Праваабарончы цэнтр «ВЯСНА»

Навіны за Лістапад 2010

14.11.2010 Салігорск: Бязглуздыя абмежаванні для агітацыі

У спіс дазволеных тэрыторыяў патрапілі толькі некаторыя стадыёны, школьныя спартовыя пляцоўкі і пляцоўкі каля сельскіх клубаў. Абсалютная большасць гэтых месцаў знаходзяцца на ўскрайку ці ў дварах, акрамя хіба клубных пляцовак у вёсках.

14.11.2010 Віцебская газета зняважліва напісала пра Уладзіміра Правальскага

На думку мясцовых праваабаронцаў, назва артыкула некарэтная і можа стаць падставай для зварота ў суд: пакуль Цэнтрвыбаркам не адмовіў віцебскаму патэнцыйнаму кандыдату ў магчымасці балатавацца, ніхто не мае права сцвярджаць, ці была “правальнай” яго ініцыятыва ўзяць удзел у выбарах.

13.11.2010 Барысаў: ЦВК просяць ацаніць паняцці "працоўны момант" і "бягучыя пытанні"

Барысаўская ТВК укараніла ў практыку сваёй працы такія не абумоўленыя Выбарчым кодэксам паняцці, як "працоўны момант" і "бягучыя пытанні", якія нібыта дазваляюць збірацца сябрам камісіі без прысутнасці назіральнікаў.

13.11.2010 Бяроза: ЦВК падтрымала закрытасць фармавання камісій

Не звярнула Лідзія Ярмошына ўвагі і на тое, што райвыканкам праігнараваў ранейшую рэкамендацыю Цэнтральнай камісіі наконт своечасовага інфармавання зацікаўленых суб’ектаў аб выбарчых мерапрыемствах шляхам размяшчэння адпаведных паведамленняў на афіцыйнай сайце райвыканкама.

13.11.2010 Наклад «Новага часу» затрымалі, але адпусцілі

Апошні нумар недзяржаўнай газеты з нейкіх прычын прыцягнуў пільную ўвагу праваахоўных органаў.

12.11.2010 Рымашэўскі збіраецца выкарыстаць выбарчую кампанію для барацьбы з карупцыяй

“Мы не будзем загульвацца ў гульні рэжыма пад назвай “дэмакратычныя выбары”, -- заявіў Віталь Рымашэўскі, адзначыўшы, што для яго каманды выбары свабоднымі і справядлівымі не з’яўляюцца.

12.11.2010 Някляеў і Саннікаў збіраюцца супольна супрацьстаяць фальсіфікацыям

Паэт-палітык акрэсліў прыярытэты: “Мы за тое, каб людзі прыйшлі і прагаласавалі, і каб мы ведалі, колькі прыйшло і за каго яны прагаласавалі”. Андрэй Саннікаў, пералічваючы сферы, у якіх яны з Някляевым дамовіліся супрацоўнічаць, у першую чаргу назваў сумесную “барацьбу супраць фальсіфікацыі выбараў”.

12.11.2010 У Менску затрымалі актывіста БХД за распаўсюд налепак "Сыходзь"

Сёння ноччу ў Першамайскім раёне Менску за распаўсюд налепак “Сыходзь!” быў затрыманы 24-гадовы актывіст БХД Антось Котаў.

12.11.2010 Пададзеная заяўка на правядзеньне 27 лістапада "Слуцкага збройнага чыну"

12 лістапада Партыя «Беларускі Народны Фронт» падала заяўкі на правядзенне ўрачыстых масавых мерапрыемстваў з мэтай ушанавання памяці ўдзельнікаў Слуцкага паўстання 1920 г.

12.11.2010 Бабруйск: Агітацыя на задворках

Месцы, адведзеныя для агітацыі ў Бабруйску, яшчэ менш спрыяльныя за тыя, што былі адведзеныя пад пікетаванні для збору подпісаў. Шматлюдныя і аблюбаваныя мясцовымі дэмакратамі рынкавая плошча і “пятачок” каля лазні на Кастрычніцкай патрапілі ў лік забароненых.

12.11.2010 Гродзеншчына: Суды – на баку мясцовых адміністрацый

Прадказальна скончыўся разгляд скаргаў у судах на неўключэнне прадстаўнікоў Аб’яднанай Грамадзянскай Партыі ў склад участковых камісій па Гродзеншчыне.

12.11.2010 Светлагорск: Агітуйце ля будматэрыялаў і кантэйнераў для смецця

На ускрайку горада, сярод штабелей будаўнічых матэрыялаў і вялікіх насыпаў пяску прапануе праводзіць перадвыбарчую агітацыю Светлагорскі райвыканкам (Гомельская вобласць). Іншых месцаў для агітацыйных мерапрыемстваў па-за памяшканнямі ў горадзе не выдзелена.

12.11.2010 Абвінавачваньне ў нападах прад’яўлена траім

Максіму Веткіну, якога затрымалі 4 лістапада ў Менску, прад’яўлена абінавачваньне ў нападзе на амбасаду Расеі 30 жніўня і нападзе на будынак “Беларусбанку” ў ноч з 30 красавіка на 1 траўня. Такім чынам, Максім Веткін стаў трэцім абвінавачаным па справе хуліганскіх нападаў, здзейсьненых на працягу года ў розных месцах Менска і Салігорску.

12.11.2010 Брэсцкі раён: Месцы для агітацыі вызначаны "ад" і "да"

Кіраўніцтва Брэсцкага райвыканкама вырашыла надзвычай зарэгуляваць агітацыйны перыяд у часе цяперашняй выбарчай кампаніі на падведамнай тэрыторыі. Такую выснову можна зрабіць пасля азнакамлення з рашэннем № 1422 ад 9 лістапада г.г. "Аб выдзяленні месцаў для размяшчэння агітацыйных друкаваных матэрыялаў і памяшканняў для правядзення сустрэч кандыдатаў у Прэзiдэнты Рэспублiкi Беларусь, iх давераных асоб з выбаршчыкамі".

12.11.2010 Орша: Кіраваць - кіраўнікам

Днямі ў Оршы адбыліся арганізацыйныя паседжанні ўчастковых камісій. Як правіла, кіраўнікамі камісій абіраліся тыя ж людзі, што і на апошніх выбарах у мясцовыя Саветы. Сярод іх шмат дырэктароў школ, кіраўнікоў прадпрыемстваў і ўстаноў.