Праваабарончы цэнтр «ВЯСНА»

Навіны за Сьнежань 2010

18.12.2010 Салігорск: Ціск за ідэалагічна няправільныя пытанні да Батуры

Праваабаронца Аляксей Валабуеў задаў губернатару Міншчыны вострае пытанне адносна хады выбарчага працэсу, датэрміновага галасавання і працэдуры падліку галасоў. А ўжо на наступны дзень на кіраўніцтва арганізацыі, дзе працуе малады чалавек, пачаўся ціск з боку выканаўчых уладаў і КДБ і адпаведныя прафілактычныя гутаркамі ўжо кіраўніцтва арганізацыі з самім Аляксеям.

18.12.2010 Сёння адзначаецца Міжнародны дзень мігранта

Улічваючы вялікі і ўсё нарастаючы лік мігрантаў у свеце, 4 снежня 2000 года Генеральная Асамблея абвясціла 18 снежня Міжнародным днём мігрантаў. У гэты дзень у 1990 годзе Асамблея прыняла Міжнародную канвенцыю аб абароне правоў ўсіх працаўнікоў-мігрантаў і членаў іх сем'яў.

18.12.2010 Брэст: Назіральнікам за галасаваннем даводзіцца карыстацца біноклямі

На выбарчым участку № 98, размешчаным у Брэсцкай цэнтральнай гарадской бальніцы, назіральнікі вырашылі скарыстацца біноклямі і падзорнай трубой, каб сачыць за ходам датэрміновага галасавання.

18.12.2010 Генпракуратура «пашкадавала» наконт памылак Вярхоўнага суду

Генпракуратура Беларусі прызнала абгрунтаванасьць некаторых скаргаў з боку жанчын, якія шмат гадоў заяўляюць пра несправядлівыя судовыя рашэньні ў сваіх справах альбо справах сваякоў.

18.12.2010 Папярэдняя справаздача па выніках назірання за ЧАЦВЁРТЫМ днём датэрміновага галасавання

Мінск, 10.00, 18 снежня – Кампанія «Праваабронцы за свабодныя выбары» прадстаўляе папярэднюю справаздачу па выніках назірання за чацвёртым днём датэрміновага галасавання (17 снежня). Назіранне ажыццяўляецца 600-мі кароткатэрміновымі і 80-ю доўгатэрміновымі назіральнікамі на 300-х выбарчых участках ва ўсіх рэгіёнах Беларусі.

18.12.2010 Затрыманне кандыдата ў прэзідэнты Віталя Рымашэўскага: он-лайн рэпартаж

Віталь Рымашэўскі ператрываў блакаду аўтамабіля і даехаў да офісу. Машына ДАІ стаіць на ўездзе ў двор. На іншым баку вуліцы дзяжураць людзі ў цывільным. (ВІДЭА І ФОТА З ЗАТРЫМАННЯ)

18.12.2010 На выбарчым участку затрыманы актывіст руху «За свабоду»

Супрацоўнікі міліцыі затрымалі на выбарчым участку Іўя актывіста руху «За свабоду» Багуслава Унгуру. Багуслаў прыйшоў на Цэнтральны выбарчы ўчастак, атрымаў свой бюлетэнь, але галасаваць ня стаў.

18.12.2010 Мінск: На выбарчым участку нядзеля будзе выходным днём (фотафакт)

Выбарчы ўчастак №45 Кастрычніцкага раёна Мінска ў нядзелю будзе зачыненым. Такую выснову можна зрабіць з абвесткі пра рэжым працы выбарчай камісіі, якая размешчана на памяшканні для галасавання. Відаць, датэрміновае галасаванне на ўчастку было арганізавана так ударна, што камісія будзе адпачываць пасля пяці дзён цяжкай працы.

17.12.2010 Жодзіна: Назіральнікаў размясцілі ў калідоры (фота)

На выбарчым участку №12 (знаходзіцца ў СШ №8) камісія размясціла назіральнікаў у калідоры, адкуль проста немагчыма было бачыць, як адбываецца працэс галасавання. Так працягвалася два першыя дні датэрміновага галасавання, і толькі на трэці сітуацыя змянілася пасля чарговай скаргі і тэлефанавання ў гарадскую камісію.

17.12.2010 Жодзіна: На назіральнікаў аказваецца ціск па месцах працы

Дырэктар жодзінскага хлебазаводу Алег Забароўкі выклікаў да сябе супрацоўніка гэтага прадпрыемства Іллю Хоміча, які зарэгістраваны назіральнікам на ўчастку для галасавання №10. Размова была звязаная з магчымымі праблемамі падаўжэння і змены ўмоваў працоўнага кантракту.

17.12.2010 Студэнты БДУІР і БДПУ сведчаць пра прымус (аўдыёзапісы)

Студэнты БДУІР і БДПУ імя Максіма Танка даслалі “Праваабаронцам за свабодныя выбары” аўдыёфайлы, якія сведчаць пра факты прымусу да датэрміновага галасавання.

17.12.2010 Бабруйск: “Хімікі” і хакеісты ўжо прагаласавалі

Таксама не дачакаліся дня выбараў хакеісты і трэнерскі корпус зборнай Беларусі, якія прагаласавалі на адным з бабруйскіх выбарчых участкаў (у горадзе зараз праходзіць моладзевы чэмпіянат). Якім чынам людзі, якія не маюць бабруйскай прапіскі, прагаласавалі ў Бабруйску – застаецца ў сакрэце.

17.12.2010 Барысаў. ТВК шэсць разоў засядала таемна

На працягу перадвыбарчай кампаніі Барысаўская тэрытарыяльная выбарчая камісія толькі адзін раз запрасіла на сваё паседжанне незалежных назіральнікаў. Яшчэ пра шэсць паседжанняў назіральнікаў у вядомасць не ставілі.

17.12.2010 Незаконная агітацыя за Лукашэнку - у навучальнай установе ФПБ (фота)

“Праваабаронцы за свабодныя выбары” атрымалі фотаздымак з адукацыйнай установы Федэрацыі прафсаюзаў Беларусі - Міжнароднага інстытута працоўных і сацыяльных адносін, які сведчыць пра агітацыю за дзеючага прэзідэнта з парушэннем нормаў выбарчага заканадаўства.

17.12.2010 Бабруйск: Апошні перадвыбарны пасквіль “Бабруйскага жыцця”

Газета гарвыканкама ў № 101 ад 17 снежня ў чарговы раз тлумачыць сваім чытачам, хто ёсць хто на палітычнай сцэне Беларусі. Аляксандр Паліндром, які запомніўся бабруйскім дэмакратам злобнымі пасквілямі на іх, “прайшоўся” ў артыкуле “До звезд далеко, или Per aspera ad astra” ужо па апазіцыйных кандыдатах.