Праваабарончы цэнтр «ВЯСНА»

Навіны за Студзень 2011

12.01.2011 Скончыўся ператрус на офісе БНФ у Гродне

Забралі вінчэсцер з камп’ютара і тры ўлёткі.

12.01.2011 Брэсцкі актывіст судзіцца з газетай аблвыканкама

Нагодай для звароту ў суд стала адмова дзяржаўнага выдання друкаваць платную аб’яву ў часе прэзідэнцкіх выбараў — актывіст заклікаў чытачоў паведамляць пра факты прымусовага ўдзелу ў датэрміновым галасаванні і іншыя парушэнні падчас выбараў.

12.01.2011 КДБ папярэдзіла магілёўскага Зміцера Салаўёва за ўскладаньне кветак

Намесьнік магілёўскай гарадской суполкі партыі БНФ Зміцер Салаўёў сёньня атрымаў папярэджаньне ў абласным упраўленьні КДБ. Папярэджаньне актывісту вынесенае за неаднаразовыя спробы ўдзелу ў несанкцыянаваных масавых мерапрыемствах. Такімі мерапрыемствамі супрацоўнік КДБ палічыў ўскладаньні кветак 25 сакавіка і 26 сакавіка мінулага году да памятных знакаў у Магілёве.

12.01.2011 Праваабаронцу Анатоля Паплаўнага хочуць дапытаць у КДБ (дапоўнена)

Гомельскага праваабаронцу Анатоля Паплаўнага сёньня раніцай выклікалі па тэлефоне на допыт ва ўпраўленьне КДБ. Паплаўны адмовіўся і запатрабаваў позву. Супрацоўнік спецслужбы, які прадставіўся маёрам Марынічам, паабяцаў позву падвезьці цягам дня. Позву на 12 гадзін дня 13 студзеня прывезьлі проста на працу.

12.01.2011 Алесь Міхалевіч телэфанаваў жонцы Мілане

Учора Алесь Міхалевіч, былы кандыдат у прэзідэнты, а зараз абвінавачаны па крымінальнай справе па артыкуле 293, частках 1 і 2, Крымінальнага кодэкса Рэспублікі Беларусь "Масавыя беспарадкі" патэлефанаваў з ізалятара КДБ на мабільны тэлефон сваёй жонкі Міланы. Перапытаўшыся, на якім нумары ёй зручней размаўляць, ён набраў кватэрны нумар.

12.01.2011 У Гародні ідуць ператрусы

Раніцай да гарадзенскага праваабаронцы Віктара Сазонава дахаты прыехалі супрацоўнікі КДБ, уручылі позву і забралі з сабой. Першапачаткова выказвалася меркаваньне, што на допыт, але як высьветлілася - для правядзеньня ператрусу ў офісным памяшканьні.

12.01.2011 Актывісты выбарчай кампаніі губляюць працу

У Асіповічах застаўся бяз працы сябра ініцыятыўнай групы Ўладзімера Някляева Ігар Трэшчаў. Актывіст сьцьвярджае, што звольнілі яго з-за ўдзелу ў перадвыбарчай кампаніі апазыцыйнага кандыдата ў прэзыдэнты. Кіраўніцтва прадпрыемства прычынай спыненьня працоўных адносінаў называе вытворчую неабходнасьць.

12.01.2011 “Маладафронтаўцы” ідуць у КДБ

На сёньня ў КДБ запрошаныя менскія маладафронтаўцы Тацьцяна Шапуцька, Вікторыя Ладзіс і Міхась Бутылін, у Гомелі - мясцовы сябра МФ Антон Назаранка.

12.01.2011 На сёньня прызначаныя допыты актывістаў Гомеля

12 студзеня на допыт ва УКДБ выклікаюць шматлікіх дэмакратычных актывістаў Гомеля, паведамляе БелаПАН.

12.01.2011 Беларуская амбасада пра ўмовы вязняў КДБ

Радыё Свабода пераклала прэс-рэліз, які 10 студзеня амбасада Беларусі ў Вялікабрытаніі распаўсюдзіла на ангельскай мове пра ўмовы ўтрыманьня вязьняў Плошчы.

12.01.2011 «Информ-прогулку» аштрафавалі

Суд Лунінецкага раёна аштрафаваў на 20 базавых велічынь рэдакцыю рэгіянальнай газеты «Информ-прогулка», прызнаўшы яе вінаватай у парушэнні закона «Аб рэкламе». Выданне распаўсюджвала рэкламу тэлеканала «Белсат-TV» без указання наймення ўліковага нумару плацельшчыка замежнага рэкламадаўца.

12.01.2011 Халезін і Каляда - падазраваныя ў справе "аб масавых беспарадках"

У кватэрах бацькоў Мікалая Халезіна і Наталлі Каляды, якія з'яўляюцца арт-дырэктарам і дырэктарам "Вольнага тэатра", 11 студзеня прайшлі ператрусы, паведамляе БелаПАН.

11.01.2011 Агляд-хроніка парушэньняў правоў чалавека ў Беларусі, сьнежань 2010 году

Апошні месяц году быў важным для падвядзеньня вынікаў прэзідэнцкай кампаніі, якая цягнулася тры месяцы і павінна была скончыцца 19 сьнежня.

11.01.2011 Гомельскае КДБ працягвае ператрусы

У Гомелі супрацоўнікі мясцовай управы КДБ вядуць ператрус у доме сябра БАЖ, старшыні моладзевай культурніцка-краязнаўчай арганізацыі «Талака» Ларысы Шчыраковай. Паводле аднаго з талакоўцаў, ператрус пачаўся а 15-й гадзіне. Гэбісты шукаюць фота-, відэа- ды іншыя інфармацыйныя матэрыялы, зьвязаныя з падзеямі ў Менску 19 сьнежня. Спадарыня Шчыракова, апрача падрыхтоўкі відэасюжэтаў, зьбірала подпісы за вылучэньне кандыдатам у прэзыдэнты Ўладзімера Някляева.

11.01.2011 З 9 студзеня ўзяты пад варту ўдзельнік "справы 14-ці" Максім Дашук

Маці Максіма Дашука паведаміла, што з 9 студзеня яе сын утрымліваецца пад вартай у Жодзіна. Падчас затрымання Максіма была прадстаўлена пастанова ад 24 снежня 2010 года аб арышце нібыта за парушэнне парадку адбыцця пакарання. Абставіны арышту М. Дашука будуць высветлены бліжэйшым часам, бо вызначаны судом тэрмін адбыцця пакарання скончыўся яшчэ ў верасні.