Праваабарончы цэнтр «ВЯСНА»

Навіны за Лістапад 2010

09.11.2010 Слонім: “Прайшлі” ўсе, хто здаваў подпісы

8 лістапада адбылося паседжанне Слонімскай раённай выбарчай камісіі, на якім былі падведзены і агучаны вынікі праверкі подпісаў. На паседжанне быў дапушчаны назіральнік Іван Шэга.

09.11.2010 Мінск: Зялёнае святло ўсім прэтэндэнтам у кандыдаты ў прэзідэнты?

Па выніках рашэнняў тэрытарыяльных выбарчых камісій Цэнтральнага, Кастрычніцкага, Фрунзенскага, Завадскога, Ленінскага раёнаў сталіцы ўсе "застаўшыяся ў жывых" жадаючыя паўдзельнічаць у прэзідэнцкай гонцы атрымалі афіцыйнае права ў ёй удзельнічаць. Назіральнік Валянціна Свяцкая лічыць, што тут ўзнікае некалькі пытанняў.

09.11.2010 Маладэчна: Рашэнне суда - традыцыйнае

На судзе таксама высветлілася, што спісаў камісій у райвыканкаме не выдавалі таму, што “не хапіла часу дапрацаваць гэтыя дакументы, бо адпаведны аддзел быў заняты падрыхтоўкай да Усебеларускага сходу”.

09.11.2010 Калінкавічы: Не прызнаны подпісы за Рымашэўскага і Цярэшчанку

Асноўнымі парушэннямі сталі: фіктыўныя подпісы (ад імя неіснуючых асоб), подпісы, узятыя ў непаўналетніх, з несапраўднымі пашпартнымі дадзенымі. Трэба дадаць, што асноўная маса подпісаў і за Цярэшчанку, і за Рымашэўскага была “ўзята” ў адных і тых жа людзей.

Скандальныя вынікі праверкі подпісаў у Салігорску: прызнаны несапраўднымі подпісы за вылучэнне Міхалевіча, Някляева, Саннікава і Уса

09.11.2010 Скандальныя вынікі праверкі подпісаў у Салігорску: прызнаны несапраўднымі подпісы за вылучэнне Міхалевіча, Някляева, Саннікава і Уса

Аднак казаць пра адпаведнасць гэтых вынікаў рэчаіснасці мясцовыя назіральнікі не могуць, паколькі працэс праверкі подпісаў адбываўся ў таямніцы ад іх, нягледзячы на неаднаразавыя афіцыйныя звароты ў Салігорскую раённую камісію.

09.11.2010 Ветка: Тыя ж людзі ў тых жа камісіях

Амаль не пацярпеў зменаў склад участковых выбарчых камісій у Ветцы з мінулых выбараў: тыя ж прозвішчы, тыя ж чыноўнікі, якія выступаюць ад імя грамадскасці.

09.11.2010 Маладэчна: Подпісы ў падтрымку Цярэшчанкі прызнаны несапраўднымі

Пасля праверкі камісія прызнала несапраўднымі подпісы за вылучэнне Віктара Цярэшчанкі. Ніводнага несапраўднага подпісу не знайшлі ў Алеся Міхалевіча.

09.11.2010 Барысаў. ТВК прызнала сапраўднымі подпісы за дзесяць прэтэндэнтаў

Усе дзесяць ініцыятыўных груп патэнцыйных кандыдатаў у прэзідэнты, якія падавалі падпісныя лісты ў Барысаўскую ТВК, могуць уздыхнуць спакойна: колькасць несапраўдных подпісаў не перавысіла 15 адсоткаў, а за некаторых прэтэндэнтаў і зусім раўнялася нулю.

09.11.2010 У Воршы - новы незалежны інтэрнэт-рэсурс

Старонка http://orsha.eu працуе з 5-га лістапада. Рэдактар сайта Ігар Казмярчак распавядае пра мэты і планы новага інтэрнэт-рэсурсу.

09.11.2010 Бялынічы: Забракаваны подпісы за Аляксея Міхалевіча

Члены Бялыніцкай выбарчай камісіі аднагалосна прызналі сапраўднымі ўсе подпісы, пададзеныя за наступных патэнцыйных кандыдатаў: Рыгора Кастусёва, Аляксандра Лукашэнку, Віталія Рымашэўскага, Уладзіміра Някляева, Андрэя Саннікава.

08.11.2010 Віцебск: Кіраўніцтва тэрытарыяльнай камісіі дэлегавана на Усебеларускі сход

На паседжанні выбарчай камісіі прагучала віншаванне ў дачыненні да трох сябраў камісіі: старшыні, намесніка старшыні і сакратара, якія ў ліку 110 прадстаўнікоў Віцебскай вобласці выбраны дэлегатамі на 4-ы Усебеларускі сход.

08.11.2010 Бяроза: Найбольш несапраўдных подпісаў -- за Лукашэнку

У 6 прэтэндэнтаў у кандыдаты на прэзідэнтскую пасаду: Андрэя Саннікава, Віктара Цярэшчанкі, Віталя Рымашэўскага, Рыгора Кастусёва, Яраслава Раманчука і Алеся Міхалевіча, якія набралі няшмат подпісаў, не было выяўлена ніводнага несапраўднага подпісу.

08.11.2010 Жодзіна: Подпісы за Кастусёва і Статкевіча прызнаны несапраўднымі

Подпісы за Р.Кастусёва і М.Статкевіча цалкам прызнаныя несапраўднымі Жодзінскай гарадской камісіяй. Зусім не было выяўлена несапраўдных подпісаў у А.Саннікава і В.Рымашэўскага.

08.11.2010 За інтэрвью з патэнцыйным кандыдатам – у пастарунак

Сёння, 8 лістапада, каля 14.30 у Віцебску затрымалі журналіста Уладзіслава Стараверава, які браў інтэрвью ва Ўладзіміра Правальскага. У Чыгуначным РАУС хлопца дапыталі, адкуль у яго відэакамера, і навошта ён здымае размову з патэнцыйным кандыдатам.

08.11.2010 Подпісы за Правальскага ў Віцебску забракавалі

Уладзімер Правальскі гаворыць, што каментаваць сітуацыю пакуль ня можа – чакае афіцыйнага рашэння ЦВК. Прычым рашэння аргументаванага – калі яго не зарэгіструюць кандыдатам, У.Правальскі гатовы звярнуцца ў суд, каб аспрэчыць задакументаваныя аргументы Цэнтрвыбаркаму.