На думку чыноўнікаў, пікет “будзе ствараць перашкоды для транспартнага руху” па трох прылягаючых да плошчы Бангалор вуліцах.

04.02.2011 Двум затрыманым у Мінску расіянам зменена абвінавачанне

Дарадца амбасады РФ у Беларусі Вадзім Гусеў са спасылкай на адвакатаў затрыманых паведаміў БелаПАН, што двум затрыманым 19 снежня ў Мінску зменена прад’яўленае раней абвінавачанне.

04.02.2011 Давераных асобаў Рымашэўскага шукае міліцыя, каб выклікаць на допыт (абноўлена)

Сябраў БХД, давераных асобаў Віталя Рымашэўскага Ірыну Логвін і Любоў Каменеву шукаюць прадстаўнікі сілавых структураў, каб уручыць позвы на допыт ў Фрунзенскі РАУС г. Менска. 2 лютага ўвечары яны шукалі дзяўчатаў на працы, а на наступны дзень тэлефанавалі і прыходзілі дахаты.

04.02.2011 На свабоду выйшаў Мікалай Разумаў з Оршы

Падчас выбарчай кампаніі ўвага назіральнікаў і журналістаў у большай ступені была сканцэнтравана на пікетах па зборы подпісаў за таго ці іншага патэнцыяльнага кандыдата, потым -- на сустрэчах кандыдатаў з выбаршчыкамі, на парушэннях падчас датэрміновага галасавання, заявах ЦВК і г.д. Тады, 9 лістапада, мала хто звярнуў увагу на затрыманне Мікалая Разумава ў Оршы, былога рабочага-актывіста, які на пачатку 90-х арганізаваў адну з першых забастовак, падчас якой рабочыя перакрылі рух цягнікоў у раёне Оршы.

04.02.2011 Сяргей Гоўша: Статус сведкі мяне здзіўляе

Баранавіцкага праваабаронцу Сяргея Гоўшу 3 лютага дапыталі ў якасці сведкі па справе аб масавых беспарадках.

03.02.2011 Віктара Чайкоўскага дапыталі ў КДБ па справе аб масавых беспарадках

Брэстаўчаніна Віктара Чайкоўскага, давераную асобу кандыдата ў прэзідэнты на выбарах-2010 Мікалая Статкевіча, 3 лютага дапыталі ў КДБ па крымінальнай справе аб масавых беспарадках у Мінску.

03.02.2011 Ператрус на кватэры Змітра Буланава

Літаральна некалькі хвілін доўжыўся ператрус на кватэры Змітра Буланава. Супрацоўнікі міліцыі праверылі кампутар, у якім не было сыстэмнага блоку, бегла прагледзелі дыскі і нічога з сабой не забралі.

03.02.2011 Дарадца амбасады Расіі: Лідараў апазіцыі адпусцілі, а расіяне сядзяць

Напярэдадні выстаўлення канчатковага абвінавачвання грамадзянам Расіі, якія знаходзяцца ў СІЗА КДБ, з каментаром выступіў дарадца амбасады РФ у Мінску Вадзім Гусеў. Ён выказаў меркаванне, што абвінавачванні будуць грунтавацца на нейкіх відэаматэрыялах, якія нібыта сведчаць пра тое, што расіяне Брэус і Гапонаў аказвалі супраціў міліцыі і нанеслі шкоду будынку ўрада.

03.02.2011 Допыты ў Салігорску, Брэсце, Баранавічах (дадаецца)

У Салігорску супрацоўнікі мясцовай управы КДБ 3 лютага дапыталі давераную асобу Андрэя Саньнікава Уладзіміра Лемеша. Допыт працягваўся каля чатырох гадзін. Пра сутнасьць пытаньняў Лемеш распавядаць адмовіўся, паколькі падпісаў паперу аб неразгалошваньні таямніцы следства.

03.02.2011 У Баранавічах у КДБ дапыталі Чарнавуса, давераную асобу Кастусёва

У Баранавічах раніцай 3 лютага ў КДБ дапыталі Мікалая Чарнавуса, давераную асобу кандыдата ў прэзідэнты на выбарах-2010 Рыгора Кастусёва.

03.02.2011 Салідарнасць з Алесем Кіркевічам

З ініцыятывы прадстаўнікоў пазаўрадавых грамадскіх арганізацый і апазыцыйных палітычных партый Гродна ў горадзе ўзяла старт дабрачынная акцыя па збору фінансавых сродкаў, прызначаных на дапамогу родным і блізкім намесніка старшыні незарэгістраванай арганізацыі “Малады фронт” Алеся Кіркевіча, які цяпер знаходзіцца ў турме КДБ.

03.02.2011 Саюз адвакатаў Малдовы заступіўся за беларускіх адвакатаў

Саюз адвакатаў Малдовы звярнуўся са зваротам да беларускага Мінюста, старшыні Рэспубліканскай калегіі адвакатаў Беларусі, старшыні Мінскай гарадской калегіі адвакатаў.