Праваабарончы цэнтр «ВЯСНА»

Навіны за Лістапад 2010

11.11.2010 Салігорск: Ці знойдзецца на гэты раз крэсла для назіральніка?

Многія сябры новаствораных участковых камісій ужо траплялі ў поле зроку праваабаронцаў. Дырэктар СШ №11 Уладзімір Каштальян, напрыклад, быў старшынёю камісіі на ўчастку, які месціўся ў будынку школы. Для назіральніка ад БХК тады ва ўстанове адукацыі не знайшлося крэсла, і гэта стала тлумачэннем адмовы ў акрэдытацыі.

11.11.2010 Бабруйск: У камісіі Першамайскага раёна знайшліся лішнія подпісы за Някляева

Пасля тэлефоннай размовы з супрацоўнікамі ЦВК старшыня камісіі Віктар Гарбанёў усё ж назваў лічбу зарэгістраваных подпісаў – 3 579. Але тут у Алены Мядзведзевай, сябры ініцыятыўнай групы У.Някляева, узнікла пытанне – адкуль узяліся лішнія 304 подпісы, бо ёю былі здадзеныя 3 275.

11.11.2010 Сябры Партыі БНФ накіравалі запыты ў Гродзенскую памежную групу

Сябры Партыі БНФ Вадзім Саранчукоў і Яўген Скрабутан накіравалі заявы начальніку Гродзенскай пагранічнай групы палкоўніку І.Буткевічу. У сваім запыце актывісты просяць растлумачыць прычыны, паводле якіх іх затрымлівалі супрацоўнікі памежных службаў пры перасячэнні мяжы для агляду асабістых рэчаў.

11.11.2010 ЦВК ухваліла таемнасць працэсу праверкі подпісаў

Скарга назіральніка ад БХК на дзеянні Салігорскага выбаркаму падчас праверкі подпісаў не была задаволена Цэнтральнай выбарчай камісіяй.

11.11.2010 Беларускія праваабаронцы выступілі з заявай

У якой заявілі аб гатоўнасці супрацоўніцтва з уладнымі структурамі на прынцыпах, прапанаваных у распрацаванай пад эгідай Асамблеі НДА Канцэпцыі ўзаемадзеяння органаў дзяржаўнай улады і грамадзянскай супольнасці.

11.11.2010 Барысаў: Першую празрыстую скрыню прапануюць усталяваць на "паказальным" участку

Індывідуальны прадпрымальнік з Барысава, які не афішуе свайго імя, за свае сродкі вырабіў першую ў горадзе празрыстую скрыню для галасавання. Усталяваць яе ён прапануе на "паказальным" участку у цэнтры горада.

11.11.2010 Агляд-хроніка парушэньняў правоў чалавека ў Беларусі, кастрычнік 2010 году

Сярод асноўных падзеяў кастрычніка ў праваабарончай галіне - маніторынг выбарчага працэсу ўдзельнікамі кампаніі "Праваабаронцы за свабодныя выбары", Еўрапейскі дзень супраць сьмяротнага пакараньня, працяг ціску на прадстаўнікоў анархісцкіх і антыфашысцкіх моладзевых рухаў, крымінальны працэс па справе актывіста кампаніі "Гавары праўду" пісьменніка Міхася Башуры.

11.11.2010 У Мінску вывучаюць зварот аб змякчэнні стаўлення да сваякоў расстраляных

Брэстаўчанка Сьняжана Неўдах атрымала адказ на свой зварот у прэзідэнцкую Адміністрацыю. Яна прасіла, каб маці расстралянага Андрэя Жука паведамілі пра месца пахавання сына. У адказе з Адміністрацыі паведамляецца, што пытанне вывучаецца ў Нацыянальным цэнтры заканадаўства і прававых даследаванняў. Пра гэта Еўрарадыё паведаміў прававы кансультант Сняжана Неўдах Раман Кісляк.

11.11.2010 Пінская ТВК абвесціла вынікі праверкі падпісных лістоў

Паведамленне размешчана на афіцыйным сайце Пінскага гарвыканкаму. У публікацыі не пазначана колькасць забракаваных ТВК подпісаў, хаця вядома, што прызнаныя несапраўднымі подпісы былі.

11.11.2010 Камітэт ААН па правах чалавека вынес рашэнне не на карысць Рэспублікі Беларусь

Камітэт ААН па правах чалавека устанавіў, што ўпраўленне юстыцыі Гомельскага аблвыканкама парушыла права на свабоду асацыяцый, адмовіўшы ў 2004 годзе ў дзяржаўнай рэгістрацыі абласному грамадскаму аб'яднанню "Грамадзянская альтэрнатыва", якое аб'яднала ў сабе каля трохсот грамадзян. Адпаведнае паведамленне атрымаў адзін з заснавальнікаў грамадскага аб'яднання Уладзімір Кацора.

11.11.2010 Маларыта: Сайты райвыканкама і "раёнкі" не інфармуюць пра сфармаваныя участковыя камісіі

Па стане на 11 лістапада так і не было размешчана рашэнне мясцовай улады аб стварэнні ўчастковых камісій на тэрыторыі раёна, хаця сямідзённы тэрмін з моманту прыняцця гэтага рашэння, вызначаны заканадаўствам для публікацыі такіх дакументаў, мінуў.

11.11.2010 Брэст: Мытня рыхтуецца да выбараў

Клопат пра гэта ўзялі на сябе прадстаўнікі пярвічнай арганізацыі БРСМ. Ці будзе у "кутку выбаршчыка" прысутнічаць у вольным доступе агітацыйная літаратура ўсіх без выключэння зарэгістраваных кандыдатаў у прэзідэнты, у прэс-службе Брэсцкай мытні адказаць не здолелі.

11.11.2010 Жытомірская пракуратура правярае скаргу беларусаў

Пракуратура Жытомірскай вобласці рапачала праверку законнасці дзеяньняў міліцыі пры затрыманьні грамадзян Беларусі. Як паведамляе Житомир.info, пракуратурай Жытомірскай вобласці праводзіцца праверка скаргаў на дзеяньні праваахоўнікаў у дачыненні да Ігара Коктыша і іншых грамадзян, якія на днях былі затрыманыя міліцыяй у сувязі з падазрэньнем адносна захоўваньня наркатычнай сыравіны ў г. Жытоміры.

11.11.2010 Пінскі раён: Магчымасці для агітацыі – даволі ліберальныя

Назіральнікі адзначаюць, што рашэнне прынятае пінскім райвыканкамам, дае вялікую магчымасць кандыдатам у прэзідэнты правесці годную агітацыйную кампанію.

10.11.2010 Віцебшчына: Па колькасці прызнаных подпісаў у лідэрах Лукашэнка, Някляеў і Статкевіч

Усе подпісы, сабраныя за Уладзіміра Правальскага, прызналі несапраўднымі. Найменшая колькасць подпісаў, прызнаных сапраўднымі, -- за вылучэнне Андрэя Саннікава.