Праваабарончы цэнтр «ВЯСНА»

Навіны за Лістапад 2010

24.11.2010 Жодзіна: Першым сустрэцца з выбаршчыкамі прыехаў Яраслаў Раманчук (фота)

Сустрэча кандыдата ў прэзідэнты Яраслава Раманчука з жыхарамі Жодзіна праходзіла 23 лістапада ў памяшканні кінатэатру «Равеснік». Штаб Я.Раманчука інфармаваў жодзінцаў пра сустрэчу пры дапамозе ўлётак, якія бесперашкодна распаўсюджваліся праз ўстановы і крамы, развешваліся па пад'ездах жылых дамоў.

24.11.2010 Баранавічы: Грамадскасць патрабуе большых памяшканняў для сустрэчаў з кандыдатамі

У Баранавічах прадстаўнікі штабоў кандыдатаў у прэзідэнты Андрэя Саннікава, Яраслава Раманчука і Алеся Міхалевіча просяць ТВК і ЦВК абавязаць Баранавіцкі гарвыканкам перагледзець сваё рашэнне № 3534 ад 12.11.2010г. аб выдзяленні памяшканняў для правядзення мерапрыемстваў падчас прэзідэнцкай кампаніі 2010 года.

24.11.2010 Магілёў: Інтэрнет-рэсурсы збольшага выбары асвятляюць

Аналіз інтэрнэт-прасторы паказвае, што ўсе сайты Магілёўскіх гарадскіх дзяржаўных газет інфармуюць пра ход выбарчай кампаніі. Інфармацыя пра выбары перыядычна з’яўляецца на адным з самых папулярных блогаў Магілёва - www.222.by. А вось самы буйны магілёўскі інтэрнэт-партал Мycity.by ні разу ў сваіх навінах не закрануў тэму выбараў.

24.11.2010 Магілёў. Міліцыя і выкладчыкі папярэджваюць моладзь аб адказнасці за ўдзел у акцыі ў Мінску

Магілёўская міліцыя і выкладчыкі Беларуска-расійскага ўніверсітэта папярэджваюць моладзь аб наступствах за ўдзел у акцыі, якая запланавана на 24 лістапада ў Мінску. Дэмакратычныя кандыдаты ў прэзідэнты запрасілі выбаршчыкаў прыняць удзел у сустрэчы з імі на Кастрычніцкай плошчы сталіцы.

24.11.2010 Слуцк. Кандыдатам без праблем прадастаўляюць памяшканні для сустрэч з выбаршчыкамі

Два прэтэндэнта на прэзідэнцкі пост - Андрэй Саннікаў і Рыгор Кастусёў - наведаюць Слуцк на гэтым тыдні. Паводле інфармацыі штабоў кандыдатаў, падчас арганізацыі сустрэч з выбаршчыкамі праблем не ўзнікае.

24.11.2010 Слонім: Стаўленне да сустрэч з кандыдатамі абыякавае

Давераная асоба Віталя Рымашэўскага Іван Бедка 23 лістапада прыйшоў да дырэктара кінатэатра, каб папярэдзіць яго і нагадаць пра сустрэчу з кандыдатам. Дырэктар кінатэатра Міхаіл Сыч быў здзіўлены - першы раз пачуў пра гэта.

24.11.2010 У двух раёнах Брэсцкай вобласці ўсе выбарчыя ўчасткі абсталяваны празрыстымі скрынямі для галасавання

Як распавёў начальнік галоўнага ўпраўлення арганізацыйна-кадравай працы Брэсцкага аблвыканкама Аляксандр Каляда (ён адначасова з'яўляецца сябрам Цэнтрвыбаркама), празрыстыя скрыні будуць устаноўлены на 74 участках для галасавання ў Столінскім раёне і на 21-м участку - у Жабінкаўскім раёне.

24.11.2010 У Пінску афіцыйныя СМІ ўключыліся ў агітацыйную кампанію

Дагэтуль пінскія дзяржаўныя СМІ амаль не ўзгадвалі пра ход прэзідэнцкай кампаніі, публікуючы толькі афіцыйныя дакуманты аб выбарах. Аднак з аўторка сітуацыя змянілася. Дзяржаўныя журналісты выкарысталі аўтапрабег “Мы за Бацьку!” для агітацыі за дзеючага кіраўніка дзяржавы.

24.11.2010 Баранавічы: ЦВК ухіляецца ад адказу па сутнасці

23 лістапада 2010 года назіральнік ад Таварыства беларускай мовы Сяргей Гоўша атрымаў пісьмовы адказ з ЦВК на свой запыт ад 18 лістапада 2010 года.

24.11.2010 Баранавічы: Пастаянна дзеючы пікет у падтрымку Андрэя Саннікава

23 лістапада ў Баранавічах каманда Андрэя Саннікава арганізавала пастаянна дзеючы інфармацыйна-агітацыйны пікет у цэнтры горада - ля цэнтральнага кінатэатра “Кастрычнік”. Міліцыя сачыла за дзеяннямі пікетоўшчыкаў, але не перашкаджала.

24.11.2010 Светлагорск: Ёсць пытанні да ўлады? Узгадні з начальствам

Напярэдадні выбараў прэзідэнцкая “вертыкаль” праводзіць прапагандысцкія мерапрыемствы з насельніцтвам. У Светлагорску плануецца сустрэча старшыні Гомельскага аблвыканкама А. Якабсона з моладдзю. Моладзь на сустрэчу рыхтуюць загадзя, “пытанні з залы” – таксама.

24.11.2010 Смаргонь: Абскарджваецца рашэнне аб вызначаных месцах для агітацыі

У скарзе адзначана: “Вызначаныя ў рашэнні месцы пазбаўляюць як кандыдатаў, так і выбаршчыкаў права ўсебакова і поўна распаўсюджваць і атрымліваць інфармацыю аб кандыдатах і іх праграмах, бо гэтыя месцы знаходзяцца далёка ад цэнтра горада і таму не ствараюць належных умоваў".

24.11.2010 Мінск: Намёт на чыгуначным вакзале у падтрымку кандыдата Някляева (фота)

Цікавую візуальна агітацыйную кампанію ў сталіцы разгарнуў кандыдат у прэзідэнты Уладзімір Някляеў, паставіўшы пікет у выглядзе намёту на чыгуначным вакзале. На скрыні, што стаіць каля намёту, надпіс на дзвюх дзяржаўных мовах: "Празрыстыя выбары".

24.11.2010 Гродна: Штабы кандыдатаў заклікаюць пашырыць пералік месцаў для агітацыі

Прадстаўнікі гродзенскіх штабоў дэмакратычных кандыдатаў у прэзідэнты накіравалі звароты ў Гродзенскі гарвыканкам з прапановай перагледзець рашэнне, якое вызначае пералік месцаў у горадзе над Нёманам, дзе можна весці выбарчую агітацыю.

24.11.2010 Барысаў. Сакратар пасольства ЗША сустрэўся з праваабаронцамі

У аўторак, 23 лістапада, Барысаў наведаў супрацоўнік палітычнага аддзела, першы сакратар Пасольства ЗША ў Беларусі Крыстафер Паніка, які сустрэўся з прадстаўнікамі кампаній “Праваабаронцы за свабодныя выбары” і “За справядлівыя выбары 2010”.