Праваабарончы цэнтр «ВЯСНА»

Навіны за Сьнежань 2010

16.12.2010 Магілёў: БРСМ у дзень выбараў будзе раздаваць падарункі

“Жанчына сказала, каб гэтая дзяўчына прыходзіла галасаваць 19 снежня, непасрэдна ў дзень выбараў, бо ў гэты дзень актывісты БРСМ будуць даваць падарункі тым выбаршчыкам, якія будуць галасаваць упершыню”, - гаворыць назіральнік Аляксей Паўлоўскі.

16.12.2010 Кандыдатам на прэзідэнцтва раздалі “несур’ёзныя намінацыі”

“Ліберальны клуб” разгледзеў праграмы кандыдатаў і вызначыў, хто ёсць хто, у жартаўлівай форме.

16.12.2010 Слуцк: Назіральнікі злавілі на махінацыях сваіх былых настаўнікаў

Пры выхадзе са школы да Дзяніса Балакіру падышла сябра камісіі Святлана Шуміцкая, якая паабяцала на яго напісаць скаргу куды трэба, і панаракала, што ў сваё час настаўнікі "не пасадзілі яго за ўдзел у мітынгах апазіцыі".

16.12.2010 “Калінкавіцкія навіны” закармілі чытачоў чорна-белай агітацыяй

Газета “Калінкавіцкія навіны” у кожным нумары друкуе матэрыялы, прысвечаныя агітацыі за аднаго кандыдата – дзеючага прэзідэнта. Іншыя прэтэндэнты на прэзідэнцкі пост жорстка крытыкуюцца, прычым без згадвання прозвішчаў.

16.12.2010 Губернатар сумясціў працоўную паездку ў Пінск з сустрэчай з выбаршчыкамі

На сустрэчу па вызначаных квотах былі запрошаны прадстаўнікі гар- і райвыканкамаў, устаноў адукацыі і аховы здароў’я, БРСМ і ветэранскіх арганізацый, таму зала на 700 месцаў была запоўнена, некаторым нават не хапіла месцаў.

15.12.2010 Мінск: Камісія маніпулюе паказчыкамі яўкі

Разыходжанні ў лічбах праліваюць святло на канфлікт, які здарыўся напярэдадні ў гэтай участковай камісіі: старшыня камісіі ўпарта забараняў сябру камісіі ад Партыі БНФ Ірыне Смяян-Семянюк праставіць подпіс на адваротным баку кожнага з бюлетэняў для галасавання.

15.12.2010 Баранавічы: Міжнародны назіральнік спыніў таямнічае “блуканне” скрыні для галасавання

Пасля заканчэння галасавання 14 снежня скрыню для датэрміновага галасавання з участка № 28 на невядомым аўтамабілі вывезлі і павезлі для захоўвання ў іншае месца. 15 снежня гэты выбарчы ўчастак наведаў міжнародны назіральнік АБСЕ, і старшыня камісіі Андрэй Капіца “дабраахвотна” пакінуў скрыню ў памяшканні для галасавання.

15.12.2010 Маладэчна: Камісіі так і не рассакрэчаны

Датэрміновае галасаванне ў самым разгары, але на некаторых выбарчых участках Маладэчна адсутнічае інфармацыя пра кіраўніцтва ўчастковых камісій. На стэндах размешчаны толькі дадзеныя пра кіраўніцтва ЦВК, абласной камісіі і раённай выбарчай камісіі.

15.12.2010 Аляксандар Смалянчук: Ціск працягваецца ўжо некалькі гадоў

Доктар гістарычных навук, прафесар ЕГУ, дырэктар інстытута гістарычных даследаванняў ЕГУ, а таксама адзін з арганізатараў і кіраўнікоў дасьледчага (крыніцазнаўчага) праекту «Гарадзенскі палімпсест» (2008—2009) Аляксандр Смалянчук звярнуўся з адкрытым лістом, у якім прыводзіць факты аказання псіхалагічнага ціску на ўдзельнікаў навуковай гістарычнай канферэнцыі.

15.12.2010 Лунінец гатовы да датэрміновага галасавання

Адміністрацыі сельскагаспадарчага каледжа (дырэктар Фёдар Бірыла, намеснік Іван Клімчук) і палітэхнічнага каледжа (дырэктар Андрэй Баўкуновіч, намеснік Віктар Каратыш) правялі нарады з педагогамі, каб тыя забяспечылі датэрміновае галасаванне навучэнцаў.

15.12.2010 Драгічын: Лямпачкі не вытрымалі агітацыі

У Драгічыне адбылася сустрэча даверанай асобы А.Лукашэнкі - губернатара Брэсцкай вобласці Канстанціна Сумара з работнікамі бюджэтнай сферы. Сустрэча прайшла б гладка і роўна, каб раптоўна не прапала асвятленне.

15.12.2010 У Віцебску бацькоў школьнікаў склікаюць на бацькоўскія сходы для датэрміновага галасавання

Як стала вядома, у віцебскай школе нумар 45 настаўнікі абвесцілі, што ў пятніцу, 17 снежня, адбудзецца бацькоўскі сход, на які бацькам трэба прыйсці з пашпартамі.

15.12.2010 Магілёў: Падчас пасяджэння камісіі назіральніка выставілі за дзверы

Падчас правядзення пасяджэння ўчастковай выбарчай камісіяй №60, што размешчана ў Магілёўскім цэнтры дзіцячай творчасці (былы Палац піянераў вобласці) назіральніка папрасілі пакінуць памяшканне. Пасля пасяджэння камісіі ён вярнуўся на сваё месца. Пра гэта паведамляе праваабаронца Барыс Бухель.

15.12.2010 Мінск: Сустрэчу Кастусёва з выбаршчыкамі глушылі канцэртам за Лукашэнку

Кастусёў размаўляў з людзьмі без гукаўзмацняльнай апаратуры. Яго слова час ад часу заглушаліся гучным: “Раз-раз!”, што неслася з калонак на ганку Камароўкі. Гэта правяралі гук арганізатары агітацыйнага канцэрту за А.Лукашэнку, які мусіў адбыцца неўзабаве.

15.12.2010 Барысаў. Паштоўка ў скрыні - скаргі ў ЦВК і абласную пракуратуру

З учорашняга дня ў паштовых скрынях барысаўчан сталі з'яўляцца паштоўкі з подпісам Лукашэнкі і слоганам «Будучыня ў нашых руках». Праваабаронца Алег Мацкевіч расцэньвае гэта як парушэнне выбарчага заканадаўства, пра што і апавясціў ЦВК і пракуратуру Мінскай вобласці.