Праваабарончы цэнтр «ВЯСНА»

Навіны за Сьнежань 2010

18.12.2010 Барысаў: Камісія даручыла міліцыі захоўванне скрыні для галасавання

Старшыня ўчастковай камісіі ўсклаў функцыю забеспячэння захаванасці скрыняў для галасавання на супрацоўнікаў аддзелаў унутраных спраў. Падчас адсутнасці сябраў камісіі на выбарчым участку ў перыяд з 14 да 16 гадзін і з 19 да 10 гадзін, скрыні для галасавання знаходзяцца ў іх поўным распараджэнні.

18.12.2010 Гомельскія студэнты датэрмінова “адгаласаваліся”

На ўчастку №22 Цэнтральнага раёна Гомеля за 4 дні прагаласавалі каля 63% выбаршчыкаў — у асноўным студэнты і выкладчыкі ГДУ ім.Ф.Скарыны. На ўчастку №49 Савецкага раёна, дзе галасуюць студэнты БГЭУ спажывецкай кааперацыі, яўка за 4 дні склала 29,4%, а на ўчастку №41 Чыгуначага раёна студэнты медуніверсітэту прадэманстравалі яўку 32,.2%.

18.12.2010 Пінскі медкаледж ідзе на рэкорд

За тры дні на пінскім участку № 30, які месціцца ва ўстанове адукацыі “Пінскі медыцынскі каледж”, прагаласавала ўжо 40,4 працэнта выбаршчыкаў. Лічбы па іншых участках, якія кантралююць назіральнікі, адрозніваюцца ў разы і не перавышаюць 10 % прагаласаваўшых.

18.12.2010 Баранавічы: Выніковыя лічбы ў назіральнікаў і УВК моцна разыходзяцца

Так, на выбарчым участку № 17 (Дом культуры чыгуначнікаў па вул Клубная, 6) па падліках незалежных назіралікаў 17 снежня прагаласавала толькі 84 чалавекі, а ў выніковым пратаколе вывешана лічба 172.

18.12.2010 Салігорскі абсурд: Сябра камісіі не ведае, што яна ў камісіі

Сакратар, якая аказалася дырэктарам сярэдняй школы №2, запэўніла, што за кабінкамі сочыць сябра камісіі Камяк Ганна. Аднак сама спадарыня Камяк на прамое пытанне, кім яна з'яўляецца, двойчы назвалася назіральніцай. Дырэктар школы нервова пачала тлумачыць сваёй падначаленай, якая адначасова працуе настаўніцай у СШ №2, што яна з'яўляецца сябрам камісіі.

18.12.2010 Гродна: Затрыманы актывіст выбарчага штабу Някляева

У Гродне затрыманы актывіст выбарчага штабу Уладзіміра Някляева Кірыл Семянчук. Ён знаходзіцца ў следчым ізалятары Кастрычніцкага раёну г. Гродна. Пра гэты факт пастаўлены ў вядомасць назіральнікі ад АБСЕ.

18.12.2010 “Праблемны” візіт Міхалевіча ў Віцебск

Спачатку кандыдату ў прэзідэнты не дазволілі ладзіць сустрэчу з актывістамі ў будынку краязнаўчага музея – прадстаўнік раённай адміністрацыі абвінаваціў А.Міхалевіча ў парушэнні выбарчага заканадаўства. А потым і кандыдату давялося выкрываць парушэнні на выбарчых участках горада.

18.12.2010 Някляеў: Мы не будзем кідаць людзей на бронетэхніку

Калі Кастрычніцкая плошча 19 снежня будзе занята войскамі, бронетэхнікай і міліцыяй, то кідаць людзей на “танкі” кандыдаты ў прэзідэнты не будуць. Пра гэта заявіў Уладзімір Някляеў падчас сумеснай прэс-канферэнцыі з Андрэем Саннікавым у адказ на пытанне карэспандэнта Еўрарадыё пра іх план дзеянняў у такім выпадку.

18.12.2010 Мазыр: Галасаванне з кіно, канцэртам і камуналкай

У Мазыры вялікую відовішчную праграму ў дзень выбараў рыхтуе ўчастак №17, які месціцца ў школе №5 – на зайздрасць прагаласаваўшым датэрмінова.

18.12.2010 Шматдзетная маці з Магілёва Натальля Шкадун спыніла галадоўку

Доўжылася яна восем сутак. Жанчына дамагалася ад улады паляпшэньня жыльлёвых умоваў для сваёй сям’і. Цяпер у трохпакаёвай кватэры памерам 63 квадратныя мэтры жыве дзевяць чалавек. Яна патрабуе выдзеліць ёй дзьве кватэры плошчай 120 квадратных мэтраў.

18.12.2010 У Вілейцы за грамадзянаў галасуюць адміністрацыі

У Вілейцы ў некаторых супрацоўнікаў райвыканкама, студэнтаў і настаўнікаў Вілейскага каледжа проста прасілі здаць пашпарты. Праз некаторы час пашпарты аддавалі і паведамлялі, што галасаваць самім ужо не трэба ісці. Пра гэтыя выпадкі паведамляюць выбаршчыкі, якіх яны крануліся.

18.12.2010 Вялікая Машчаніца: Назіральнікаў ад улады ўсё больш

На Вялікамашчаніцкім выбарчым участку № 17, які знаходзіцца ў аграгарадку Вялікая Машчаніца Бялыніцкага раёна, рэгіструецца ўсё больш назіральнікаў “пры пасадах”. Магчыма, што гэтаму пасадзейнічаў той факт, што менавіта на гэтым участку ў Бялыніцкім раёне арганізавана незалежнае назіранне.

18.12.2010 Галасаванне працаўнікоў Радашковіцкага завода “Белмастацкераміка” – пад строгім кантролем

Назіральнік убачыў, што прадстаўніца камісіі трымае нейкі спіс, які звярае са спісам выбаршчыкаў. Назіральнік звярнуў на гэта ўвагу старшыні камісіі. Як высветлілася, у прадстаўніцы камісіі быў спіс працаўнікоў. Было падобна, што ёй, як працаўніцы завода, было дадзена заданне праверыць, хто з працаўнікоў прагаласаваў.

18.12.2010 Вялікая Машчаніца: Датэрміновае галасаванне ідзе поўным ходам

Назіральнік пры Вялікамашчаніцкай участковай выбарчай камісіі № 17 Барыс Вырвіч адзначае, што ўдзел у датэрміновым галасаванні на Вялікамашчаніцкім выбарчым участку ідзе па нарастаючай. За чатыры дні датэрміновага галасавання на участку прагаласавала 143 выбаршчыкі.

18.12.2010 Праваабаронцы звяртаюцца да Адміністрацыі прэзідэнта, МУС і КДБ

Прадстаўнікі сямі праваабарончых арганізацый Беларусі адзінадушна падпісалі зварот у Адміністрацыю прэзідэнта Рэспублікі Беларусь, Міністэрства ўнутраных спраў Рэспублікі Беларусі і Камітэт дзяржаўнай бяспекі Рэспублікі Беларусь, у якім заклікаюць не нагнятаць атмасферу страху ў грамадстве ў перыяд выбарчай кампаніі і не ўжываць гвалт у адносінах да мірных дэманстрантаў. Ніжэй прыводзіцца тэкст звароту: