Праваабарончы цэнтр «ВЯСНА»

Навіны за Красавік 2010

25.04.2010 Цэнтральная камісія: Амаль трэць выбаршчыкаў прагаласавалі датэрмінова на выбарах у мясцовыя Саветы дэпутатаў

Амаль трэць выбаршчыкаў прагаласавалі датэрмінова на выбарах у мясцовыя Саветы дэпутатаў 26-га склікання. Пра гэта карэспандэнту БЕЛТА паведамілі ў Цэнтральнай камісіі па выбарах і правядзенні рэспубліканскіх рэферэндумаў.

25.04.2010 Cетка назіральнікаў пашыраная

Удзельнікі праекта "Назіранне за выбарамі: тэорыя і практыка" (Election Observation: Theory and Practice, EOTP) зарэгістраваныя ў якасці назіральнікаў на розных выбарчых участках і сёння, у дзень выбараў, будуць дапамагаць збіраць інфармацыю для выніковай справаздачы кампаніі "Праваабаронцы за свабодныя выбары" .

25.04.2010 Мазыр: Старшыня выбаркама забараніў даваць інфармацыю апазіцыянерам

На выбарчым участку №43 Палескай выбарчай акругі №43, дзе кандыдатам у дэпутаты Гомельскага абласнога Савета балатуецца сябра Партыі БНФ Уладзімір Целяпун, давераная асоба кандыдата Франак Вячорка дабіваецца інфармацыі ад старшыні ўчастковай камісі. Ён забараніў даваць любую інфармацыю давераным асобам кандыдата ад Партыі БНФ. Між іншым, датэрмінова на гэтым участку прагаласавала 40% выбаршчыкаў!

25.04.2010 Магілёў: На ўчастках не вывешаны пратаколы аб выніках датэрміновага галасавання

Праваабаронца адзначае, што некаторыя старшыні выбарчых камісій паздымалі пратаколы, матывуючы гэта тым, што датэрміновае галасаванне скончылася. А адзін сказаў, што пратакол з вынікамі вывешаны ў яго кабінеце.

25.04.2010 У Магілёве на ўчастку №14 датэрмінова прагаласавала 62% выбаршчыкаў

“Справа ў тым, - гаворыць Аляксандр, - што на тэрыторыі гэтага ўчастка знаходзіцца інтэрнат транспартнага РУП “Беларуская чыгунка” і жыхароў гэтага інтэрната прымушалі галасаваць датэрмінова”.

25.04.2010 Віцебск: Больш за траціну гараджан прагаласавалі датэрмінова

Паводле інфармацыі ў копіях пратаколаў, вывешаных на ўчастках для галасавання, можна казаць аб тым, што больш за траціну жыхароў Віцебска, якія маюць права голасу, прагаласавалі датэрмінова. На падставе гэтага можна казаць, што выбары ў горадзе адбыліся.

25.04.2010 Правядзенне агітацыі кандыдатамі ў дэпутаты мясцовых Саветаў дэпутатаў 26-га склікання. Аналіз і тэндэнцыі

Паводле дзеючага выбарчага заканадаўства агітацыя кандыдатамі ў дэпутаты і іх даверанымі асобамі ажыцяўляецца ў трох формах: агітацыя праз друкаваныя матэрыялы, праз СМІ і шляхам правядзення масавых мерапрыемстваў і сустрэч з выбаршчкамі.

25.04.2010 Віцебшчына: Улёткі і плакаты аказаліся незапатрабаванымі?

24 красавіка скончыўся адзін з галоўных этапаў выбарчай кампаніі - перадвыбарчая агітацыя. Правам на выступленне, друк агітацыйных матэрыялаў скарысталіся 91% кандидатаў у абласны Савет і 65% кандидатаў у раённыя Саветы.

24.04.2010 Салігорск: “Кіднэппінгам” па кандыдату-маладафронтаўцу

Аляксей Валабуеў пазначыў сяброўства ў “Маладым Фронце” у сваёй праграме. Рэакцыя мясцовых уладаў – рэгулярная трансляцыя фільма “Малады Фронт. Кіднэппінг” у эфіры мясцовага тэлеканала.

24.04.2010 Газета “Витебский рабочий”: шальмаванне апазіцыі напярэдадні асноўнага дня галасавання

"Пачытайце перадвыбарчыя праграмы такіх “крыкуноў”. Беспрацоўныя і непісьменныя асобы, якія так і не здолелі знайсці сваю нішу ў гэтым жыцці, а магчыма, проста не пажадалі гэтага рабіць з-за наяўнасці “дабрадзеяў”, якія ўзялі на сябе іх утрыманне, абяцаюць горы залатыя..."

24.04.2010 Салігорск: Палкоўнік не баіцца адказнасці за парушэнне закона?

З самай раніцы ўсе дамы акругі №13 былі заклеены чорна-белымі копіямі агітацыйных плакатаў палкоўніка, ваеннага камісара кандыдата Валерыя Заінчкоўскага.

24.04.2010 Менск: Кандыдат Алесь Лагвінец патрабуе адмяніць выбары ў гарсавет па Сухараўскай акрузе № 30

Кандыдат у дэпутаты Менскага гарадскога Савета дэпутатаў па Сухараўскай выбарчай акрузе № 30 Алесь Лагвінец накіраваў заявы гарадскому пракурору, у Менскую гарадскую і Цэнтральную камісіі з просьбай адмяніць выбары дэпутатаў у гарсавет па Сухараўскай акрузе № 30. У якасці падставаў для такога патрабавання кандыдат прыводзіць шэраг грубых і наўмысных парушэнняў Канстытуцыі Беларусі і выбарчага заканадаўства.

24.04.2010 Бабруйск: За праўладнага кандыдата распаўсюджваюць адксеракапіраваныя ўлёткі

Вячаслаў Шэлег адзначыў таксама, што гэтыя чорна-белыя ўлёткі ёсць у кожнай скрыні кожнага дома ў акрузе. А трох сотняў улётак, якія быццам бы надрукаваў Аляксандр Казлоў, хапіла б толькі на некалькі дамоў.

24.04.2010 У Гомелі ўчастковая камісія адмовілася вывешваць пратакол датэрміновага галасавання

У Гомелі выбарчая камісія ўчастка для галасавання нумар 46 Студэнцкай акругі адмовілася па патрабаванню кандыдата ў дэпутаты абласнога Савета Кастуся Жукоўскага вывесіць пратакол датэрміновага галасавання ці азнаёміць кандыдата з ім.

24.04.2010 Горкі: Скрыню для датэрміновага галасавання апламбавалі пласцілінам

У Горках на адным з участкаў для галасавання, што ўваходзіць у скалад Першамайскай выбарчай акругі №15, скрыню для датэрміновага галасавання апламбавалі пласцілінам. Пра гэта паведаміла кандыдатка ў дэпутаты Галіна Будная, якая вылучаецца па гэтай акрузе.