Праваабарончы цэнтр «ВЯСНА»

Навіны за Лістапад 2010

12.11.2010 “Лёс Аўтуховіча залежыць ад кожнага”

Рэжысёр Вольга Мікалайчык 10 лістапада прэзентавала ў Мінску свой новы фільм “Падарожжа па бясконцай вайне”. Ён прысвечаны былому афганцу, прадпрымальніку, а зараз палітзвяволенаму Мікалаю Аўтуховічу.

12.11.2010 На вуліцах Магілёва з’яўляецца інфармацыя пра выбары

Інфармацыйныя плакаты, білборды і расцяжкі пераважна вывешваюцца на будынках дзяржаўных установаў. Аднак нагляднай інфармацыі яшчэ недастаткова, каб выбаршчыкі маглі з ёй сутыкацца пастаянна.

12.11.2010 Магілёў: Суд Кастрычніцкага раёна не задаволіў скаргі апазіцыянераў

10 і 11 лістапада ў Кастрычніцкім судзе г.Магілёва разглядаліся тры скаргі ад прадстаўнікоў дэмакратычнай супольнасці аб неўключэнні іх вылучэнцаў у склад участковых выбарчых камісій. Ва ўсіх трох выпадках рашэнні аб неўключэнні дэмакратаў прызнаны законнымі, а крытэры, па якіх адбываецца адбор кандыдатаў у склад участковых выбарчых камісій, суду непадсудныя.

12.11.2010 Гомельская вобласць: Большасць забракаваных подпісаў - у Кастусёва, Уса і Міхалевіча

11 лістапада адбылося паседжанне Гомельскай абласной камісіі па выбарах прэзідэнта, падчас якога былі падведзены вынікі збору подпісаў за патэнцыйных кандыдатаў у прэзідэнты.

12.11.2010 Баранавічы: 30% чытачоў газеты “Intex-press” гатовы аддаць свой голас за апазіцыйнага кандыдата

Баранавіцкая недзяржаўная газета “Intex-press” праводзіць на сваім сайце апытанне чытачоў, у якім на 11 лістапада прынялі ўдзел 208 чалавек. Наведвальнікі сайта павінны адказаць на пытанне: “За каго вы аддасце свой голас на выбарах Прэзідэнта РБ 19 снежня 2010 года?”

12.11.2010 Баранавічы: Каму верыць - гарвыканкаму ці газеце “Наш край”?

Рашэннем гарвыканкама ад 3 лістапада 2010 года № 3467 створана ўчастковая выбарчая камісія № 6 у складзе 12 чалавек. Афіцыйная газета “Наш край” чамусьці надрукавала спіс камісі на выбарчым участку № 6 у складзе 24 асобаў. Тым жа рашэннем гарвыканкама створана ўчастковая выбарчая камісія № 27 у складзе 13 чалавек, а газета надрукавала спіс з 12 чалавек. Памылкі ёсць і ў спісе выбарчай камісіі № 39.

12.11.2010 Лукашэнка: сьмяротнае пакараньне можна замяніць пажыцьцёвым зьняволеньнем

"Каб гэтую праблему вырашыць, нам трэба правесьці рэфэрэндум", — заявіў Аляксандар Лукашэнка. У інтэрвію нямецкім журналістам, вытрымкі зь якога прыводзіць БелТА, кіраўнік Беларусі адзначыў, што з тых часоў, калі сьмяротнае пакараньне было замацаванае вынікамі рэфэрэндуму, пазыцыя людзей не зьмянілася.

12.11.2010 ЦВК знайшла ў рашэнні Мазырскага райвыканкама парушэнні выбарчага заканадаўства

Мазырскі праваабаронца Уладзімір Целяпун атрымаў адказ з ЦВК на зварот аб законнасці рашэння Мазырскага райвыканкама па утварэнні “працоўнай группы”, якая фактычна прызначыла ўсіх людзей ва ўчастковыя камісіі. Старшыня ЦВК Лідзія Ярмошына прызнала, што не ўсе палажэнні дакумента ў поўнай меры стасуюцца з выбарчым заканадаўствам. Аднак пры гэтым яна ўказала, што ў назіральніка няма права назіраць за гэтай групай.

