Праваабарончы цэнтр «ВЯСНА»

Навіны за Студзень 2011

13.01.2011 Жанна Літвіна і Марына Коктыш сёння таксама пабывалі ў КДБ

І старшыня ГА «БАЖ», і намесніца галоўнага рэдактара «Народнай волі» праходзяць сведкамі па крымінальнай справе аб масавых беспарадках у Мінску 19–20 снежня.

13.01.2011 Скаргу Маі, якой зламалі нагу, далучылі да справы “аб масавых беспарадках”

Па яе словах, скаргу з раённай пракуратуры перанакіравалі ў аддзел міліцыі. А ў выпісцы са шпіталя значылася “бытавая траўма”.

13.01.2011 Чарняўку павезьлі ў КДБ на допыт

У выніку ператрусу ў журналісткі “Белсату” Ірыны Чарняўка, які завяршыўся ў 16-15, былі канфіскаваныя сістэмны блок кампутара ды некалькі дыскаў. Ірыну павезлі на допыт у КДБ. Яна паспела перадаць праваабаронцам, што мажліва гэта па справе Алеся Міхалевіча.

13.01.2011 Пачобута аштрафавалі

Суд Кастрычніцкага раёна Мінска (суддзя М. Лабко) аштрафаваў журналіста на 1 млн. 750 тысяч рублёў (каля 600 долараў ЗША) паводле ч. 3 арт. 23.34 КаАП («Парушэнне парадку арганізацыі альбо правядзення масавага мерапрыемства»).

13.01.2011 Суд над Алегам Калінковым адкладзены

У судзе Ленінскага раёна Гродна пачаўся разгляд адміністрацыйнай справы ў дачыненні да Алега Калінкова – даверанай асобы кандыдата ў прэзідэнты Уладзіміра Някляева.

13.01.2011 БХК накіраваў у Вярхоўны Суд скаргу па непрызнанні выбараў Прэзідэнта

РПГА "Беларускі Хельсінкскі Камітэт" 10.01.11 накіраваў у Вярхоўны Суд Рэспублікі Беларусь скаргу па непрызнанні выбараў Прэзідэнта РБ 19.12.2010 года несапраўднымі ў цэлым па краіне.

13.01.2011 Ператрус у актывіста кампаніі “Гавары праўду” Леаніда Аўтухова

Актывіст з райцэнтру Гарадок пасьпеў паведаміць толькі тое, што да яго прыйшлі супрацоўнікі КДБ з мэтаю правесьці ператрус. Спадар Аўтухоў зьбіраў подпісы за вылучэньне Уладзімера Някляева на ўдзел у прэзыдэнцкіх выбарах, а потым прысутнічаў на некалькіх сустрэчах з кандыдатам.

13.01.2011 Тацяна Севярынец патрабуе прыцягнуць да адказнасьці следчага КГБ і іншых асобаў, вінаватых у парушэньні яе правоў

Маці зьняволенага палітыка Тацяна Севярынец падрыхтавала скаргу на імя Генеральнага пракурора Рэспублікі Беларусь. Яна пратэстуе супраць яе затрыманьня 12 студзеня і незаконнага адняцця асабістага пашпарту.

13.01.2011 Рэдактара «Новага Часу» дапыталі ў РУУС

Тэлефон Аляксея Караля быў «зафіксаваны» мабільным аператарам на плошчы Незалежнасці.

13.01.2011 У міліцыю выклікаюць жонку музыкі Алеся Таболіча

Жонку музыкі Алеся Таболіча (гурт Znich) Алесю выклікаюць у міліцыю ў сувязі з прысутнасцю на плошчы Незалежнасці 19 снежня. "Ваш тэлефон быў засвечаны", — сказаў супрацоўнік міліцыі. Пра гэта ў жывым эфіры Еўрарадыё паведаміў Алесь Таболіч.

13.01.2011 Ператрус у Ірыны Чарняўка

Пачаўся ператрус у тэлежурналісткі Ірына Чарняўка. Ператрус праводзіцца па месцы жыхарства яе сястры на Партызанскім праспекце ў Менску. Падрабязнасьці высвятляюцца.

13.01.2011 МУС падвало вынікі амністыі

Міністэрства ўнутраных спраў Беларусі падвяло вынікі апошняй амністыі, што завяршылася 7 студзеня.

13.01.2011 У Варшаве абмяроўваюць паслявыбарчую сітуацыю ў Беларусі

У Варшаве ў польскім Сейме праходзіць канферэнцыя пад назвай "Вайсковае становішча ў Беларусі? Як да таго дайшло і што далей?" Удзел у ёй прымаюць як польскія палітыкі, так і беларуская дэлегацыя.

13.01.2011 Што рабіць, калі патрабуюць падпіску пра неразгалошваньне?

Сотні актывістаў пасьля допытаў у КДБ, ператрусаў далі падпіску пра неразгалошваньне таямніцы сьледзтва. Ці абавязаныя яны былі даваць такую падпіску? Што пагражае за яе парушэньне? Як паводзіць сябе, калі патрабуюць даць такую падпіску? Тлумачэньні дае юрыст, прадстаўнік Беларускага Хэльсынскага камітэту Гары Паганяйла.