Праваабарончы цэнтр «ВЯСНА»

Навіны за Студзень 2011

13.01.2011 КДБ апытвае маладых людзей у Мазыры

Некалькі маладафронтаўцаў з Мазыра былі запрошаныя на допыт у КДБ па тэлефоне. Але, як паведаміў mfront.net адзін зь іх, Амяльчук Сяргей, хлопцы запатрабавалі пісьмовых позваў, аформленых у адпаведнасьці з заканадаўствам.

13.01.2011 Пачобута не выпусцілі з КДБ, вязуць у Мінск на суд

Яго будуць судзіць у судзе Кастрычніцкага раёну.

13.01.2011 Мінюст вынес папярэджанне БХК

Міністэрства юстыцыі вынесла пісьмовае папярэджаньне Беларускаму Хэльсынскаму камітэту за «неаб’ектыўную» інфармацыю, накіраваную ў міжнародныя арганізацыі.

Аналітычная запіска праваабаронцаў аб умовах перавозкі, судовага разбіральніцтва і ўтрымання затрыманых удзельнікаў акцыі пратэсту 19 снежня

13.01.2011 Аналітычная запіска праваабаронцаў аб умовах перавозкі, судовага разбіральніцтва і ўтрымання затрыманых удзельнікаў акцыі пратэсту 19 снежня

Аналітычная запіска была падрыхтаваная на аснове дадзеных, атрыманых у перыяд з 03.01.2011г. па 05.01.2011г. уключна ад 73 чалавек, у тым ліку, з 61 анкеты, уласнаручна запоўненых апытаных, а таксама на аснове дадзеных, атрыманых у ходзе асабістага апытання 12 затрыманых.

13.01.2011 Пасля ператрусу Андрэя Пачобута забралі ў КДБ

У выніку ператрусу ў кватэры карэспандэнта “Газеты Выборчай” Андрэя Пачобута ў Гродне быў канфіскаваны ноўтбук і некалькі дзесяткаў часопісаў “Магазын Польскі”. Самаго Андрэя супрацоўнікі КДБ забралі з сабой. Журналістам гэта стала вядома ад ягонай жонкі Аксаны.

13.01.2011 Актывіста "Еўрапейскай Беларусі" адвезлі ў КДБ

Актывіст кампаніі "Еўрапейская Беларусь" Аляксандр Васілеўскі 12 студзеня меркавана дастаўлены ў КДБ.

13.01.2011 Узяліся за БАЖ

У КДБ прыняліся за кіраўніцтва Беларускай асацыяцыі журналістаў. 12 студзеня там быў дапытаны намеснік старшыні арганізацыі Андрэй Бастунец.

13.01.2011 КДБ не пусьціла ў Варшаву Тацяну Севярынец і Мілану Міхалевіч

Тацяну Севярынец, якая зьбіралася ўвечары 12 студзеня ад’ехаць у Варшаву, затрымалі каля дома дачкі Ганны ў Менску. Паводле Тацяны Севярынец, супрацоўнікі КДБ падышлі да яе, калі яна ўжо выправілася на вакзал. Яны прад’явілі ёй позву да сьледчага па прозьвішчы Санько і сказалі, што на допыт яна мусіць зьявіцца неадкладна — паехаць разам зь імі.

12.01.2011 Спецыяльны дакладчык ААН па пытаннях незалежнасці суддзяў і адвакатаў праінфармаваны пра пераслед і запалохванні адвакатаў у Беларусі

Беларускі Хельсінскі Камітэт накіраваў паведамленне пра ціск, што аказваецца ўладамі на адвакатаў, якія ажыццяўляюць абарону абвінавачаных і падазраваных у арганізацыі масавых беспарадкаў 19 снежня 2010 г. і ўдзеле ў іх, а таксама аб іншых фактах пераследу і запалохвання адвакатаў у Беларусі Спецыяльнаму дакладчыку ААН па пытаннях незалежнасці суддзяў і адвакатаў Габрыэле Кнауль.

12.01.2011 Зьміцер Буланаў затрыманы на 3 сутак у якасьці падазраванага

Зьміцер Буланаў, адзін з удзельнікаў Плошчы, які быў пакараны арыштам на 10 сутак, затрыманы ізноў і дастаўлены ў сьледчае упраўленьне папярэдняга раследваньня МУС на вуліцы Сапёраў. Стала вядома, што яго затрымалі на трое сутак ў якасці падазраванага па крымінальнай справе аб масавых беспарадках. Ці будзе яму прад'яўленае абвінавачаньне - пакуль невядома.

12.01.2011 У кватэры Аляксея Міхалевіча -- трэці за апошнія дні ператрус

Жонка экс-кандыдата ў прэзідэнты Аляксея Міхаевіча Мілана паведаміла, што ў 18.30 да іх у кватэру прыйшлі 5 супрацоўнікаў КДБ з пастановай аб правядзенні ператрусу. Гэта ўжо трэці за апошнія дні ператрус у кватэры Міхалевічаў.

12.01.2011 Міжнародная назіральная місія звяртае ўвагу міжнароднай супольнасці на становішча праваабаронцаў у Беларусі

“Спыненне або паслабленне працы менавіта праваабаронцаў і праваабарончых арганізацый, -- гаворыцца ў дакуменце, -- створыць умовы для наступнага ціску ўлад на актывістаў, апазіцыйных палітыкаў, іншыя грамадзянскія арганізацыі і групы".

12.01.2011 Ператрус у Міхнюк такі адбыўся

У Берасці ў другой палове дня адбыўся ператрус у прыватным доме прафсаюзнай актывісткі РЭП Зінаіды Міхнюк. Следчыя паўтары гадзіны пераглядвалі маёмасьць, аднак канфіскавалі толькі працоўны блакнот з кантактамі сябраў незалежнага прафсаюза.

12.01.2011 Паўлу Вінаградаву прад'яўлена абвінавачанне па справе аб масавых беспарадках

Актывісту кампаніі "Гавары праўду" Паўлу Вінаградаву ўчора, 11 студзеня, прад'яўлена абвінавачанне па ч.1 і 2 арт. 293 Крымінальнага кодэксу -- арганізацыя і ўдзел у масавых беспарадках. Павел утрымліваецца пад вартай.

12.01.2011 За выбарчы ролік Саннікава закрылі "Аўтарадыё"

Рэспубліканская камісія па тэлебачанні і радыёвяшчанні прыняла рашэнне ануляваць права на эфірную трансляцыю "Аўтарадыё", якое вяшчала на FM-хвалях у Мінску.