Праваабарончы цэнтр «ВЯСНА»

Навіны за Красавік 2010

19.04.2010 Міліцыя затрымала за "Чарнобыльскі шлях 2010"

Супрацоўнікі міліцыі затрымалі актывістаў "Маладога Фронту Сяржука Шыманскага і Ўладзімера Яроменку за раздачу газэтаў "Чарнобыльскі шлях 2010". У выданьні заклікалася прыняць удзел у акцыі, прысьвечанай гадавіне аварыі на ЧАЭС.

19.04.2010 Баранавічы: Праўладныя кандыдаты ігнаруюць рашэнне выканкаму

Кандыдаты ў дэпутаты Сяргей Наўроцкі, Юрый Грамакоўскі і Мікалай Шырко парушаюць рашэнне Баранавіцкага гарвыканкама ад 12.02.2010г. № 379 аб месцах для агітацыі.

19.04.2010 Бабруйск: На кандыдата ад БХД няправільна склалі пратакол і пагражалі паўплываць на вучобу

Малады кандыдат ад БХД, карэспандэнт газеты “Бабруйскі кур’ер” Яўген Васьковіч прысутнічаў на хакейным матчы “Беларусь-ЗША”, які праходзіў учора ў “Бабруйск-Арэне”. Пад час гульні маладзён дастаў бел-чырвона-белы сцяг і размахваў ім.

19.04.2010 Праваабаронца нагадвае Канстытуцыйнаму суду пра Канстытуцыю!

Менскі праваабаронца Сяргей Усьцінаў патрабуе ад Канстытуцыйнага Суду вынесьці рашэньне аб роўнасьці грамадзянаў, якія знаходзяцца ў зьняволеньні на атрыманьне пасылак, перадач і бандэроляў.

19.04.2010 Полацк: На сустрэчы з кандыдатамі выбаршчыкі не прыходзяць

Сябры гарадской камісіі заўважаюць, што такой нізкай актыўнасці выбаршчыкаў ніколі на іх памяці не было. На абвешчаныя сустрэчы прыходзяць у лепшым выпадку некалькі чалавек. Ёсць выпадкі, калі на сустрэчу з кандыдатам не прыйшоў ніхто.

19.04.2010 Глыбокае: Улёткі за праўладнага кандыдата прыходзяць па пошце

Улёткі некаторых уладных кандыдатаў выбаршчыкам дастаўляе разам з газетамі мясцовае паштовае аддзяленне. Такі факт, у прыватнасці, зарэгістраваны ў вёсцы Дзеркаўшчына (Дзеркаўшчынская выбарчая акруга № 17), дзе пошта данесла ў кожны дом улёткі аднаго з трох кандыдатаў -- спадара Леаніда Барылы.

19.04.2010 Баранавічы: Сябра Партыі БНФ выходзіць са складу ўчастковай камісіі

Адзіны ў Баранавічах сябра ўчастковай камісіі ад Партыі БНФ Алесь Грыцавец 17 красавіка напісаў заяву аб выхадзе са складу камісіі. Па ягонай акрузе, як і па абсалютнай большасці ў Баранавічах, выбары будуць безальтэрнатыўнымі і без кандыдатаў ад дэмакратычных партый і арганізацый.

19.04.2010 У Верхнядзвінску з інфармацыяй пра кандыдатаў не спяшаюцца

Паводле арт. 45 Выбарчага кодэксу, інфармацыйныя матэрыялы з біяграфіямі кандыдатаў павінны з’явіцца на ўчастках для галасавання за 14 дзён да выбараў. У Верхнядзвінску яны былі развешаны толькі 16 красавіка, у пятніцу, і тое толькі пасля неаднаразовых зваротаў кандыдата Валянціны Кудлацкай.

19.04.2010 Адміністрацыя прэзідэнта не прыняла паштоўкі ад Някляева

Уладзімір Някляеў панёс у прыёмную прэзідэнта 50 паштовак "Гавары праўду", сабраных у рэгіёнах краіны. У іх людзі выказвалі свае набалелыя праблемы.

19.04.2010 Артура Фінькевіча пакаралі штрафам

У Ленінскім раённым судзе Менска мусіць пачацца суд над маладзёвым актывістам Артурам Фінькевічам. Яго будуць судзіць за удзел у пікеце каля Вярхоўнага суду 16 сакавіка ў падтрымку ваўкавыскага прадпрымальніка Мікалая Аўтуховіча.

19.04.2010 Бабруйск: Жыхары інтэрнатаў чакаюць загаду зверху

"Жыхары інтэрнатаў ставяцца да выбараў зусім абыякава. Бо звычайна іх выклікае начальства інтэрната, паведамляе, за каго галасаваць, - і яны так і робяць. Людзі кажуць аб гэтым, як пра натуральную справу, да якой яны прывыклі".

19.04.2010 Агульны сход Еўрапейскай федэрацыі журналістаў прыняў рэзалюцыю аб свабодзе СМІ ў Беларусі

Тэрміновую рэзалюцыю па свабодзе СМІ ў Беларусі прынялі на Агульным сходзе Еўрапейскай федэрацыі журналістаў 18 красавіка ў Стамбуле (Турцыя).

19.04.2010 БНФ “Адраджэньне” заклікае вярнуць арганізацыі офіс у Магілёве

Сойм грамадзкага аб'яднаньня “БНФ “Адраджэньне” заклікаў Магілёўскі абласны гаспадарчы суд адмяніць пастанову аб пазбаўленьні арганізацыі офісу ў Магілёве.

19.04.2010 Вользе Карач перешкаджаюць на выбарах

Кандыдат у дэпутаты Віцебскага обласного і гарадзкога Саветаў, кіраўнік грамадзянскай кампаніі “Наш дом” Вольга Карач атрымала папярэджаньні ад адпаведных акруговай і тэрытарыяльнай камісіяў.

19.04.2010 Уся веткаўская «палітычная эліта» мабілізавана на арганізацыю і правядзенне выбараў

Нават па колькаснаму складу — 58 чалавек, усе «камісіі», «штабы», «аператыўныя» і «кансультатыўныя» групы пераўзыходзяць колькасць кандыдатаў у дэпутаты. Для каго і чаго ствараць такія групы і штабы?