Праваабарончы цэнтр «ВЯСНА»

Навіны за Сьнежань 2010

20.12.2010 Затрыманы кандыдаты ў прэзідэнты Алесь Міхалевіч і Дзмітрый Ус

Супрацоўнікі сілавых органаў, імаверна, Камітэта дзяржаўнай бяспекі, уварваліся ў кватэру Алеся Міхалевіча на вуліцы Кісялёва. Для гэтага яны выбілі дзверы памяшкання. Таксама стала вядома, што супрацоўнікі КДБ Беларусі затрымалі кандыдата ў прэзідэнты Дзмітрыя Уса.

20.12.2010 Праваабаронцаў "Вясны" пакінулі без кампутарнай тэхнікі

5-10 Супрацоўнікі праваахоўных органаў у цывільным забралі з офісу ПЦ "Вясна" усе кампутары (нібыта на праверку). Каля 6 раніцы ўсіх 10 затрыманых адпусьцілі з Першамайскага РУУС пасля дачы тлумачэнняў без складання пратаколаў. Дапамогу ў гэтым аказалі прадстаўнікі АБСЕ.

20.12.2010 Кватэру Анатоля Лябедзькі ўзялі штурмам

Каля 10 супрацоўнікаў сілавых структураў на працягу амаль гадзіну ламіліся ў кватэру да лідэра АГП Анатоля Лябедзькі. Выламаўшы дзверы яны скруцілі палітыка, вывалаклі яго з дому і звезлі на мікрааўтобусе з нумарам АБ 102825

20.12.2010 Затрыманы каля 400 чалавек

Па некаторай інфармацыі ад супрацоўнікаў міліцыі, лічба затрыманых - каля 400 чалавек. Частку дастаўленых на Акрэсціна зноў загрузілі ў аўтазакі і некуды павезлі.

20.12.2010 Прэс-служба БАЖ: Ёсць пацярпелыя і затрыманыя журналісты

Па звестках на 20 снежня (1-02)

20.12.2010 Затрыманы Алег Гулак

Затрыманы адзін з кіраўнікоў кампаніі “Праваабаронцы за свабодныя выбары” - Старшыня Беларускага Хельсінкскага камітэта Алег Гулак – ён знаходзіцца ў аўтазаку. Праваабаронца паведаміў, што разам з ім у аўтазаку знаходзіцца цяжарная жанчына, якая была затрыманая разам з мужам, калі яны ішлі па праспекце.

20.12.2010 Спіс затрыманых і пацярпелых (Дадаецца)

Прозвішчы людзей, якіх затрымалі падчас зачысткі мірнай акцыі пратэсту.

19.12.2010 Скандал на выбарчым участку: У скрыні не аказалася 480 бюллетэняў

Было абвешчана, што згодна са спіcамі выбаршчыкаў, у дзень выбараў было выдадзена 1719 бюлетэняў, аднак калі была адчынена скрыня для галасавння, там аказалася толькі 1239 бюлетэняў – гэта значыць, што 480 бюлетэняў проста зніклі. Назіральнікі лічаць, што гэтыя бюлетэні проста не паспелі ўкінуць у скрыню для галасавання, аднак у спісах ужо праставілі подпісы за выбаршчыкаў.

19.12.2010 У бальніцы хуткай дапамогі - вялікая колькасць пацярпелых

Па інфармацыі ПЦ "Вясна", у бальніцу хуткай дапамогі паступіла вялікая колькасць пацярпелых з рознага роду траўмамі, атрыманымі пры разгоне дэмантрацыі. Уладзімір Някляеў знаходзіцца ў нейра-хірургічнай рэанімацыі з чэрапна-мазгавой траўмай.

19.12.2010 ПЛОШЧА-2010 - брутальная зачыстка (аднаўляецца)

Агульная колькасць затрыманых падчас разгону мірнай акцыі пратэсту невядомая. Вельмі многа ўдзельнікаў моцна збітыя і дастаўленыя ў шпіталі. Паведамляюць, што ў бальніцы хуткай дамапогі не хапае персаналу і медыцынскіх сродках. Таксама збітых дастаўлялі ў шпіталь МУС. У цяжкім стане там знаходзіцца Язэп Палубятка.

19.12.2010 Магілёў. Выніковыя пратаколы з участкаў №51 і №52 ўзгадняюць у аблвыканкаме

Выніковыя пратаколы з выбарчых участкаў №51 і 52, што размешчаны ў Магілёўскай школе №33 не вывешаны да таго часу, пакуль не будуць узгоднены ў аблвыканкаме. Такі адказ атрымаў назіральнік Сяргей Нягацін, на пытанне чаму не вывешаны выніковыя пратаколы з вынікамі галасавання на ўчастках.

19.12.2010 Мінск: Лукашэнка на многіх участках не набірае 50% (дадаецца)

Пачынаючь паступаць звесткі з выбарчых участкаў сталіцы. На многіх з іх Лукашэнка АФІЦЫЙНА, гэта значыць, згодна з выніковымі пратаколамі, не набірае 50% падтрымкі. Так, у Партызанскім раёне на ўчастку для галасавання №6 падтрымка Лукашэнкі складае 43%, а на ўчастку для галасавання №8 падтрымалі Лукашэнку 41% выбаршчыкаў.

19.12.2010 Магілёў. Участак №122 - лоўкасць рук і ніякага фокусу

Назіральнікі на выбарчым участку №122 у Магілёве сталі сведкамі, калі пасля падліку галасоў стос бюлетэняў за кандыдата ў Прэзідэнты Рэспублікі Беларусь Аляксандра Лукашэнкі немаверна павялічыўся ў некалькі разоў.

19.12.2010 Напад на калону Някляева (відэа)

Каля Нямігі, 42, дзе збіралася калона прыхільнікаў Някляева, людзі ў масках, што пад’ехалі на аўтоусах - імгненна і жорстка паклала ў сьнег каля сотні чалавек, там жа быў моцна зьбіты сам Някляеў. Разбітая ўся гукаўзмацняльная апаратура, камеры у журналістаў. Людзей закідвалі шумавымі і светлавымі гранатамі. Сілавікі зьніклі на аўтобусах

19.12.2010 Бабруйск: Стос бюлетэняў за Кастусёва “рассасаўся”

назіральнік: "Я ўбачыў, што адна з сябраў камісіі перадае другой вялікі стос бюлютэняў, недзе штук 100, і шэпча са здзіўленнем “Кастусёў!” У гэты час і назіральніца кажа мне “вось бачыце, колькі за Кастусёва…” Але якім жа было маё здзіўленне, калі ў выніковым пратаколе насупраць прозвішча Кастусёва паставілі лічбу ў тры галасы!"