Праваабарончы цэнтр «ВЯСНА»

Навіны за Студзень 2011

10.01.2011 Апазіцыя аб'ядналася ў Нацыянальную каардынацыйную раду

9 студзеня ў Менску на нарадзе прадстаўнікоў апазыцыі ў сядзібе БНФ была прынятая дэклярацыя аб сытуацыі ў Беларусі і рашэньне аб стварэньні Нацыянальнай каардынацыйнай Рады дэмакратычнай апазыцыі.

10.01.2011 Андрэя Пачобута хацелі запалохаць у КДБ

Гарадзенец Андрэй Пачобут зьяўляецца карэспандэнтам польскай “Gazety Wyborczej”. У сваім “жывым журнале” ён апавядае, што 8 студзеня яго раптоўна затрымалі каля дому і даставілі ў абласную управу КДБ на вул. Тэльмана ў Горадні. Сьледчых цікавіла яго затрыманьне на плошчы Незалежнасьці ў Менску 19 сьнежня (пасьля ночы ў “аўтазаку”, яго выпусьцілі ў будынку суду). Адказваць на пытаньні ён адмовіўся, і адзін зь іх стаў біць яго па галаве, піша журналіст.

09.01.2011 Ілля Васілевіч – яшчэ адзін падазраваны па крымінальнай справе аб масавых беспарадках

19-гадовы Ілля Васілевіч адбыў 10-сутачны арышт і быў адпушчаны дадому. Яму паведамілі, што адміністрацыя Мінскага політэхнічнага каледжу адлічае яго з навучальнай установы. 5 студзеня малады чалавек быў запрошаны да адміністрацыі каледжу дзеля падпісання адпаведных папер, але там яго чакалі супрацоўнікі КДБ.

08.01.2011 А.Корбан: Думаю з кандыдатаў выпусцяць толькі Міхалевіча

Вызвалены 7 студзеня са следчага ізалятару КДБ актывіст Аб’яднанай грамадзянскай партыі кіраўнік выбарчага штабу Яраслава Раманчука Алег Корбан распавёў Радыё Рацыя аб абставінах свайго вызвалення.

08.01.2011 ЕС запускае механізм увядзення санкцый супраць кіраўніцтва Беларусі

7 студзеня ў Бруселі запушчаны механізм падрыхтоўкі рашэння аб прымяненні Еўрасаюзам санкцый у адносінах да беларускіх уладаў. Пра гэта расейскаму агенцтву "Новости" паведамілі ў апараце аднаго з Пастаянных прадстаўнікоу 27 краінаў Еўразвязу ў Радзе ЭС.

08.01.2011 Юльяна Місюкевіча змясцілі на Акрэсціна

6 студзеня пасля здачы іспыту з універсітэту на допыт у Камітэт дзяржбяспекі быў дастаўлены маладафронтавец Юліян Місюкевіч. Пасля гэтага ён не выходзіў на сувязь, а тэлефон увесь час быў адключаны. Пазней паплечнікі знайшлі Місюкевіча на Акрэсціна.

08.01.2011 Віталь Рымашэўскі: несці адказнасць і разумець, што адбываецца

Экс-кандыдат у прэзідэнты Віталь Рымашэўскі ў ноч на 1 студзеня быў выпушчаны са следчага ізалятара КДБ пад падпіску аб нявыездзе, пасля таго, як ён напісаў тлумачальную запіску на імя Лукашэнкі. 4 студзеня палітык планаваў даць прэс-канферэнцыю, але ў КДБ папярэдзілі, што калі яна адбудзецца, то Рымашэўскага зноў адправяць у СІЗА. Але сустрэцца з журналісткай Вольгай Хвоін для кароткага інтэрв’ю Віталь пагадзіўся. Тым не менш і пасля інтэрв’ю пытанні засталіся.

08.01.2011 Уладзіслаў Старавераў падаў скаргу ў Віцебскую абласную пракуратуру

Паводле атрыманага папярэджання, Уладзіславу Старавераву ўказана на недапушчальнасць супрацоўніцтва з тэлеканалам «Белсат» без акрэдытацыі. Матэрыялы ў абласную пракуратуру паступілі з Чыгуначнага райадзьдзела міліцыі, але журналіст лічыць, што аб’ектыўных доказаў супраць яго ў міліцыянтаў няма.

07.01.2011 Аляксандр Малчанаў – падазраваны па крымінальнай справе аб масавых беспарадках

7 студзеня стала вядома, што барысаўскі актывіст Аляксандр Малчанаў утрымліваецца ў СІЗА КДБ і дапытваецца ў якасці падаздаванага па крымінальнай справе аб масавых беспарадках.

07.01.2011 Яшчэ двое падазраваных па справе аб беспарадках – Павел Вінаградаў і Леанід Навіцкі

Праваабарончаму цэнтру “Вясна” стала вядома, што падазраванымі па крымінальнай справе аб масавых беспарадках з’яўляюцца актывіст кампаніі “Гавары праўду” Павел Вінаградаў і даверная асоба Саннікава – Леанід Навіцкі.

06.01.2011 Малчанаў Аляксандр: удзел у масавых беспарадках і (ці) знявага дзяржаўных сімвалаў

Увечары 6 студзеня ў кватэры барысаўскага актывіста Аляксандра Малчанава праведзены ператрус супрацоўнікамі КДБ. У выніку Аляксандр у кайданках забраны для далейшых следчых дзеянняў у Мінск. Ператрус праведзены ў межах расследвання крымінальнай справы аб масавых беспарадках, а таксама зняцця дзяржаўнага сцяга ў Барысаве.

06.01.2011 Давераная асоба Віталя Рымашэўскага з Брэста Зміцер Шухрай - на волі

Апошнія некалькі дзён Зміцер Шурхай правёў на Акрэсціна ў адной камеры з арыштаваным целаахоўнікам Андрэя Саннікава, актывістам кампаніі "Гавары праўду" Міхасём Пашкевічам ды маладафронтаўцам Змітром Хведаруком, апошні з якіх з 19 снежня, паводле двух пратаколаў, знаходзіцца за кратамі ўжо 18-я суткі і мусіць выйсці на волю сёння ўначы.

06.01.2011 Суд адмовіў Някляеву ў змене меры стрымання

Суд Цэнтральнага раёна Мінска адхіліў скаргу адваката Ўладзіміра Букштынава аб змене меры стрымання яго падабароннаму, былому кандыдату ў прэзідэнты Уладзіміру Някляеву.

06.01.2011 Міхалевіча перавялі на Валадарку

Арыштаваны кандыдат у прэзідэнты Алесь Міхалевіч пераведзены са следчага ізалятара КДБ у ізалятар Міністэрства ўнутраных спраў на вуліцы Валадарскага ў Мінску.

06.01.2011 Судовае пасяджэнне па справе Алеся Кіркевіча працягнецца 14 студзеня

У судзе Кастрычніцкага раёна Гродна пачаўся разгляд адміністрацыйнай справы, узбуджанай паводле міліцэйскага пратакола супраць намесніка старшыні "Маладога фронту" Алеся Кіркевіча.