Праваабарончы цэнтр «ВЯСНА»

Навіны за Лістапад 2010

19.11.2010 Гродзенская пракуратура цісне на моладзевых лідараў

Намесніка старшыні незарэгістраванага “Маладога Фронту” Алеся Кіркевіча, актывіста выбарчага штабу Віталя Рымашэўскага, выклікалі ў Гродзенскую пракуратуру. На першыя тэлефонныя запрашэнні наведаць гэтую ўстанову, моладзевы актывіст адказаў, каб яго выклікалі ва ўстаноўленым законам парадку. 16-га лістапада, пасля чарговага званка з пракуратуры, Алесь Кіркевіч пагадзіўся і 17-га лістапада пайшоў на размову.

19.11.2010 Гіда Вэстэрвэле: эканамічны абмен і грамадскія змены звычайна праходзяць разам

18-19 лістапада ў Берліне праходзіць Другі Форум Грамадзянскай супольнасці ў рамках Усходняга партнёрства. Удзел у мерапрыемстве бяруць прадстаўнікі каля 200 няўрадавых арганізацый з шасці краінаў — удзельніц праграмы Усходняга партнёрства: Украіны, Малдовы, Беларусі, Грузіі, Арменіі і Азербайджана. Агульная мэта мерапрыемства – спрыяць кантактам паміж арганізацыямі грамадзянскай супольнасці і іх дыялогу з дзяржаўнай уладай у сваіх краінах.

19.11.2010 Віцебскіх хуліганаў, якія збівалі іншаземцаў, адпусцілі на волю

Віцебскі абласны суд не знайшоў у дзеяннях двух маладых мужчын прыкметаў злачынства, учыненага з прычыны міжнацыянальнай варожасці. Мужчыны некалькі разоў збівалі іншаземцаў, але іх дзеянні палічылі звычайным хуліганствам.

19.11.2010 Мітынг у грамадскай прыёмнай Лукашэнкі

У грамадскай прыёмнай кандыдата ў прэзідэнты Аляксандра Лукашэнкі, якая сёння адчынілася ў Мінску, у былым Доме літаратара (Фрунзе, 5) адбыўся стыхійны мітынг.

19.11.2010 Маладэчна: Агітацыя за Лукашэнку ў дзяржаўных СМІ не спынялася

Назвы газетных матэрыялаў на першых палосах у кастрычніку і лістападзе выглядалі наступным чынам: “Прэзідэнцкія гарантыі”, “Лістапад: пенсіі павялічацца”, “Мінімальная зарплата ўзрасце” і г.д. Самыя, бадай, цікавыя і недвухсэнсоўныя артыкулы былі прысвечаны Усебеларускаму народнаму сходу. Адзін з іх называўся “Шчасце межаў не мае”.

19.11.2010 Абмеркаванне праблемы смяротнага пакарання ў Беларусі х журналістамі

Двухдзённы трэнінг для беларускіх журналістаў і рэдактараў «Праблемы прымянення смяротнага пакарання ў Беларусі і іх асвятлення ў СМІ» ладзяць ГА «БАЖ» і Цэнтр экстрэмальнай журналістыкі (Масква).

19.11.2010 Вялейка: Адведзеная для агітацыі пляцоўка зачынена на замок

У Вілейцы назіральнік пры раённай выбарчай камісіі Аляксей Сюдак падаў скаргу ў райвыканкам на пастанову аб вызначэнні месцаў па-за памяшканнямі для правядзення перадвыбарчай агітацыі. Гэтай пастановай агітаваць дазволена толькі ў двух бязлюдных месцах горада, што Аляксей ацаніў як перашкоду ў правядзенні агітацыі.

19.11.2010 У Асіповічах беларусізуюць прыпынкі

У Асіповічах зьбіраюцца мяняць шыльды з расейскамоўнымі назвамі прыпынкаў гарадзкога транспарту на беларускамоўныя. У аўтобусах абвесткі аб прыпынках загучаць таксама па-беларуску.

