Праваабарончы цэнтр «ВЯСНА»

Навіны за Кастрычнік 2010

18.10.2010 Бяроза: Першы пікет ініцыятыўнай групы Саннікава

Бывала, людзі незаслужана кідалі ўдзельнікам пікету папрокі, што адсутнічае інфармацыя пра прэтэндэнта ў кандыдаты.

18.10.2010 На апазіцыйны пікет у Гомелі зноў здзейснены напад

Сябры ініцыятыўнай группы Статкевіча і Някляева, Юрась Захаранка і Кастусь Жукоўскі, злавілі невядомага хулігана, скруцілі яго і выклікалі міліцыю. Міліцыянеры ўзялі тлумачэнні з членаў ініцыятыўных груп і павезлі хулігана ў невядомым накірунку.

18.10.2010 Брэсцкая вобласць: Колькасць участкаў зменшылася на пяць

Аляксандр Каляда таксама паведаміў, што на раніцу 18 кастрычніка ў абласную выбарчую камісію не паступала ніякіх скаргаў з нагоды збору подпісаў за вылучэнне кандыдатаў на пасаду прэзідэнта Беларусі.

18.10.2010 У Пінску вызначыліся з участкамі для галасавання

Варта адзначыць, што інфармацыя аб утвораных выбарчых участкаў у Пінскім раёне была надрукавана яшчэ тыдзень таму ў газеце “Полесская правда”. А вось пінскія гарадскія ўлады вырашылі крыху пачакаць і прынялі рашэнне ці не ў апошні дзень дазволены заканадаўствам.

18.10.2010 Адвакат: У справе Башуры няма складу злачынства

Даведка, якую нібыта падрабіў Міхась Башура, не паўплывала на атрыманне ім крэдыту. Пра гэта сёння ў судзе распавяла супрацоўніца "Беларусбанку" Ірына Шыцік. Яна сцвярджае, што заробку іншых даручальнікаў хапала для атрымання крэдыту.

18.10.2010 Пінск: Пра збор подпісаў – адным радком

Каб ацаніць глыбокі сэнс нататкі, варта працытаваць яе поўнасцю: “Ініцыятыўнымі групамі актыўна выкарыстоўваецца збор подпісаў шляхам пікетавання. Сярод іх - ініцыятыўная група А.Г.Лукашэнкі”.

18.10.2010 Аршанскі гарвыканкам заблытаўся ў выбарах

На днях у мясцовай газеце было апублікавана рашэнне выканкама «Аб змяненні межаў участкаў для галасавання». Згодна з гэтым рашэннем ўнесены змены ў межы участкаў па выбарах ... у мясцовыя Саветы дэпутатаў.

18.10.2010 Віцебскія збіральнікі подпісаў мусілі здаць у міліцыю хулігана

Невядомы мужчына яшчэ ўчора хадзіў вакол пікетаў па зборы подпісаў і выказваў сваё незадавальненне. Сёння ён пачаў нецэнзурна лаяцца і абражаць жанчын-актывістак. “Мужчынская палова” скруціла хулігану рукі і выклікала нарад міліцыі.

18.10.2010 Шэсце і мітынг на Дзяды ў Менску — 31 кастрычніка.

Сябры Кансерватыўна-Хрысціянскай Партыі — БНФ падалі заяўку ў Мінгарвыканкам на правядзенне шэсця і мітынгу ў гонар дня памяці Дзядоў. Запланавана, што мемарыяльныя мерапрыемствы адбудуцца ў нядзелю 31 кастрычніка.

18.10.2010 Слонімскі раён: Выбарчы ўчастак пад гільзамі снарадаў

Цяпер у хаце пад гільзамі мясцовая фельчарка лечыць людзей. А 19 снежня больш за 200 вяскоўцаў прыйдуць сюды, каб аддаць свой голас за будучага прэзідэнта. Як вяскоўцы жартуюць: наш выбарчы ўчастак пад гільзамі снарадаў самы надзейны ў Беларусі.

18.10.2010 Слонім: На пікеце Кастусёў асабіста, а за Лукашэнку – “Белая Русь”

За Лукашэнку гэта быў першы пікет у Слоніме. Збор подпісаў ажыццяўлялі актывісты слонімскай суполкі грамадскага аб’яднання “Белая Русь”. У іх журналісту ўдалося нарэшце даведацца, што ў Слоніме за Лукашэнку сабрана крыху больш за 5 тысяч подпісаў.

18.10.2010 Брэст: Хулігана пакараюць за пашкоджанне стэнда Раманчука

Да пікетоўцаў падышоў мужчына сярэдніх гадоў на мыліцах, які знаходзіўся ў стане алкагольнага ап'янення, і некалькі разоў ударыў па стэндзе, на якім быў зьмешчаны партрэт вылучэнца ад Аб'яднанай грамадзянскай партыі.

18.10.2010 Маладзечанская раённая камісія - прагульшчык

Па якой прычыне ў суботу не працавала раённая камісія -- спадар Хвосцік паспрабуе высветліць з дапамогай старшыні ЦВК.

18.10.2010 Чатыры пікеты ў цэнтры Полацка

У гэту нядзелю палачане мелі магчымасць падпісацца адразу за чатырох патэнцыйных кандыдатаў у прэзідэнты – Міхалевіча, Саннікава, Някляева і Раманчука. Ініцыятыўныя групы першых трох прэтэндэнтаў актыўна працуюць у Полацку, прадстаўнікі АГП прыехалі ў Полацк з Мінску.

18.10.2010 Пінск: Збор подпісаў без пасведчанняў

У пікеце побач з прахадной ААТ “Палессе” падпісныя лісты запаўняла жанчына, якая ў адказ на просьбу паказаць сваё пасведчанне выклікала намесніка па ідэалогіі гэтага прадпрыемства. Ідэолаг паведаміў, што подпісы збірае ён, а кабета проста дапамагае афармляць падпісныя лісты.