Праваабарончы цэнтр «ВЯСНА»

Навіны за Красавік 2010

22.04.2010 Орша: Утоеная агітацыя ў мясцовай раёнцы

Аналіз старонак мясцовай “Аршанскай газеты” паказаў, што 12 будучых кандыдатаў - праўладныя вылучэнцы -- былі аблашчаны ў самых высокіх піетэтах карэспандэнтамі гэтага выдання.

22.04.2010 Улётак праўладнага кандыдата ў тры разы больш, чым выбаршчыкаў

Кандыдаты ад улады нічога не абяцаюць выбаршчыкам Гарадоччыны. Немэтавае выкарыстанне бюджэтных сродкаў выявіў актывіст Руху "За Свабоду!" Леанід Гаравых пры вырабе інфармацыйных матэрыялаў кандыдатаў у дэпутаты Гарадоцкага райсавета.

22.04.2010 666 участкаў для датэрміновага галасавання дзейнічаюць у Мінску

У беларускай сталіцы адкрыліся 666 участкаў для датэрміновага галасавання па выбарах дэпутатаў у Мінгарсавет ХХVI склікання. Выбары пройдуць 25 красавіка, участкі для датэрміновага галасавання дзейнічаюць з 20 красавіка.

22.04.2010 Віцебшчына: За два дні прагаласавала амаль 10% выбаршчыкаў

У Віцебскай вобласці за два дні датэрміновага галасавання свае галасы за кандыдатаў у дэпутаты ўсіх узроўняў аддалі 86796 выбаршчыкаў, што складае 9,6%. Гэта крыху больш, чым у сярэднім па рэспубліцы: нагадаем, па афіцыйных дадзеных, за два дні па ўсёй краіне правам прагаласаваць датэрмінова скарысталіся 8,7% выбаршчыкаў.

22.04.2010 Гомель: Міліцыя і выбарчыя камісіі бяссільныя?

Актывісты ствараемай партыі БХД штодня выклікаюць міліцыю, каб зафіксаваць правапарушэнні з боку праўладных кандыдатаў. Як распавеў каардынатар ствараемай партыі Кастусь Жукоўскі, штодня актывісты змагаюцца з тым, што невядомыя заклеіваюць іх агітацыйныя ўлеткі, размешчаныя на прыпынках грамадскага транспарту і адмыслова абсталяваных стэндах.

22.04.2010 Старшыня ЦВК не лічыць патрэбным урэгуляваць працэдуру падліку галасоў

У гэтай сувязі застаецца задаць рытарычнае пытанне: ці ўсведамляюць сябры ўчастковых выбарчых камісій, што найбольш распаўсюджаны зараз у Беларусі спосаб падліку галасоў робіць іх патэнцыйнымі саўдзельнікамі магчымых фальсіфікацый вынікаў выбараў, што з'яўляецца злачынствам па дзеючым Крымінальным кодэксе?

22.04.2010 Уладзімір Навасяд: Клімату даверу няма

Выбары ў мясцовыя Саветы - гэта самае галоўнае мерапрыемства з існуючай трыяды: мясцовых, парламенцкіх і прэзідэнцкіх выбараў, упэўнены Уладзімір Навасяд. Зараз ён з'яўляецца кандыдатам у дэпутаты па Пляханаўскай выбарчай акрузе № 10 Ленінскага раёна сталіцы

22.04.2010 Трое маладафронтаўцаў трапілі ў Ленінскі РУУС Менску

21 красавіка вечарам сталічныя міліцыянты затрымалі актывістаў «Маладога фронту» Уладзімера Яроменку, Уладзімера Дзявятку і Ільлю Мураева.

22.04.2010 Затрымалі віцебскага журналіста Ўладзіслава Стараверава

Незалежнага журналіста затрымалі «за здымкі рэжымнага аб’екту». Так тлумачаць супрацоўнікі Віцебскага ізалятару часовага ўтрыманьня, якія не жадаюць называць свае прозьвішчы. Паводле міліцыянтаў, Уладзіслава Стараверава завязуць у Першамайскі РАУС, каб скласьці пратакол ці ўзяць тлумачэньні.

22.04.2010 Міколу Дземідзенку затрымалі за “Чарнобыльскі шлях”

Супрацоўнікі міліцыі вечарам 21 красавіка затрымалі намесьніка старшыні «Маладога фронту» Міколу Дземідзенку. Хлопец на плошчы Якуба Коласа раздаваў газэты «Чарнобыльскі шлях-2010» з заклікам удзельнічаць у акцыі 26 красавіка.

21.04.2010 “Няправільных” сяброў акруговай і раённай камісіі адпраўляюць у дзень выбараў… на кухню

У Верхнядзвінску двух сяброў Беларускай сацыял-дэмакратычнай партыі “Грамада”, якія ўвайшлі ў склад акруговай і раённай камісій, вырашана адправіць працаваць у дзень выбараў… на кухню. Іх працай павінна стаць забеспячэнне астатніх сябраў камісіі харчаваннем.

21.04.2010 Бабруйск: Месцаў для матэрыялаў дэмакратычнага кандыдата не застаецца

Кандыдат у дэпутаты ў абласны Савет, сябра БХД Вячаслаў Шэлег вымушаны быў прайсціся па ўсіх участках, якія ўваходзяць у яго акругу і сур’ёзна паразмаўляць з старшынямі выбарчых камісіяў. Кандыдат сутыкнуўся з праблемай недахопу месца на стэндах для агітацыйных матэрыялаў.

21.04.2010 Полацк: Млявапраяўны працэс галасавання

У Полацку няма пакуль што вялікай актыўнасці людзей на датэрміновым галасаванні. Па словах сяброў адной з участковых камісій, у першы дзень галасавання выканаць свой грамадзянскі абавязак з’явілася каля трыццаці чалавек – гэта каля 1,5 % ад агульнай колькасці выбаршчыкаў на гэтым участку. Сёння назіраецца прыкладна тая ж актыўнасць, што і ўчора.

21.04.2010 Віцебск: Двайное пазбаўленне кандыдацтва ў дэпутаты

20 красавіка кіраўнік грамадзянскай кампаніі “Наш дом” Вольга Карач была пазбаўленая рэгістрацыі як кандыдат у дэпутаты ў Віцебскі абласны і гарадскі Саветы. Яе абвінавацілі ў злоўжыванні правам на выбарчую агітацыю: ў выбарчых камісіях з’явілася скарга “групы грамадзянаў” на тое, што выбаршчыкам раздавалі ...паветраныя шарыкі з лагатыпам “Нашага дому”.

21.04.2010 Бабруйск: За першы дзень датэрміновага галасавання – 10 працэнтаў яўкі

На некалькіх выбарчых участках раёна “Даманскі”, якія ўваходзяць у Мінскую акругу № 10 па выбарах у абласны Савет, за першы дзень датэрміновага галасавання было зафіксавана ад 8 да 12 працэнтаў яўкі. Такія лічбы былі агучаныя старшынямі камісій па прозьбе кандыдата ў дэпутаты, сябра бабруйскай суполкі БХД Вячаслава Шэлега.