19.11.2010 Бабруйск: Ідэолагі актывізаваліся

- Літаральна на днях у наш працоўны калектыў прыходзіў чыноўнік і распавядаў пра тое, як добра нам жывецца, - дзеліцца ўражаннямі супрацоўнік ЖКГ, які прасіў не ўказваць яго імя. – Казаў, што у Бабруйску добрыя перспектывы для развіцця, што ёсць стабільнасць і гэтак далей. Склалася адчуванне, што нас супакойваюць перад выбарамі, каб мы прагаласавалі за гэтую “стабільнасць”.

19.11.2010 БАЖ прапанаваў ПАРЭ правесці слуханні па пытанні свабоды СМІ ў Беларусі

«Калі ў краіне адбываецца ціск на незалежную прэсу і абмяжоўваецца свабода выказвання, справядлівыя выбары проста немагчымыя». Такую думку выказаў намеснік старшыні ГА «Беларуская асацыяцыя журналістаў» Андрэй Аляксандраў падчас свайго выступу на пасяджэнні Камітэту па палітычных справах Парламенцкай асамблеі Рады Еўропы 18 лістапада ў Парыжы.

19.11.2010 На сустрэчу з будучым прэзідэнтам прыйдзе 20 чалавек?

З 11 памяшканняў, прапанаваных гарадскімі ўладамі Оршы для сустрэч кандыдатаў з выбаршчыкамі, 6 уяўляюць сабой актавыя залы агульнаадукацыйных школ, у якіх можна размясціць 20-30 чалавек. Ну, максімум 40, калі паставіць дадатковыя крэслы ў праходах. Не больш.

19.11.2010 ГУУС: “Пікет можа прывесьці да стварэньня аварыйных сітуацый і ДТЗ

Суд Маскоўскага раёна Менска 18 лістапада не задаволіў скаргу на адмову Мегарвыканкама на правядзеньне пікету. Заяўнікі мелі на мэце звярнуць увагу на масавыя парушэньні крымінальна-працэсуальнага заканадаўства ў дачыненьні да грамадзян, у прыватнасьці на безпадстаўныя затрыманьні і перазатрыманьні шэрагу сацыяльных актывістаў напачатку верасня гэтага году.

19.11.2010 Орша: Агітацыя - на ўскраінах

Усяго на тэрыторыі горада такіх месцаў вызначана 14. Як правіла, гэта маланаведвальныя тэрыторыі на гарадскіх ускраінах. Сярод іх спартыўная пляцоўка ў глыбіні двароў, чатыры (!) месцы каля крам у прыватным сектары горада. Адно з месцаў наогул знаходзіцца ў абсалютна бязлюдным мемарыяльным парку Герояў.

19.11.2010 РІА "Новости" дазволілі адкрыць у Беларусі свой карэспандэнцкі пункт

Савет міністраў Беларусі дазволіў агенцтву РІА "Новости" адкрыць у Мінску свой карэспандэнцкі пункт. Як паведамляе "Ежедневник", МЗС Беларусі выдасць агенцтву пасведчанне пра адкрыццё карпункту тэрмінам на адзін год.

Выбары Прэзідэнта Рэспублікі Беларусь 2010: папярэдняя справаздача па выніках назірання за зборам подпісаў выбаршчыкаў у падтрымку асоб, прапанаваных для вылучэння кандыдатамі ў Прэзідэнты

19.11.2010 Выбары Прэзідэнта Рэспублікі Беларусь 2010: папярэдняя справаздача па выніках назірання за зборам подпісаў выбаршчыкаў у падтрымку асоб, прапанаваных для вылучэння кандыдатамі ў Прэзідэнты

Тлумачэнні ЦВК аб парадку збору подпісаў стварылі прававую аснову для ўдзелу у зборы подпісаў асобаў, якія не з’яўляюцца сябрамі ініцыятыўных груп, і удзелу адміністрацый арганізацый у зборы подпісаў, што наўпрост забаронена Выбарчым кодэксам.