Праваабарончы цэнтр «ВЯСНА»

Навіны за Сьнежань 2010

21.12.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Час выхаду ў эфір – 15-05. Таксама ў гэты час яе можна слухаць праз інтэрнэт на сайце www.racyja.com.

21.12.2010 «Міжнародная амністыя» асудзіла жорсткі разгон мірнай дэманстрацыі

«Міжнародная амністыя» патрабуе ад Мінска расследаваць заявы аб празмерным ужыванні сілы пры разгоне акцыі апазіцыі.

21.12.2010 Cтаршыня БХК Алег Гулак на волі

Адзін з кіраўнікоў кампаніі “Праваабаронцы за свабодныя выбары”, старшыня Беларускага Хельсінкскага камітэта Алег Гулак адпушчаны на волю. Суд не адбыўся з-за недахопу доказаў. Адміністрацыйная справа накіраваная на дапрацоўку.

21.12.2010 Частку вязняў другія суткі трымаюць без ежы і пітва, у аўтазаках

«Нас адмаўляюцца браць на Акрэсціна, — паведаміў „Нашай Ніве“ арыштаваны падчас Плошчы Алесь Мілінец. — Другія суткі сядзім у аўтазаку. Нас тут 31 чалавек. Кажуць, паперы належным чынам не аформленыя».

21.12.2010 Заява пратэсту Асамблеі НДА Беларусі з нагоды падзеяў 19-20 сьнежня ў Беларусі

Асамблея няўрадавых дэмакратычных аб’яднаньняў рашуча асуджае масавыя рэпрэсіі ў дачыненьні да ўдзельнікаў маніфэстацыяў пратэсту супраць фальсіфікацыі выбараў. Мы разглядаем затрыманьні і зьбіцьцё журналістаў, хвалю вобшукаў у дамах актывістаў апазыцыі і офісах няўрадавых арганізацыяў як дзеяньні, скіраваныя на адцягненьне ўвагі ад выкрытых фактаў маніпуляцыі вынікамі галасаваньня падчас выбараў.

20.12.2010 Затрыманы, асуджаны на 10 сутак маці і сястра рэпарцёра «Нашай Нівы»

46-гадовая Ірына Панкавец і 23-гадовая Святлана былі затрыманыя ў ліку іншых соцень удзельнікаў мірнай акцыі пратэсту 19 снежня. Гэта мама і сястра рэпарцёра «Нашай Нівы» Змітра Панкаўца.

20.12.2010 У кватэры Андрэя Саннікава прайшоў ператрус, а Ірына Халіп "знайшлася" ў ізалятары КДБ

Там жа аказаліся Павел Севярынец і Віталь Рымашэўскі.

20.12.2010 Амбасадару Беларусі падалі афіцыйную пазіцыю МЗС Польшчы

20 снежня ў МЗС Польшчы быў выкліканы беларускі амбасадар Віктар Гайсёнак.

20.12.2010 Заява Сената ЕГУ наконт падзей 19 снежня ў Мінску

Сенат Еўрапейскага Гуманітарнага Універсітэта (Вільня) рашуча асуджае факты неадэкватнага і неапраўдана жорсткага прымянення сілы

20.12.2010 Ус і Кастусёў — на волі

Пасля допытаў у КДБ адпусцілі экс-кандыдатаў у прэзідэнты Дзмітрыя Уса і Рыгора Кастусёва.

20.12.2010 Затрыманы намесьнік старшыні «Маладога фронту» Мікола Дземідзенка

Ён зьбіраўся прыйсьці дахаты, забраць свае рэчы і зьехаць да бацькоў. Але ў кватэру ўварваліся некалькі міліцыянтаў і схапілі хлопца.

20.12.2010 Нямецкія зялёныя патрабуюць неадкладна вызваліць арыштаваных апазыцыянэраў

Такую заяву зрабілі дэпутаткі Бундэстагу ад фракцыі зялёных Марылюіза Бэк і Кляўдыя Рот.

20.12.2010 У.Някляеў знаходзіцца ў следчым ізалятары - А.Лукашэнка

Падчас акцыі пратэсту ў Мінску былі затрыманыя 639 чалавек

20.12.2010 У ліку затрыманых — 12-разовая чэмпіёнка Еўропы па каратэ, яе муж і сын

Падчас акцыі пратэсту на плошчы Незалежнасці, якая прайшла ўвечары 19 снежня ў Мінску, былі затрыманыя 12-разовая чэмпіёнка Еўропы па каратэ Святлана Вількіна, яе муж Андрэй, заслужаны трэнер Беларусі, і іх 25-гадовы сын.