Праваабарончы цэнтр «ВЯСНА»

Навіны за Сьнежань 2010

19.12.2010 Барысаў. Правакатары патрабавалі выдалення назіральнікаў з участку

На выбарчым участку № 65 горада Барысава чацьвёра выбаршчыкаў (двое мужчын і дзве жанчыны) сталі патрабаваць ў старшыні камісіі Мікалая Чарняўскага выдаліць назіральнікаў ад Руху «За свабоду» Сяргея Халіманцэвіча і яго жонку Алену Халіманцэвіч, якая назірае ад Беларускага Хельсінкскага камітэта.

19.12.2010 Слуцк: Камісія не прызнала парушэнні выбарчага заканадаўства

Назіральнікі Дзяніс і Юлія Балакіры, якія зафіксавалі факт, калі адзін выбаршчык прагаласаваў на ўчастку № 12 двойчы, звярнуліся ў Слуцкую раённую выбарчую камісію. Участковая камісія не прызнала парушэнні заканадаўства.

19.12.2010 Міліцыянты спрабуюць трапіць у кватэру да моладзевых актывістаў

У Менску на вуліцы Пушкіна (5-238) заблакаваныя пяцёра моладзевых актывістаў. Супрацоўнікі міліцыі ўжо на працягу гадзіны спрабуюць зайсці ў кватэру, дзе знаходзяцца Стасюк Ян, Аляксандра Літвінчук, Маціюк Аксана, Чарвінская Марыя і Яўген Іванюк.

19.12.2010 Менск: выбарчыя скрыні знаходзяцца за шырмай

На участку № 62 Першамайскага раёну ва Уруччы памяшканне для галасавання цалкам перагароджана вялізнай шырмай, за якой знаходзяцца кабінкі для галасавання. За кабінкамі стаяць скрыні, якія абсалютна ня бачныя ні сябрам участковай камісіі, ні назіральнікам.

19.12.2010 Баранавічы: Мёртвыя ў спісах, а жывых няма

Выбаршчыца паведаміла, што яе бацька памёр 4 гады таму назад. Нягледзячы на гэта, УВК пастаянна дасылае на яго імя паведамленне аб парламенцкіх і мясцовых выбарах. Не сталі выключэннем і цяперашнія прэзідэнцкія выбары.

19.12.2010 Віцебск: Тараса Сургана папярэдзілі, каб “сядзеў дома”

Кіраўнік віцебскай суполкі «Маладой Беларусі» Тарас Сурган паведаміў, што яму патэлефанавалі з Чыгуначнага РАУС, і прыгразілі: “будуць праблемы, калі не будзеш сідзець дома”. Супрацоўнік міліцыі, які тэлефанаваў, назваў пагрозу “прафілактычнай гутаркай”.

19.12.2010 Затрыманьні і перасьлед грамадзян (абнаўляецца)

Увага! У дачыненні да Дашкевіча, Лобава Эдуарда і Дзяніса Лазара СА ПР Маскоўскага РУУС г.Мінска ўзбуджаная крымінальная справа па ч.3 арт.339 КК РБ (Хуліганства). У 16.30 падазраваныя былі затрыманыя ў парадку ст.108 КПК РБ і дастаўлены ў ІЧУ ГУУС Мінгарвыканкама.

19.12.2010 Віцебск: Парсюкевіча затрымалі “па падазрэнні ў забойстве”

Сяргея Парсюкевіча разам з 16-гадовым сынам Дзянісам затрымалі ў Віцебску на аўтавакзале. Абодвум паведамілі, што яны падобныя да “асобаў, якія паўгадзіны таму здзейснілі забойства”.

19.12.2010 Сямдзянава: Рашэнне прымалася зверху

Прадстаўніца Партыі БНФ у Цэнтрвыбаркаме Галіна Сямдзянава заяўляе пра масавую цэнтралізаваную падрыхтоўку сябраў участковых камісій і назіральнікаў у Мінску да карэктнага стаўлення да прадстаўнікоў міжнародных місій і поўнага ігнаравання патрабаванняў актывістаў дэмакратычных партый і арганізацый.

19.12.2010 Брэсцкіх актывістаў затрымалі па падазрэнні ў перавозе наркатычных сродкаў

Брэсцкія грамадскіяі палітычныя актывісты Валянцін Лазарэнкаў і Аляксей Коўтун знаходзяцца ў Бярозаўскім РАУС. Па словах супрацоўнікаў міліцыі, як сказаў Валянцін Лазарэнкаў, іх затрымалі па падазрэнню ў перавозе наркатычных сродкаў і будуць складаць пратакол затрымання.

19.12.2010 Менск: выбаршчык адмовіўся, каб яго ўключылі ў дадатковы спіс

Прозвішча інваліда 1 гр. Генадзя Дакутовіча, зарэгістраванага з 31.12.2009 г. на год па месцы пражывання па вуліцы Ваўпшасава, не аказалася ў спісах выбаршчыкаў на участку № 41 Партызанскага раёну.

19.12.2010 Маладэчанскі раён: пры правядзенні выязнога галасавання адсутнічала ўрна

У в. Беніца Маладэчанскага раёну пры выяздным сборы подпісаў на даму па размешчаных паблізу вёсках сябры ўчастковай камісіі складалі запоўненыя бюлетэні ў адмысловую папку. Пры гэтым, як паведамілі незалежным назіральнікам, скрыня для галасавання адсутнічала.

19.12.2010 Мінск: на 104 выбарчым участку за некаторых выбаршчыкаў прагаласавалі датэрмінова

Як паведаміў Клімаў У.К., выбаршчык з участка № 104 Маскоўскага раёну сталіцы (размешчанага ў школе № 206 па вул. Рафіева, 82), за ягоную дачку нехта прагаласаваў датэрмінова 17 снежня, што было адзначана ў спісе выбаршчыкаў. Пра аналагічны выпадак яму таксама паведамілі два суседа.

19.12.2010 Мінск: Колькасць выбаршчыкаў імкліва вырасла за 5 дзён

Да правабаронцаў патрапілі вынікі падліку колькасці выбаршчыкаў у розных раёнах Мінска і колькасці тых, хто прагаласаваў на ўчастках на 10 гадзін 19 снежня і, адпаведна, быў унесены ў дадатковы спіс.

19.12.2010 Орша: Назіральнікі не пацвярджаюць лічбы гаркаміссіі па датэрміновым галасаванні

Незалежныя назіральнікі ў Оршы вядуць назіранне на 29 участках з 62. Гэтыя 29 участкаў абраны выпадковым чынам, яны раўнамерна размешчаны па розных раёнах горада.