Праваабарончы цэнтр «ВЯСНА»

Навіны за Красавік 2010

24.04.2010 Мазыр: Затрыманне кандыдата Францішка Вячоркі

23 красавіка каля ДК “40 год Кастрычніка” быў затрыманы і дастаўлены ў Мазырскі ГРАЎС кандыдат у дэпутаты па Станцыйнай выбарчай акрузе № 25 у Мазырскі райсавет Францішак Вячорка.

24.04.2010 Бераставіцкі раён: Умоваў для агітацыйнай кампаніі не было

Прадстаўніку партыі БСДП (Грамада) Алегу Рамашкевічу, кандыдату ў дэпутататы Бераствіцкага раённага савету, а таксама ў дэпутаты Гарадзенскага абласнога савету па Бераставіцкай выбарчай акрузе №18 мясцовая адміністрацыя і міліцыя апошнім тыднем актыўна заміналі весці агітацыйную кампанію.

24.04.2010 Пенсію ліквідатара толькі праз суд

Анатоль Андрэяў, ліквідатар на Чарнобыльскай АЭС, толькі праз суд дабіўся назначэння законнай льготнай пенсіі. 23 красавіка суддзя У.К. Гладкоў задаволіў яго зыск да упраўлення па працы, занятаксці і сацыяльнай абароне Гарадоцкага райвыканкама наконт ушчамлення яго грамадзянскіх праў.

24.04.2010 Магілёў: “Індывідуальны” план для праўладных кандыдатаў

Праўладныя кандыдаты паказалі сваю актыўнасць у выбарчай гонцы пасля указанняў старшыні Магілёўскага аблвыканкама Пятра Рудніка.

24.04.2010 Віцебск: Задзейнічаны грамадскі дзяржрэсурс

Прадзяржаўныя грамадскія аб'яднанні г.Віцебска правялі сумесную сустрэчу ў падтрымку маючых адбыцца 25 красавіка выбараў. У мерапрыемстве ўдзельнічалі гарадская арганізацыя БРСМ, савет ветэранаў, гарадскі савет жанчын, федэрацыя прафсаюзаў, маладзёжнае грамадскае аб'яднанне «Спадчына», а таксама гарадская арганізацыя Камуністычнай партыі Беларусі.

24.04.2010 Брэсцкая гарадская камісія не ўказала адукацыю незалежнага кандыдата

У біяграфічных дадзеных незалежнага кандыдата Шутавай Вольгі не пазначана яе адукацыя, нягледзячы на тое, што ў яе біяграфічных дадзеных, выкладзеных у анкеце, ёсць запіс: «Брэсцкі дзяржаўны ўніверсітэт ім. А.С.Пушкіна. Нададзена квалфікацыя настаўнік расейскай мовы і літаратуры».

23.04.2010 Міншчына: Загадка малых гарадоў?

Газета менскай абласной вертыкалі “Мінская праўда” паведаміла, што сярод тых, хто ў ліку першых прыйшоў аддаць свой голас за выбранніка, пераважна людзі пажылога веку.

23.04.2010 Асіповічы: Хочаш працаваць - галасуй датэрмінова!

Уся праца па рэалізацыі плану датэрміновага галасавання даручаная майстрам цэхаў... Людзей адпускаюць на паўгадзіны раней з працы з настойлівай просьбай прагаласаваць датэрмінова. Таму, хто адмаўляецца ісці, пагражаюць не падаўжэннем кантракту.

23.04.2010 Гомель: Праз Цэнтрвыбаркам кандытат дамогся вывешвання на ўчастках пратаколаў датэрміновага галасавання

Толькі праз чатыры дні ад пачатку датэрміновага галасавання кандыдат у дэпутаты абласнога савета па Юбілейнай акрузе ў Гомелі, каардынатар па стварэнні партыі БХД Яўген Якавенка дамогся вывешвання на ўчастках пратаколаў датэрміновага галасавання.

23.04.2010 Салігорск: На некаторых участках - чэргі на датэрміновае галасаванне

За тры дні датэрміновага галасавання на ўчастку №13 прагаласавала 400 чалавек. Як сведчаць назіральнікі штаба незалежнага кандыдата Аляксея Валабуева, які вылучаецца на гэтым участку, тут утвараюцца чэргі. Галасуюць жыхары інтэрнатаў, студэнты і працоўныя.

23.04.2010 Магілёў: Ад жыльцоў інтэрнатаў патрабуюць прагаласаваць датэрмінова

У інтэрнатах Завода “Хімвалакно”, якія знаходзяцца на праспекце Шмідта ў будынках №3а і №5а, ад жыльцоў патрабуюць прагаласаваць датэрмінова.

23.04.2010 Бабруйск: За датэрміновае галасаванне агітуюць у тралейбусах

У Бабруйску датэрміновае галасаванне стала галоўнай тэмай тыдня. Пра гэта пішуць у газетах, кажуць па мясцовым тэлебачанні, паведамляюць у плакатах. Але ідэолагам і гэтага аказалася мала - яны прапанавалі круціць аўдыёзапісы з заклікам да гараджанаў прагаласаваць датэрмінова ў грамадскім транспарце.

23.04.2010 Менск: Затрыманыя распаўсюднікі агітацыйных улётак Вінцука Вячоркі

Літаральна некалькі хвілінаў таму ў Савецкім раёне сталіцы супрацоўнікі міліцыі затрымалі двух актывістаў, якія распаўсюджвалі ўлёткі за кандыдата па выбарчай акрузе № 43 Вінцука Вячорку. Затрыманыя - лідэр “Моладзі БНФ” Андрусь Крэчка і актывіст арганізацыі Антось Койпіш.

23.04.2010 Журналіста AP Юрася Карманава запрашалі ў КДБ з нагоды яго камандзіроўкі ў Бішкек

Беларускаму карэспандэнту агенцтва Associated Press Юрасю Карманаву 23 красавіка патэлефанаваў невядомы, які назваўся супрацоўнікам КДБ Алегам Анатольевчам і запрасіў журналіста на размову з нагоды яго нядаўнай паездкі ў Кыргызстан.

23.04.2010 Cалігорск: ЖЭС заклікаў сустрэцца з праўладным кандыдатам

Нягледзячы на намаганні супрацоўнікаў камунальнай гаспадаркі, перадвыбарчае мерапрыемства кандыдата наведалі толькі прадстаўнікі штаба яго канкурэнта Аляксея Валабуева. Заінчкоўскі адказаў на некаторыя пытанні актывістаў. У тым ліку, і пра ролю адміністрацыйнага рэсурсу ў яго агітацыйнай кампаніі.