Праваабарончы цэнтр «ВЯСНА»

Навіны за Сакавік 2010

03.03.2010 Ініцыятыўную групу Івана Крука ўсё ж зарэгістравалі

Гарадзенская абласная выбарчая камісія адмяніла рашэнне Астравецкай раённай выбарчай камісіі пра адмову ў рэгістрацыі ініцыятыўнай групы па зборы подпісаў у падтрымку вылучэння кандыдатам у дэпутаты Астравецкага раённага Савета дэпутатаў Івана Крука.

03.03.2010 Польска-беларуская група сустрэнецца на будучым тыдні

На будучым тыдні адбудзецца першая сустрэча польска-беларускай групы экспэртаў, якая зоймецца сытуацыяй польскай меншасьці ў Беларусі, - паведаміў кіраўнік польскай дыпляматыі Радаслаў Сікорскі пасьля сустрэчы краінаў Вышэградзкай групы ў Будапэшце.

03.03.2010 Заснавальнік двух віцебскіх выданняў будзе судзіцца з дзяржаўнымі органамі

Прыватнае ўнітарнае гандлёвае прадпрыемства (ПУГП) «Витебский корунд», якое выступае заснавальнікам недзяржаўных газет «Витебский курьер» (зарэгістравана ў Расіі) і «Наш дом» (пакуль не зарэгістравана), у хуткім часе апынецца ў двух судах.

03.03.2010 Збор подпісаў за вылучэнне Франака Вячоркі прайшоў без праблемаў

Сябры ініцыятыўнай групы распавялі, што выбаршчыкі акругі, самі ці праз сваякоў, знаёмых, дзяцей, што вучацца ў Менску, чулі пра Франака, яго “шлях у салдаты” і ахвотна ставілі свае подпісы. Хаця і не ўсе, некаторыя катэгарычна адмаўляліся.

03.03.2010 Журналістка накіравала скаргу на дзеянні міліцыянтаў

1 сакавіка шэф-рэдактарка «Народнай волі» Святлана Калінкіна склала скаргу на дзеянні міліцыянтаў, якія 26 лютага правялі ператрус у яе прыватнай кватэры. 2 сакавіка скаргу накіравалі ў пракуратуру Савецкага раёна Мінска. І сама журналістка, і юрысты, з якімі яна раілася, мяркуюць, што ператрус быў здзейснены з шэрагам парушэнняў: візіцёры не назвалі сябе, ператрус праводзілі адразу некалькі асобаў, журналістцы не далі патэлефанаваць і загадалі адразу ж адключыць усе тэлефоны...

03.03.2010 Шэсьце на Дзень Волі пачнецца ад Акадэміі Навук

Прадстаўнікі дэмакратычнага руху рыхтуюцца да правядзеньня вулічнага шэсьця ў Дзень Волі 25 сакавіка.

03.03.2010 Каспяровіча выклікалі ў падатковую

2 сакавіка актывіст апазыцыі Зьміцер Касьпяровіч быў апытаны ў падатковай інспэкцыі Заводзкага раёну Менску. Касьпяровіча выклікалі позвай з арыгінальнай фармулёўкай — у сувязі зь «неаднаразовым перасячэньнем беларуска-літоўскай мяжы ў 2008 годзе».

03.03.2010 КДБ завёў крымінальную справу на актывістку БХД з Бабруйску

КДБ выканаў сваю пагрозу супраць актывісткі Беларускай Хрысціянскай Дэмакратыі з Бабруйска, студэнткі Вольгі С’янавай за адмову супрацоўнічаць з ворганамі.

02.03.2010 Жанчыны больш цікавяцца, за каго яны ставяць подпісы

Прыкладна 20 % выбаршчыкаў не вераць, што тыя кандыдаты, за якіх зараз збіраюць подпісы, будуць адстойваць іх інтарэсы і часта кажуць, што гэта марная справа. Жаночая частка больш актыўная ў палітычным плане і праяўляе большую зацікаўленасць да таго, за каго яны ставяць подпісы.

02.03.2010 Збор подпісаў у студэнцкіх інтэрнатах – пад забаронай

Сябры ініцыятыўных групаў з розных рэгіёнаў паведамляюць пра забароны на збор подпісаў у інтэрнатах навучальных установаў, якія знаходзяцца на тэрыторыях выбарчых акругаў, па якіх вылучаюцца іх кандыдаты.

02.03.2010 Скаргу Гарадзенскай абласной арганізацыі БСДГ будзе разглядаць Вярхоўны Суд

У Вярхоўным Судзе Рэспублікі Беларусь 22 сакавіка 2010 году будзе разглядацца скарга Гарадзенскай абласной арганізацыі партыі БСДГ на вызначэнне Гарадзенскага абласнога суда аб узбуджэнні грамадзянскай справы. Пачатак судовага паседжання ў 10 гадзінаў.

02.03.2010 Івана Шылу не рэгіструюць назіральнікам у раённы выбаркам

Моладзевы актывіст Іван Шыла 1 сакавіка атрымаў адмоўны адказ на паседжанні Салігорскай выбарчай камісіі на зварот выбаршчыкаў, якія прапанавалі яго ў якасці назіральніка.

02.03.2010 Барысаў: Спісы выбарчых участкаў - абмежаваным тыражом

Рашэнне Барысаўскага раённага выканаўчага камітэта "Пра ўтварэнне ўчасткаў для галасавання па выбарах дэпутатаў мясцовых Cаветаў дэпутатаў 26-га склікання" апублікавана ў суботнім нумары газеты "Адзінства", хоць было прынята на пяць дзён раней. Суботні нумар выдання, у адрозненні ад таго, які мае рэкламны дадатак і выходзіць па серадах, распаўсюджваецца толькі па падпісцы і мае абмежаваны тыраж - 5 816 асобнікаў.

02.03.2010 Асамблея НДА: трэцяя спроба зарэгістравацца не ўдалася

Міністэрства юстыцыі ў трэці раз адмовіла “Асамблеі няўрадавых дэмакратычных аб’яднаньняў” у рэгістрацыі. Чыноўнікі зь Мінюста вырашылі не арыгінальнічаць, паўтарыўшы тыя самыя, што і ў мінулы раз, прычыны адмовы.

02.03.2010 Артура Фінкевіча і актывістак “Маладой Беларусі” выклікалі да следчага

Кіраўнік “Маладой Беларусі” Артур Фінкевіч тэрмінова выкліканы 3 сакавіка для дачы тлумачэнняў да следчага ўпраўлення ўнутраных спраў Менгарвыканкама. Прычынай выкліку стала заява маці Ільлі Шчарбіцкага, якая сцвярджае, што сябры гэтай арганізацыі нібыта спрабуюць уцягнуць яе сына ў супрацьпраўную дэструктыўную дзейнасць, якая можа парушаць грамадскі парадак.