Праваабарончы цэнтр «ВЯСНА»

Навіны за Лістапад 2010

21.11.2010 У Вілейцы ўвага да выбараў не прыцягваецца. Фотафакт

У Вілейцы з’явіліся плакаты, якія нагадваюць пра падзею, што адбудзецца 19 снежня. Ствараецца ўражанне, што такая інфармацыйная прадукцыя служыць хіба што для канстатацыі: “Выбары адбудуцца, але гэта зусім не важна”.

21.11.2010 Бабруйск: Газета гарвыканкама “патлумачыла”, чаму ў выбаркамах мала апазіцыянераў

У апошнім нумары газеты гарвыканкама “Бабруйскае жыццё” (№ 93 ад 19 лістапада) яе аўтар Аляксандр Цімафееў піша пра кандыдатаў і заадно тлумачыць чытачам, чаму ў выбарчых камісіях мала прадстаўнікоў апазіцыі.

20.11.2010 Уладзімір Правальскі абскарджвае адмову ў рэгістрацыі кандыдатам

У сваёй скарзе У.Правальскі сцвярджае, што Цэнтрвыбаркам не правяраў адпаведнасць парадку вылучэння яго кандыдатам у прэзідэнты. Таксама ён інфармуе Вярхоўны суд, што не атрымаў пастанову ЦВК аб адмове ў рэгістрацыі, нягледзячы на вусны зварот у камісію.

20.11.2010 Пракурор палічыў, што Башуру пакаралі мякка

30 лістапада актывіста грамадзянскай кампаніі «Гавары праўду», паэта Міхася Башуру зноў будуць судзіць за памылку ў даведцы на атрыманне крэдыту.

20.11.2010 МІХАСЬ БАШУРА: «Я ЧЫТАЎ СУКАМЭРНІКАМ ВЕРШЫ З ПАМЯЦІ»

Пісьменьнік і турма — надзённая тэма для беларускай літаратуры цягам усяе яе гісторыі ад Вінцэнта Дуніна-Марцінкевіча і да нашых дзён. Найноўшы прыклад — паэт Міхась Башура, які нядаўна быў зьвязьнены на два з паловаю месяцы. Што адчувае паэт за кратамі, як яго ўспрымаюць сукамэрнікі і ці прылятае ў вязьніцу ягоная Муза? Пра гэта Міхась Башура распавёў карэспандэнтцы "Радыё Свабода" Валянціне Аксак.

19.11.2010 “Праваабаронцы за свабодныя выбары”: Не назіраецца ніякіх зменаў да лепшага ў найважнейшых рэчах

19 лістапада прадстаўнікі кампаніі “Правабаронцы за свабодныя выбары” - старшыня БХК Алег Гулак і намеснік старшыні ПЦ “Вясна” Валянцін Стэфановіч - на прэс-канферэнцыі па выніках назіранняў за этапам збору подпісаў і рэгістрацыі кандыдатаў у прэзідэнты канстатавалі, што вынікі дадзенага этапу выглядаюць неадназначна.

19.11.2010 Бярозаўскі раён: Выбаршчыкі карыстаюцца момантам

Як спрыяльны момант для станоўчага вырашэння камунальных ды іншых праблем вырашылі скарыстаць час выбарчай кампаніі жыхары некаторых населеных пунктаў ў Бярозаўскім раёне. І невырашальныя дагэтуль праблемы пачалі вырашацца - асабліва калі грамадзяне заяўляюць, пісьмова ці вусна, што не будуць удзельнічаць у выбарах, калі ім не зробяць таго ці іншага.

19.11.2010 Гродна: Правабаронцы скардзяцца на рашэнне гарвыканкаму

Гродзенскія праваабаронцы правялі 19 лістапада супольную нараду, дзе абмяркоўвалася сітуацыя ў горадзе Гродна з выбарчай кампаніяй. У полі разгляду было найперш рашэнне мясцовага гарвыканкаму ад 9 лістапада, якое вызначае месцы для вядзення перадвыбарчай агітацыі. У выніку правабаронцы склалі і накіравалі скаргу ў розныя інстанцыі – ЦВК, Гродзенскую абласную выбарчую камісію і Гродзенскі абласны выканаўчы камітэт.

