Праваабарончы цэнтр «ВЯСНА»

Навіны за Верасень 2010

14.09.2010 Вынесены яшчэ адзін сьмяротны прысуд

Сёньня ў Магілёўскім абласным судзе абвешчаны прысуды Аляксандру Сычову і Ігару Мяліку, па абвінавачаньню ў серыі жорсткіх злачынстваў, здзейсьненых у складзе банды на тэрыторыі Магілёўскай вобласьці. Першы асуджаны да пажыцьцёвага зьняволеньня, другі - да вышэйшай меры пакараньня.

14.09.2010 Андрэя Тычыну аштрафавалі за распаўсюд незалежных газэтаў

Актывіст дэмакратычнага руху з Салігорску Андрэй Тычына аштрафаваны судом на 1 мільён 225 тысяч рублёў (35 базавых велічыняў) за распаўсюд незалежнага друку.

14.09.2010 Энс Эшэнбэхер: для запрашэння назіральнікаў АБСЭ не існуе скрайняга тэрміну

"Мы рады атрымаць запрашэньне як мага раней, бо стандартная працэдура патрабуе спачатку накіраваць у краіну ацэначную місію, якая вырашыць, ці варта назіраць за выбарчай кампаніяй і ў якім фармаце, а потым патрабуецца час, каб сфармаваць непасрэдна назіральную місію", — заявіла прэсавы сакратар Бюро дэмакратычных інстытутаў і правоў чалавека АБСЭ Энс Эшэнбэхер.

14.09.2010 Дапыталі Пачобута за допісы ў блогу

Гродзенскага журналіста Андрэя Пачобута выклікалі 13 верасня ва Упраўленне па барацьбе з арганізаванай злачыннасцю і карупцыяй па Гродзенскай вобласці.

14.09.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Час выхаду ў эфір – 15-05. Таксама ў гэты час праграму можна слухаць праз інтэрнэт: http://new.racyja.com

13.09.2010 АМАП збіваў настаўнікаў?

Віцебская пракуратура шукае сведкаў інцыдэнту, што адбыўся падчас закрыцця мінулагодняга фестывалю «Славянскі базар». Трое настаўнікаў заяўляюць, што іх беспадстаўна збілі супрацоўнікі мінскага АМАПу, што ахоўвалі парадак у фестывальным Віцебску.

13.09.2010 “Правы альянс” выклікаюць у Гаспадарчы суд

Інфармацыйна-кансалтынгавая ўстанова “Правы альянс” атрымала з Гаспадарчага суду зыскавую заяву Менгарвыканкаму аб ліквідацыі. Суд пачнецца 15 верасня а 12.40.

13.09.2010 Эколагі заклікалі беларускія ўлады вызваліць У.Валодзіна

Экалагічныя арганізацыі Беларусі, Расіі і Літвы выступілі з сумесным зваротам да беларускіх уладаў з патрабаваннем неадкладна вызваліць Уладзіміра Валодзіна, які з 8 верасня знаходзіцца за кратамі па падазрэнні ў нападзе на расійскую амбасаду.

13.09.2010 Пагражаюць драматургу і журналісту Мікалаю Халезіну

Кіраўніку «Свабоднага тэатра» сталі пагражаць пасля публікацыі артыкула пра гібель Алега Бябеніна.

13.09.2010 Агляд-хроніка парушэньняў правоў чалавека ў Беларусі, ліпень-жнівень 2010 году

Грамадзка-палітычнае жыцьцё ў апошнія летнія месяцы было адносна спакойным і не вызначаліся значнымі падзеямі, але яно праходзіла на фоне абвастрэньня афіцыйных адносін паміж Беларусьсю і Расеяй, нафтавай і інфармацыйнай войнаў. Пры гэтым агульная сітуацыя ў галіне правоў чалавека у Беларусі заставалася на ранейшым узроўні: абмежаваньні свабоды слова, адміністрацыйны і крымінальны перасьлед апанентаў ўлады, гвалтоўныя разгоны мірных акцый.

13.09.2010 Тараса Сургана аштрафавалі на 210 тысяч рублёў

Судзьдзя Ўладзіслаў Шыкароў аштрафаваў Тараса Сургана на 210 тысяч рублёў за спазьненьне дахаты, зафіксаванае 3-га верасьня. Актывіст перакананы, што ягонае спазьненьне справакавана знарок: у той дзень ён езьдзіў у Менск, на што меў адмысловы дазвол, і па вяртаньні ў Віцебск зайшоў адзначыцца ў міліцыі

13.09.2010 На волю адпушчаныя пяцёра затрыманых

12 верасьня з ізалятару часовага ўтрыманьня на Акрэсьціна акрамя Хоцінай Валерыі, Сьлюсарава Сяргея і Жынгяроўскага Аляксея таксама выйшлі Антон Лапцёнак і Ігар Багачак. Па інфармацыі кіраўніка "Правага альянсу" Юрася Карэтнікава сябру арганізацыі Ігару Чапігу 11 верасьня працягнулі затрыманьне ячшэ на 3 сутак па крымінальнай справе за падпал Акрэсьціна.

13.09.2010 Гомель: адміністрацыйная справа за нацыянальны сцяг!

Сёння ў судзе Цэнтральнага раёна Гомеля адбыўся суд над прадстаўніком «Маладой Беларусі» Іванам Зайцавым, які быў затрыманы супрацоўнікамі міліцыі ў суботу ўвечары 11 верасня падчас святкавання Дня горада.

13.09.2010 Канстытуцыйныя правы беларускіх грамадзянаў павінны знайсьці разьвіцьцё ў нацыянальным заканадаўстве ў галіне свабоды рэлігіі

Пра гэта ў інтэрвію БелаПАН заявіў прэзыдэнт міжнароднай арганізацыі «Адвакаты Эўропы» Лачазар Папоў (Баўгарыя). Ён быў удзельнікам міжнароднай канфэрэнцыі «Свабода думкі, сумленьня і рэлігіі: міжнародна-прававыя стандарты і іх імплемэнтацыя ў нацыянальныя прававыя сыстэмы эўрапейскіх дзяржаў», якая адбылася 10 верасьня ў Менску.

13.09.2010 Актывісты "Гавары праўду" падалі скаргі ў ФІФА, УЕФА і КХЛ

Актывісты кампаніі "Гавары праўду" падалі скаргі ў ФІФА, УЕФА і КХЛ на парушэньне іх правоў як заўзятараў. Пра гэта 11 верасьня БелаПАН паведаміў адзін з актывістаў Юрый Алейнік.