Праваабарончы цэнтр «ВЯСНА»

Навіны за Красавік 2010

24.04.2010 Горкі: Дырэктарка школы прымушае настаўнікаў галасаваць за “годнага” кандыдата

Дырэктарка школы Людміла Бандарэнка выступіла не толькі з нахабным патрабаваннем да ўсяго калектыву датэрмінова прагаласаваць за “годнага” кандыдата, яна яшчэ і забараніла аддаваць свае галасы “за невядома якіх кандыдатаў, якія тут агітуюць за невядома што і паганяць сваімі паперкамі нашу вёску”.

24.04.2010 Кіраўскі раён: Акругі безальтэрнатыўныя, але паказчыкі па яўцы патрабуецца забяспечыць

А выбаршчыкі толькі здіўляюцца – навошта ім дарэмна губляць час на такіх выбарах, навошта ўладам траціць грошы на плакаты безальтэрнатыўнага кандыдата? Застаецца толькі зрабіць выснову, што камусьці патрэбныя лічбы і паказчыкі яўкі.

24.04.2010 Разборныя скрыні ў Баранавічах. Фотафакт

Зверху скрыня апячатаная і запламбаваная. А ўнізе мацуецца на шрубкі - рабі што хочаш!

24.04.2010 Віцебшчына: У вайсковай частцы прагаласавалі амаль 50% датэрмінова

Галасаванне праходзіла пад пільным назіраннем супрацоўнікаў ідэалагічнага аддзялення часткі. Асабістаму складу, вялікая частка якога ўпершыню ў сваім жыцці прымае непасрэдны ўдзел у падобнай палітычнай падзеі, ідэолагі растлумачылі тэхнічныя тонкасці працэдуры галасавання.

24.04.2010 Салігорск: Нарад міліцыі ахоўвае ўчастак ад кандыдата

Быў выкліканы нарад міліцыі. Аднак, на думку супрацоўнікаў праваахоўных органаў, падставаў для затрыманьня не было. Тым не менш, практычна адразу пасля ад’езда першага нарада міліцыі, з’явіўся другі. Супрацоўнікі міліцыі ўзмацнілі ахову школы.

24.04.2010 Брэст: Кандыдат ад Партыі БНФ здымаецца з выбараў

Кандыдат ад Партыі БНФ Аляксандр Комлеў па 25-й акрузе горада Брэста накіраваў заяву ў гарадскую выбарчую камісію з просьбай адмяніць рашэнне аб рэгістрацыі яго кандыдатам, а таксама не прызнаваць вынікі галасавання па гэтай акрузе і прызначыць там паўторныя выбары.

24.04.2010 Мазыр: Кандыдат патрабуе забяспечыць выкананне супрацоўнікамі міліцыі палажэнняў Выбарчага кодэкса

24 красавіка кандыдат у дэпутаты Гомельскага абласнога Савета дэпутатаў Уладзімір Целяпун накіраваў начальніку Мазырскага РАУС Зыкуну П.В. заяву з нагоды інцыдэнту з затрыманнем кандыдата ў дэпутаты Франака Вячоркі, сведкам якога ён стаў.

24.04.2010 Віцебск: Актывістцы БХД вынеслі папярэджанне

Актывістка стваранай партыі БХД Алена Шабуня, якая балатуецца ў Віцебскі абласны і Віцебскі гарадскі Саветы дэпутатаў, атрымала афіцыйнае папярэджанне ад адпаведных тэрытарыяльных выбарчых камісій - за правядзенне агітацыйнага пікету з музычным суправаджэннем.

24.04.2010 Брэст: Сапраўдныя вынікі выбараў застануцца за зачыненымі дзвярыма

Назіральнікі не змогуць прасачыць працэс фармавання вынікаў галасавання па асобных выбарчых акругах, таму што ўся дакументацыя па падліку галасоў будзе дастаўляцца не па юрыдычным адрэсе акруговай камісіі.

24.04.2010 Мазыр: Датэрміновае галасаванне – па-за межамі здаровага сэнсу

У Мазыры за 23 красавіка на выбарчым участку №40, які месціцца ў сярэдняй школе № 6, прагаласавала 489 выбаршчыкаў. Раней на гэтым участку дзяжурылі давераныя асобы кандыдата ў дэпутаты Мазырскага райсавета С. Лапуста, сябра АГП. У іх прысутнасці колькасць прагаласаваўшых была ў межах 9 – 10 чалавек. А ў гэты дзень давераная асоба кандыдата затрымалася на працы – і напрыканцы дня да яго ведама была даведзена гэтая рэкордная лічба прагаласаваўшых выбаршчыкаў.

24.04.2010 Гародня: Над кожнай камісіяй стаіць куратар з гарвыканкаму?

Як удалося высветліць грамадскаму праваабаронцу Раману Юргелю, за кожнай гарадской акруговай і участковай камісіяй па выбарах мясцовых Саветаў дэпутатаў замацаваны куратар з гарадскога выканаўчага камітэту.

24.04.2010 Аршанскі раён: Сустрэчу прызначылі і... сарвалі

У Аршанскім рэгіёне апазіцыйныя кандыдаты ў дэпутаты сутыкаюцца з процідзеяннем улад. Метады гэтага самога процідзеяння з часам становяцца ўсё больш тонкімі і ўдасканаленымі.

24.04.2010 Баранавічы: За тры дні датэрмінова прагаласавалі 15% выбаршчыкаў

Паводле інфармацыі на сайце недзяржаўнай газеты “Intex-press”, у першы дзень датэрміновага галасавання ў Баранавічах прагаласавала каля 3 700 выбаршчыкаў. А пасля трох дзён гэтая лічба дасягнула 18 500 чалавек. Працэнт прагаласаваўшых у горадзе дзіўным чынам адпавядае агульнаму па рэспубліцы – 15%.

24.04.2010 Брэст: Улётка кандыдата нагадвае каштарыс на выкананне будаўнічых прац

У агітацыйнай улётцы кандыдат у дэпутаты пазначае: “Прадпрыемства “Аплот землякі” прапануе вам каркасна-шчытавое будаўніцтва, экалагічна чыстае, параўнальна таннае. Тэрмін выканання прац ад 3-х тыдняў да 4-х месяцаў пад ключ: лазня, лецішча ад 250 у.а. за кв.м." і г.д.

24.04.2010 Жлобінскі раён: Колькасць атрыманых бюлетэняў выбаркам у акце запісаў алоўкам

- Колькасць бланкаў бюлетэняў па выбарах у раённы Савет запісана чарнілам. У райсавет там балатуецца адзін кандыдат - ад улады. А ў такім самым акце па выбарах у Гомельскі абласны Савет колькасць бланкаў бюлетэняў запісана алоўкам, што дазваляе змяніць лічбы. У абласны Савет там балатуюцца два кандыдаты, адзін з іх - Яўген Басарэўскі з нашай партыі, - гаворыць В. Рыбчанка, кіраўнік Жлобінскай раённай арганізацыі партыі "Справядлівы свет".