Праваабарончы цэнтр «ВЯСНА»

Навіны за Кастрычнік 2010

07.10.2010 Брэст: Колькасць пікетаў на вуліцах горада павялічваецца

Што тычыцца адзінага выяўленага ў Брэсце пікету ў падтрымку вылучэння кандыдатам у прэзідэнты РБ Аляксандра Лукашэнкі, то яго зборшчыкі подпісаў вельмі неахвотна ідуць на кантакт і, мяркуючы па ўсім, наогул імкнуцца менш прыцягваць да сябе ўвагу. Аб гэтым можна меркаваць хаця б таму, што на імправізаваным месцы збору подпісаў адсутнічае партрэт вылучэнца, а замест яго размешчаны стэнд з заклікам "За моцную і квітнеючую Беларусь!"

07.10.2010 Гомель: медыкі ставяць подпісы за Лукашэнку арганізавана і «добраахвотна»

6 кастрычніка супрацоўнікі дзіцячай паліклінікі прыйшлі да супрацоўнікаў філіяла №8 гарадской паліклінікі з мэтай збору подпісаў. Усё прайшло хутка і арганізавана, бо яшчэ ў панядзелак супрацоўнікі былі папярэджаны, што на працу трэба ісці з пашпартамі, і ў 12.00 сабрацца ў актавай зале. Паслухмяныя медыкі так і зрабілі.

07.10.2010 Барысаў. “Тэхнічныя прычыны” зрабілі сустрэчу з Яраславам Раманчуком шматлюднай

Універмаг "Веста" да прыезду лідэраў АГП раптоўна зачыніўся "па тэхнічных прычынах". Але гэта толькі было на руку і пікетчыкам, і прэтэндэнту ў кандыдаты: каля пікету пачалі збірацца людзі, якія не маглі патрапіць у краму.

07.10.2010 Гродна: Пікет з удзелам Андрэя Саннікава прайшоў без эксцэсаў

Першым дэмакратычным прэтэндэнтам на прэзідэнцкіх выбарах, які наведаў Гродна пасля рэгістрацыі ініцыятыўных груп, стаў Андрэй Саннікаў. У горадзе штодзённа ладзяцца таксама пікеты ў падтрымку Кастусёва Раманчука, з 7-га ліпеня плануюцца пікеты ў падтрымку Някляева.

07.10.2010 Бялынічы: Ініцыятыўныя групы збіраюць подпісы, але пікетаў пакуль няма

У Бялыніцкім раёне працягваецца збор подпісаў за прэтэндэнтаў у кандыдаты на пасаду прэзідэнта. Пакуль найбольшую актыўнасць праяўляюць сябры ініцыятыўнай групы Аляксандра Лукашэнкі. Аснову яго ініцыятыўнай групы ў Бялыніцкім раёне складаюць супрацоўнікі бюджэтнай сферы.

07.10.2010 Магілёў: Зa Лукашэнку збіраюць подпісы не сябры ініцыятыўнай групы

“Пры мне подпісы збірала асоба, якая не з'яўляецца сябрам ініцыятыўнай групы Аляксандра Лукашэнкі. Прадставіцца яна адмовілася, але выглядала яна як “куратарка” выстаўленага пікета", - гаворыць праваабаронца Аляксей Колчын.

07.10.2010 Гомельская вобласць: Сябры ТВК будуць весці прыём грамадзян у выканкамаўскіх грамадскіх прыёмных

У некаторых раёнах Гомельскай вобласці райвыканкамы на базе праўладнай РГА“Белая Русь” стварылі свае грамадскія прыёмныя, уключыўшы ў іх склад нават сябраў раённых выбарчых камісій.

07.10.2010 Гарадзенскі абласны суд не задаволіў скаргу партыі левых “Справядлівы свет”

6 кастрычніка ў Гарадзенскім абласным судзе адбыўся разгляд скаргі мясцовай арганізацыі Беларускай партыі левых “Справядлівы свет” на неўключэнне яе прадстаўніка Анатоля Іванчыка ў склад Гарадзенскай абласной тэрытарыяльнай выбарчай камісіі.

07.10.2010 Магілёўскі абласны суд не задаволіў скаргу абласной арганізацыі БНФ

6 кастрычніка адбыўся разгляд скаргі Магілёўскім абласным судом з нагоды неўключэння прадстаўніка ад ГА БНФ “Адраджэнне” Сяргея Фаміна ў склад абласной выбарчай камісіі. Суддзя Святлана Стэльмахава пакінула ранейшае рашэнне аб фармаванні камісіі ў сіле.

06.10.2010 Полацк: Зборшчыкаў подпісаў за Някляева не пусцілі ў студэнцкі інтэрнат

Вахцёр інтэрната № 2 Полацкага дзяржаўнага ўніверсітэта двойчы адмовілася пусціць у інтэрнат зборшчыкаў подпісаў за Уладзіміра Някляева, спасылаючыся на загад рэктара ўніверсітэта аб увядзенні ў інтэрнаце карантына.

06.10.2010 Прыхільніка М.Статкевіча і У.Някляева ўжо 15 дзён трымаюць у “псіхушцы”

Жыхар Навалукомля Пётр Баравік выказаў жаданне збіраць подпісы за гэтых патэнцыйных кандыдатаў на прэзідэнцкую пасаду. Але рабіць гэтага не можа, бо супрацоўнікі міліцыі пад прымусам даставілі яго ў Лепельскі псіхтятрычны шпіталь.

06.10.2010 Брэст: Міліцэйскі сайт нагадвае аб асаблівасцях збору подпісаў

Сайт УУС Брэсцкага аблвыканкама палічыў патрэбным нагадаць наведвальнікам гэтага інтэрнэт-рэсурсу аб тым, якім чынам праводзіцца збор подпісаў выбаршчыкаў за вылучэнне кандыдатаў у прэзідэнты РБ.

06.10.2010 Бабруйск: Ціск на членаў ініцыятыўнай групы Віталя Рымашэўскага працягваецца

На працягу апошніх дзён да членаў ініцыятыўнай групы Віталя Рымашэўскага ў Бабруйску пачалі прыходзіць людзі, якія называюць сябе прадстаўнікамі Міністэрства юстыцыі.

06.10.2010 Наваполацк: “Подпіс – не голас…”

Тым, хто адмаўляецца падпісваць, рэкамендавана казаць пра тое, што подпіс не абавязвае чалавека галасаваць менавіта за Аляксандра Лукашэнку, а толькі дае магчымасць таму балатавацца на новы тэрмін.

06.10.2010 Магілёў: Месцаў для збору подпісаў паболела

Магілёўскі гарвыканкам змяніў некаторыя пункты свайго рашэння “Аб вызначэнні месцаў, якія забаронены для правядзення пікетавання з мэтай збору подпісаў выбаршчыкаў па вылучэнні кандыдатаў у Прэзідэнты Рэспублікі Беларусь”. Пасля гэтага рашэння абмежаванняў стала менш.