Праваабарончы цэнтр «ВЯСНА»

Навіны за Кастрычнік 2010

11.10.2010 Салігорск: Выканкамаўскі прэс-штаб па асвятленні выбараў маўчыць

Пачатак этапу збору подпісаў за вылучэнне кандыдатаў у прэзідэнты абсалютна не разнастаіў інфармацыйны змест у гарадскіх дзяржаўных і калядзяржаўных СМІ. На вялікі жаль пэўныя спадзяванні ў сувязі з рашэннем Салігорскага выканаўчага камітэту аб стварэнні прэс-штабу па асвятленні арганізацыйных мерапрыемстваў па падрыхтоўцы і правядзенні выбараў Прэзідэнта Рэспублікі Беларусь пакуль не апраўдаліся. Як адзначаюць прадстаўнікі ініцыятыўных групаў, шматлікія салігорцы нават лічаць, што зараз адбываецца збор подпісаў за будучых кандыдатаў у дэпутаты.

11.10.2010 Маладэчна: Пікет у падтрымку Аляксандра Лукашэнкі не карыстаўся папулярнасцю

На пікеце па зборы подпісаў за Аляксандра Лукашэнку ў Маладэчне жадаючых падпісацца за яго не было заўважана. Удзельнікі пікету паводзілі сябе вельмі сціпла: амаль увесь час стаялі спінамі да мінакоў і размаўлялі паміж сабой. Калі яны ўбачылі, што іх фатаграфуюць, то пачалі адварочвацца і апускаць галовы.

11.10.2010 Полацк: Тры пікеты ў нядзелю

Тры пікеты па зборы подпісаў прайшлі ў нядзелю 10 кастрычніка ў Полацку - у падтрымку Алеся Міхалевіча, Рыгора Кастусева і Андрэя Саннікава. Людзі дастаткова часта падпісваліся за ўсіх трох патэнцыйных кандыдатаў – “няхай паспрабуюць, можа ў каго атрымаецца”.

11.10.2010 Музыкі ў Вільні выступілі за адмену сьмяротнай кары ў Беларусі

10 кастрычніка адзначаўся міжнародны дзень супраць сьмяротнага пакараньня. У гэты дзень у Вільні музыкі зь Беларусі і Літвы адыгралі разам на адной сцэне дабрачынны канцэрт, каб заклікаць людзей сказаць “НЕ!” сьмяротнай кары ў Беларусі – адзінай краіне ў Эўропе, дзе выконваюцца сьмяротныя прысуды.

11.10.2010 Адвакат: "Міхась Башура кажа пра памылку, і гэта так"

Сёньня ў судзе Савецкага раёну Менску пачынаецца суд над актывістам кампаніі "Гавары праўду" Міхасём Башурам, якога падазраюць у падробцы дакумэнтаў. Яму пагражае да 5 гадоў абмежаваньня волі.

11.10.2010 ААН прызнала Марыніча ахвярай палітычнай расправы

Камітэт ААН па правах чалавека прызнаў былога міністра і кандыдата ў прэзідэнты Міхаіла Марыніча ахвярай палітычнай расправы.

11.10.2010 У Жытоміры адбылася акцыя супраць смяротнага пакарання ў Беларусі

10 кастрычніка ў Жытоміры адбылася моладзевая акцыя да Сусветнага дня супраць смяротнага пакарання.

11.10.2010 Дырэктара «Віцебскага кур’ера» будуць судзіць

У аўторак у 11.30 у Лёзненскім раённым судзе распачнуцца слуханні адміністратыўнай справы Віктара Рамнёва.

10.10.2010 Гомельская міліцыя не хоча заступацца за апазіцыянераў?

Паўтары гадзіны чакалі міліцыю каля ўнівермага «Гомель» зборшчыкі подпісаў за Уладзіміра Някляева. На іх напаў невядомы малады чалавек, які абражаў удзельнікаў пікету і правакаваў бойку. Дарэчы, апорны пункт міліцыі знаходзіцца ў пяці хвілінах хады ад месца правядзення пікету.

10.10.2010 Гродна: Праваабаронца Раман Юргель скардзіцца на рашэнне Гродзенскага гарвыканкаму

У адпаведнасці з артыкуламі 23 і 35 Канстытуцыі Рэспублікі Беларусь і артыкулам 21 Міжнароднага пакта аб грамадзянскіх і палітычных правах, якія гарантуюць свабоду правядзення мірных сходаў, Р.Юргель просіць адмяніць рашэнне Гродзенскага гарвыканкаму, якое вызначае месцы ў горадзе, забароненыя для правядзення пікетаў з мэтай збору подпісаў выбаршчыкаў па вылучэнні кандыдатаў у прэзідэнты.

10.10.2010 Збор подпісаў у Салігорску адбываецца без асаблівых эксцэсаў

Ініцыятыўныя групы незалежных прэтэндэнтаў на прэзідэнцтва адзначаюць паляпшэнне ўмоваў для збору подпісаў у параўнанні з мінулымі выбарчымі кампаніямі. Разам з тым, як і раней, праўладныя ініцыятыўныя группы актыўна выкарыстоўваюць адміністратыўны рэсурс.

10.10.2010 Затрыманы наклад газэты “Віцебскі кур’ер”

У Лёзьне затрымалі дырэктара незалежнай газэты «Віцебскі кур’ер» Віктара Рамнёва. Яго затрымалі без тлумачэньня прычын па дарозе з Смаленску, калі спадар Рамнёў вёз з друкарні 11 тысяч асобнікаў чарговага накладу выданьня.

10.10.2010 Шклоў: Назіральнік пратэстуе супраць парушэнняў з боку ініцыятыўнай групы Аляксандра Лукашэнкі

Міхаіл Кучарэнка, назіральнік пры Шклоўскай раённай камісіі па выбарах прэзідэнта Рэспублікі Беларусь, 7 кастрычніка накіраваў у камісію пратэст у сувязі з незаконнымі дзеяннямі ініцыятыўнай групы па вылучэнні кандыдатам у прэзідэнты дзеючага кіраўніка дзяржавы Аляксандра Лукашэнкі.

10.10.2010 Гродна: Зборшчыка подпісаў не пусцілі ў інтэрнат электратэхнічнага коледжу

10 кастрычніка Сяргея Куліка, зборшчыка подпісаў за Віталя Рымашэўскага, не пусцілі ў інтэрнат электратэхнічнага коледжу, што знаходзіцца па вуліцы Дзяржынскага, 35А. Рэч у тым, што дырэктар гэтай навучальнай установы загадаў вахцёрам не пускаць у інтэрнат ніякіх удзельнікаў выбарчай кампаніі.

10.10.2010 Гомель: Большасць гараджанаў гатовы падпісацца “за ўсіх кандыдатаў, акрамя аднаго”

«Людзі падпісваюцца ахвотна, прычым большасць гамяльчан кажа, што гатовы падпісацца за ўсіх кандыдатаў, акрамя аднаго, які ўжо 16 гадоў працуе прэзідэнтам. Ёсць і тыя, хто негатыўна ставіцца да дэмакратычных кандыдатаў, але такіх мала», - распавёў сябра ініцыятыўнай групы У.Някляева.