Праваабарончы цэнтр «ВЯСНА»

Навіны за Сьнежань 2010

19.12.2010 Магілёў. На выбарчым участку №15 400 чалавек вырашылі прагаласаваць на даму

У Магілёве на выбарчым участку №15 з 2407 выбаршчыкаў на даму вырашылі прагаласаваць 400 чалавек. Пра гэта паведамляе назіральнік Алена Качурка.

19.12.2010 Рэкамэндацыі праваабаронцаў на выпадак затрыманьняў

Што рабіць калі ў дачыненьні да Вас была беспадстаўна ўжытая фізічная сіла, як пачынаць шукаць інфармацыю пра затрыманага, як мінімізаваць пакараньне на судзе

19.12.2010 Салігорск ачэплены

Шэраг салігорскіх дэмакратычных актывістаў інфармуюць пра сур'ёзныя праблемы пры спробах выезду з гораду. Намеснік старшыні Маладога Фронту Іван Шыла і сябра Партыі БНФ Павал Батуеў, якія пражываюць у Салігорску, сутыкнуліся з пераследам іх асобаў з боку супрацоўнікаў міліцыі.

19.12.2010 Брэст: Актывістку каманды Саннікава раніцай 20 снежня выклікаюць у міліцыю

Кіраўніку Брэсцкай гарадской арганізацыі незалежнага прафсаюзу радыёэлектроннай прамысловасці Аляксандры Худасоўцавай на мабільны тэлефон патэлефанавала жанчына, якая назвалася Маргарытай і прадставілася супрацоўніцай Маскоўскага РАУС г.Брэста. Яна запрасіла актывістку выбарчай кампаніі аднаго з альтэрнатыўных кандыдатаў у прэзідэнты прыйсці ў РАУС «на размову» раніцай 20 снежня.

19.12.2010 Затрымліваюць актывістаў штабу Някляева

Алег Ладуцька, каардынатар выбарчага штабу Ўладзімера Някляева па Цэнтральным раёне Менску, затрыманы на станцыі мэтро Кунцаўшчына.

19.12.2010 Гомель: Раённая камісія не рэагуе на скаргі пра нябожчыкаў у спісах

Гамяльчанін Уладзімір Чыркоў заўважыў у спісах выбаршчыкаў на ўчастку ў гімназіі №51 (Савецкі раён Гомеля) некалькі нябожчыкаў і людзей, які жывуць у іншых гарадах, нават на Украіне.

19.12.2010 Магілёў. Дадзеныя па датэрміновым галасаванні ў назіральнікаў і выбарчай камісіі разыходзяцца

На выбарчым участку №42, паводле звестак назіральнікаў, колькасць прагаласаваўшых датэрмінова - 449 чалавек. Па звестках камісіі – 409. Агульная колькасць выбаршчыкаў на ўчастку - 880.

19.12.2010 Мінск: На ўчастку № 104 выбаршчыкі масава даведваліся, што яны “прагаласавалі” датэрмінова

У Маскоўскім раёне Мінска на 104-м участку для галасавання, што месціца ў школе № 206 па вуліцы Рафіева, выпадкаў, калі падрабляюцца подпісы выбаршчыкаў, якія нібыта “прагаласавалі” датэрмінова, цягам дня станавілася ўсё больш. Калі напачатку людзі проста “перагаласоўвалі” пасля перапрашэнняў камісіі і занясення іх у дадатковы спіс, то пазней некаторыя сталі дамагацца фіксавання парушэнняў.

19.12.2010 Старшыні аршанскіх ўчастковых камісій пагражаюць назіральнікам судом

Старшыня ўчастковай выбарчай камісіі № 14 у горадзе Орша Васіль Садковіч прыгразіў назіральнікам ад партыі «Справядлівы свет» Святлане Малчанавай і БХК Людміле Герасіменка, што ў выпадку, калі яны складуць акт аб парушэнні выбарчага заканадаўства на ўчастку, ён падасць на іх у суд за паклёп.

19.12.2010 Мінск: Умовы горшыя, чым у партызанскім лагеры

Віктар Балуеў адзначае, што нават калі ён з маці хаваўся ад немцаў у партызанскім атрадзе, умовы былі лепшымі, чым магчымасці назіраць на гэтых выбарах, дзе плюс да ўсяго няма павагі ні да ўзросту, ні да людзей.

19.12.2010 Магілёў. У прысутнасці назіральніка сябры абласной камісіі размаўляюць шэптам

“Сёння, 19 снежня, я заносіў у Магілёўскую абласную выбарчую камісію скаргу на правапарушэнні, якія мелі месца падчас датэрміновага назірання. Калі ў памяшканне ўвайшла жанчына і пачала нешта дакладаць, то сакратар камісіі на яе крыкнула і паказала на мяне, пасля чаго ўвайшоўшая перайшла на шэпт. Акрамя гэта, сябры камісіі ў момант майго знаходжання не бралі тэлефоны, а калі бралі, то нехаця размаўлялі па іх”, - гаворыць Барыс Бухель.

19.12.2010 Магілёў. Заместы фікусаў і пальмаў - навагоднія ёлкі

“Мы папрасілі, каб гэтую ёлку прыбралі, бо немагчыма было бачыць ні людзей, ні кабінкі для галасавання. Ёлку прыбралі, але назіраць за скрынямі для галасавання мы так і не можам, бо яны рамешчаны так, што мы іх не бачым, а ў іншае месца назіральнікаў не перамяшчаюць”, - адзначае Анатоль Заўялаў, назіральнік на выбарчым участку №81.

19.12.2010 Бабруйск: Назіральнікам адмовілі ва ўзнаўленні

Незалежным назіральнікам Ніне Федзяевай, Валянціне Глухавай і Аляксандру Смірнову, якім учора адмовілі ў назіранні, прыйшоў адказ з пракуратуры, што іх скарга перанакіравана ў выбарчую камісію Ленінскага раёна. Камісія, у сваю чаргу, адмовіла назіральнікам ва ўзнаўленні рэгістрацыі.

19.12.2010 Слуцк: Назіральнікі бачаць толькі спіны выбаршчыкаў

Калі сябры ўчастковай камісіі сабраліся выязджаць да выбаршчыкаў на дом, назіральнік папрасіла праехаць з імі. «Вы самі павінны забяспечыць сабе транспарт", - сказала Алена Хвесячко, старшыня камісіі. «Месца ў машыне для назіральніка было», - удакладніла Зінаіда Цімошак.

19.12.2010 Магілёў. На Мінскай шашы прыпынена машына даверанай асобы Някляева

На выездзе з Магілёва супрацоўнікамі ДАІ быў прыпынены аўтамабіль з актывістамі кампаніі “Гавары праўду”, у тым ліку і даверанай асобай кандыдата Уладзіміра Някляева Ігарам Каваленкам. Кіроўцу супрацоўнікі ДАІ павезлі для медыцынскага асведчыння на наяўнасць алкаголю ў крыві.