Праваабарончы цэнтр «ВЯСНА»

Навіны за Люты 2011

14.02.2011 Уручылі прэміі «Люблю Беларусь»

12 лютага ў Менску ўручылі ўзнагароды ляўрэатам прэміі «Люблю Беларусь». Прэміі «Люблю Беларусь» у некалькіх намінацыях заснаваў «Малады фронт».

14.02.2011 Супрацоўнікі КДБ сканфіскавалі статуэткі да Прэміі Любові

12 лютага а 14 гадзіне дня 4-ра супрацоўнікаў міліцыі й КДБ наведалі студэнта мастацкай вучэльні-"глебаўкі" Сьвятаслава (прозьвішча хлапец прасіў не называць). Юнак адчыніў дзьверы кватэры, калі чэкісты паказалі яму свае пасьведчаньні.

11.02.2011 У Магілёве Паўла Варашылава дапыталі на працы

Супрацоўнікі УКДБ па Магілёўскай вобласці наведаліся на працу да грамадскага актывіста Паўла Варашылава, дзе і дапыталі яго ў якасці сведкі па справе аб масавых беспарадках у Менску 19 снежня.

11.02.2011 Экстрэмізму ў інструкцыях не знойдзена і Ашмянская мытня вярнула іх праваабаронцу

Гомельскі праваабаронца Леанід Судаленка атрымаў з Ашмянскай мытні заказную бандэроль з Інструкцыямі для кароткатэрміновых назіральнікаў на выбарах Прэзідэнта Рэспублікі Беларусь, якія былі канфіскаваныя 30 лістапада 2010 г. на памежным пераходзе "Каменны Лог» беларускімі мытнікамі.

11.02.2011 Сьмяротны прысуд майстру джыу-джытсу Мяліку Вярхоўны суд пакінуў ў сіле

Калегія Вярхоўнага суда Беларусі пад старшынствам намесьніка старшыні ВС Валерыя Калінковіча 11 лютага разгледзела касацыйныя скаргі асуджанага да вышэйшай меры пакараньня жыхара Гомельшчыны Ігара Мяліка.

11.02.2011 КДБ выклікаў івацэвіцкіх актывістаў для папярэджання

Удзельнікаў акцыі 19 снежня ў Мінску Станіслава Халадовіча і Уладзіслава Мікалайчыка з Івацэвічаў выклікалі ў Бярозаўскі міжраённы аддзел КДБ для правядзення размовы.

11.02.2011 Пачобута асудзілі на 15 сутак

11 лютага гродзенскага журналіста Андрэя Пачобута асудзілі за ўдзел у акцыі 19 студзеня.

11.02.2011 Пракуратура “дасціпна” выйшла з сітуацыі

“За перыяд з 24 па 29 снежня 2010 г. у кнігу заўвагаў і прапановаў асобамі, якія ўтрымліваліся ў ЦІП, унесена восем падзякаў на адрас адміністрацыі і супрацоўнікаў установы”, - на гэтым акцэнтуецца менская гарадская пракуратура ў адказе жыхару сталіцы Сяргею Пякарчыку. Ён быў затрыманы 19 снежня ў раёне плошчы Незалежнасці і абскарджваў парушэнні сваіх законных правоў і інтарэсаў супрацоўнікамі міліцыі, у тым ліку і падчас адбыцця адміністратыўнага арышту ў ІЧУ і ЦІП на Акрэсціна.

11.02.2011 У Магілёве кіраўніцтва “Будаўнічага трэста №12” збіраецца выселіць са сваіх інтэрнатаў больш за 100 чалавек

Больш за 100 прадпісанняў атрымалі жыхары інтэрнатаў, якія належуць ААТ “Магілёўскі будаўнічы трэст №12”. У прадпісаннях адзначаецца, што законных падставаў для пражывання ў інтэрнатах у гэтых людзей няма і ім неабходна ў 10-дзённы тэрмін, з моманту атрымання прадпісанняў, з’явіцца ў трэст для заключэння дагавора найма жылога памяшкання, якога яны таксама не маюць.

11.02.2011 Сёння - перагляд справы Пачобута

А 12-й гадзіне ў Кастрычніцкім райсудзе г. Мінска пачнецца перагляд адміністратыўнай справы журналіста «Газэты выборчай» Андрэя Пачобута аб яго «ўдзеле» ў несанкцыянаванай акцыі 19 снежня.

11.02.2011 На разгляд справы «Аўтарадыё» не пусцілі журналістаў

11 лютага ў Вышэйшым гаспадарчым судзе пачаўся разгляд пазову «Аўтарадыё». На самым пачатку паседжання журналістам было заяўлена, што сённяшні разгляд справы будзе закрытым, бо акурат сёння ў судзе нібыта павінны былі разглядаць матэрыялы канфідэнцыйнага характару. 11 лютага суд не вынес ніякага рашэння, разгляд справы перанесены, дата чарговага паседжання пакуль не вызначаная.

11.02.2011 Human Rights Watch заклікае расследаваць факты жорсткага абыходжання з затрыманымі пасля падзей 19 снежня

Праваабаронцы Human Rights Watch заклікаюць беларускія ўлады правесці неадкладнае расследаванне фактаў жорсткага абыходжання з затрыманымі ўдзельнікамі падзей 19 снежня. Адпаведная заява размешчана на сайце арганізацыі.

10.02.2011 У Менску затрымалі моладзевых актывістаў АГП

Cупрацоўнікі міліцыі затрымалі ў Менску моладзевых актывістаў АГП Дзмітрыя Сільчанку і Дзмітрыя Бойку.

10.02.2011 Хутка будуць судзіць Дзмітрыя Новіка і Аляксандра Малчанава

Яшчэ двух абвінавачаных па справе “Аб масавых беспарадках” Дзмітрыя Новіка і Аляксандра Малчанава азнаёмілі з матэрыяламі справы. Хутка над імі павінен адбыцца суд.

10.02.2011 Скончыўся ператрус у маладафронтаўца Дзяніса Лазара

Супрацоўнікі КДБ правялі ў сябра МФ Дзяніса Лазара ператрус па справе пра масавыя беспарадкі. "Камітэтчыкі" абшукалі кватэру дасканала: знайшлі нават пашпарт Зьмітра Дашкевіча, які быў схаваны між падносамі ў пліце.