Праваабарончы цэнтр «ВЯСНА»

Навіны за Сьнежань 2010

16.12.2010 Слонім: Замест абеду – агітацыя за Лукашэнку

У чацвер, 16 снежня, у Слоніме ў кінатэатры “Мір” выступаў рэктар Гродзенскага дзяржаўнага аграрнага універсітэта Вітольд Песціс, давераная асоба Аляксандра Лукашэнкі.

16.12.2010 Назіральнікаў на выбарах у Ганцавічах пасадзілі каля туалета

На выбарчым участку №4, які знаходзіцца ў ГДК, члены выбарчай камісіі выдалілі назіральнікаў з памяшкання для галасавання, і пасадзілі іх у калідоры каля туалета.

16.12.2010 Мінск: Cтудэнты Акадэміі кіравання адмаўляюцца галасаваць датэрмінова

“Добры дзень! Я працую ў Акадэміі кіравання пры прэзідэнце. Некаторыя студэнты адмовіліся галасаваць датэрмінова – выклікаюць на гутарку да дэкана. Як ім дапамагчы пазбегнуць гэткага лёсу?”

16.12.2010 Мазыр: Назіральнікі прапанавалі ўчастковым камісіям прыняць дакладную працэдуру падліку галасоў

Давераная асоба Рымашэўскага па Мазырскім раёне Аляксандр Кавальчук, незалежны назіральнік Рыгор Крывіцкі і іншыя прапанавалі ўчастковым камісіям раёна прыняць дакладны парадак падліку галасоў выбаршчыкаў. Усе ўчастковыя камісіі прапановы назіральнікаў для разгляду зарэгістравалі.

16.12.2010 Жодзіна: Назіральнікаў тэрмінова адклікаюць на працу

Пасля 20 гадзін начальнік цэха Смалявіцкай птушкафабрыкі сп.Любецкі «аб'явіўся ў госьці» да назіральніцы і непасрэдна паведаміў сваёй падначаленай, што мінулы графік перагледжаны, і яна абавязана абавязкова выйсьці на працу. Ён дадаў, што ад рашэння С.Лапіцкай залежыць ягоны далейшы лёс як кіраўніка цэху на фабрыцы.

16.12.2010 На распаўсюд агітпаштовак Лукашэнкі быў загад (копія дакумента)

“Праваабаронцы за свабодныя выбары” атрымалі дакументальнае пацверджанне таго, што работнікі РУП “Белпошта” ўдзельнічаюць у агітацыі за дзейнага прэзідэнта Аляксандра Лукашэнку ў працоўны час.

16.12.2010 Укінуць бюлетэні ў апячатаную скрыню - проста (Відэа)

Назіральнікі кампаніі "Праваабаронцы за свабодныя выбары" на ўчастку для галасавання № 31 Савецкага раёну ў другі дзень датэрміновага галасавання 16.12.2010 г. Мінску зафіксавалі як проста можна ўкідваць бюлетэні ў апламбаваную скрыню.

16.12.2010 Магілёў. На некаторых участках адбываецца ўкідванне бюлетэняў

Пра гэта паведамляюць сябры ўчастковых выбарчых камісій, якія пажадалі застацца ананімнымі. Укідванне бюлетэняў у скрыні адбываецца падчас абедзеннага перапынку і перад заканчэннем галасавання, калі неабходна заклеіваць шчыліну ў скрыні.

16.12.2010 Ірына Смяян-Семянюк: “Калі б не прадстаўнікі АБСЕ – мяне б проста вытурылі з камісіі…”

Ірына Смяян-Семянюк уключана ў склад участковай выбарчай камісіі №104 Маскоўскага раёна Мінска ад Партыі БНФ. Напэўна, адміністрацыя раёна ўжо ні адзін раз пашкадавала пра сваё рашэнне прапусціць яе “на выбарчую кухню”.

16.12.2010 Натальля Шкадун: Я хачу жыць цяпер, а не яшчэ праз год

Магілёўскі гарвыканкам прапанаваў шматдзетнай маці-галадоўніцы Натальлі Шкадун дзесяць варыянтаў, як вырашыць праблему з жыльлём для яе сям’і. Гэтая праблема прымусіла пачаць галадоўку, якая працягваецца ўжо сёмыя суткі.

16.12.2010 Магілёў. Бюлетэні ўжо не ўлазяць у скрыню

У Магілёве на выбарчым участку №103 колькасць прагаласаваўшых датэрмінова зашкалівае – бюлетэні ўжо не ўлазяць у скрыню для галасавання. Выбаршчыкам прапаноўваюць пакінуць бюлетэні ў сябраў камісіі, якія самі ўкінуць іх пазней.

16.12.2010 Бабруйск: Тэатр падчас сустрэчы з Міхалевічам

Ад пачатку і амаль да канца сустрэча Алеся Міхалевіча з бабруйчанамі, якая прайшла ў Цэнтры творчасці дзяцей і моладзі, нагадвала дзіўны спектакль. У пачатку сустрэчы (у 18.00, 15 снежня) зала была амаль поўная. Акцёры – цётачкі з аддзела адукацыі і перадавікі БРСМ - расселіся па ўсіх шэрагах.

16.12.2010 Пінск: Другі дзень галасавання прайшоў спакойна

На ўчастку № З0 (Установа адукацыі “Медычны каледж”), здаецца, прынялі да ведама інфармацыю праваабаронцаў аб занадта вялікай лічбе прагаласаваўшых у першы дзень. Учора там аддалі свае галасы напалову меньш выбаршчыкаў - 105 чалавек (за дзень да гэтага было 211).

16.12.2010 Салігорск: Ні дня без парушэнняў

Многія незалежныя назіральнікі ў Салігорску адзначаюць шэраг сур’ёзных парушэнняў. На некалькіх участках старшыні камісій беспадстаўна пагражалі незалежным назіральнікам скасаваннем рэгістрацыі.

16.12.2010 Гомель: Знік участак для галасавання

Цікавае здарэнне адбылося ў Чыгуначным раёне Гомеля 15 снежня. Незалежны назіральнік у перапынак з 14.00 да 16.00 пайшоў на абед, а калі вярнуўся - участка для галасавання не было! “Хто пераносіў, як? Невядома, ці сачыў за гэтым міліцыянер? Факт - участак пераехаў у іншае памяшканне”, - кажа Анатоль Паплаўны.