12.11.2010 Смаргонь: Спіс дазволеных для выбарчых мерапрыемстваў месцаў вельмі абмежаваны

У самім горадзе для арганізацыі сустрэчаў з кандыдатамі дазволены толькі СШ №6, СШ №7 і Дом Культуры. Для пікетаў і мітынгаў адведзена толькі адно месца – амфітэатр гарадскога парка. Але амфітэатр – месца нешматлюднае, непрахадное, да таго ж цяжка ўявіць сабе выбаршчыкаў, якія ў халодны час прыйдуць туды пасядзець і паслухаць.

12.11.2010 У Навінкі - за сяброўства ў ініцыятыўнай групе Някляева?

На прызыўной камісіі 11 лістапада Андрэй Тычына праходзіў агляд у псіхатэрапеўта, асноўныя пытанні якога датычыліся сяброўства прызыўніка ў ініцыятыўнай групе па зборы подпісаў за Уладзіміра Някляева. Псіхалагічная характарыстыка маладзёна ўтрымлівала інфармацыю аб яго перадвыбарчым удзеле ў камандзе свайго кандыдата, а таксама інфармацыю аб грамадска-палітычнай дзейнасці ў складзе "Маладога Фронту".

12.11.2010 Акадэмія Навук ў Аршанскім раёне?

Старонняму чалавеку можа здацца, што на палях Аршанскага раёна размяшчаецца Акадэмія Навук. Такую выснову можна зрабіць зыходзячы з таго, што аж 28 сябраў камісій вылучаны прафсаюзам работнікаў навукі.

11.11.2010 У Леаніда Аўтухова канфіскавалі маёмасьць

У беспрацоўнага актывіста з Гарадка судовыя выканаўцы забралі кампутар у кошт штрафу, накладзенага ў 2009 годзе за акцыю зь бел-чырвона-белымі сьцягамі.

11.11.2010 Барысаў: На сустрэчу з патэнцыйным кандыдатам заганяюць прымусова

Да праваабаронцы Алега Мацкевіча па тэлефоне звярнуўся страціўшы надзею бацька навучэнца Барысаўскага палітэхнікума. Прычына звароту - дзіця прымушаюць з'явіцца на "сустрэчу з прэзідэнтам", пры гэтым не ўлічваецца яго стан здароўя. А хлопец мае другую групу інваліднасці па анкалагічнаму захворванні. Прад'яўленне медыцынскіх дакументаў і просьбы вызваліць яго па стане здароўя ад стаяння ў масоўцы на сустрэчы з Лукашэнкам так і не падзейнічалі.

11.11.2010 Бабруйск: Колькасць сабраных подпісаў агучылі толькі па Ленінскім раёне

У бабруйскіх СМІ з’явілася даволі сціплая інфармацыя па колькасці сабраных за розных прэтэндэнтаў подпісаў. Газета гарвыканкама “Бабруйскае жыццё” у № 89-м адзначае толькі, што 11 ініцыятыўных груп, якія працавалі ў Ленінскім раёне, сабралі агулам “рэкордную колькасць” - 28 846 подпісаў. Больш падрабязных дадзеных гэта выданне не падае.

11.11.2010 На Брэстчыне абвешчаныя вынікі праверкі падпісных лістоў

З паведамлення абласной камісіі вынікае, што, хоць у асобных раёнах у чатырох вылучэнцаў - Статкевіча, Саннікава, Рымашэўскага і Уса - колькасць несапраўдных подпісаў перавышае 15% ад праверанага, у цэлым па Брэсцкай вобласці ўсімі прэтэндэнтамі неабходная норма выкананая.