19.11.2010 Выбаршчык выказаў абурэнне вядучай навінаў Беларускага радыё

“У 13-гадзінным выпуску навінаў дыктарка паведаміла, што “адбылося паседжанне ЦВК, на якім Аляксандар Рыгоравіч Лукашэнка зарэгістраваны кандыдатам у Прэзідэнты Рэспублікі Беларусь. Пасведчанне аб рэгістрацыі атрымаў кіраўнік яго ініцыятыўнай групы міністр адукацыі спадар Радзькоў, - распавядае А.Сахаруша. – Далей - ... загучалі іншыя навіны”.

19.11.2010 Месцы для масавай агітацыі ў Оршы вызначылі незаконна?

Назіральнік пры Аршанскай выбарчай камісіі Ігар Казмерчак падаў заявы ў Віцебскі аблвыканкам і Цэнтрвыбаркам Беларусі. Заяўнік просіць адмяніць рашэнні Аршанскага гарвыканкама № 1709 і 1710 ад 11 лістапада 2010. Гэтымі рашэннямі вызначаны месцы для правядзення сустрэч кандыдатаў у прэзідэнты, іх давераных асобаў з выбаршчыкамі як у памяшканнях так і на адкрытым паветры.

19.11.2010 Ідэалагічны крэатыў - з пазламі на выбары

У Бабруйскім дзяржаўным аграрна-эканамічным коледжы прайшоў раённы тур чэмпіяната па зборы пазлаў, прысвечаны выбарам. Пра гэта паведамляе раёнка “Трыбуна Працы”. Тры каманды навучэнцаў складалі вялікі пазл “Зрабі свой выбар” з сімволікай БРСМ.

19.11.2010 Барысаў: Апазіцыянер аспрэчвае рашэнне аб месцах для сустрэч з кандыдатамі

Міхаіл Васільеў, давераная асоба кандыдата ў прэзідэнты У. Някляева, просіць ЦВК і Мінскі аблвыканкам абавязаць Барысаўскі райвыканкам перагледзець рашэнне аб выдзяленні месцаў для сустрэч з выбаршчыкамі па-за памяшканнямі з мэтай пашырэння спісу такіх месцаў з улікам крытэрыю іх наведвальнасці.

19.11.2010 Бабруйск: Супрацоўнікаў дзіцячых садкоў папярэдзілі загадзя

"Нас сабралі і папярэдзілі, каб нават не планавалі галасаваць на выбарах за некага, акрамя Лукашэнкі. Сказалі, што начальнік аддзела адукацыі Першамайскага раёна Андрэй Болатаў будзе сачыць за гэтым. Калі начальства даведаецца, што я аддала голас за “апазіцыянера”, можна пачынаць шукаць іншую працу", - распавяла выхавацелька аднаго з дзіцячых садкоў Першамайскага раёна горада.

19.11.2010 Жабінка: Сайты райвыканкама і "раёнкі" не паведамляюць пра месцы для агітацыі

Па некаторых звестках, ужо ў бліжэйшыя выходныя некаторыя кандыдаты маюць намер наведаць Жабінку, і адсутнасць даступнай інфармацыі пра тое, дзе можна сустракацца з выбаршчыкамі і размяшчаць інфармацыю агітацыйнага характару, можа выклікаць канфліктныя сітуацыі з праваахоўнымі органамі, якія адсочваюць выкананне нормаў выбарчага заканадаўства.

19.11.2010 Газета “Заря” сумняецца ў рэйтынгу Андрэя Саннікава

На сайце брэсцкай абласной газеты “Заря” з’явіўся з’едлівы артыкул пад назвай “О лидерстве реальном и … виртуальном”. Аўтар артыкула на прыкладзе кандыдата ў прэзідэнты Рэспублікі Беларусь Андрэя Саннікава распавядае аб механізмах правядзення інтэрнет-галасаванняў. І выказвае сумнеў у сапраўднасці вынікаў падобных рэйтынгаў.