Праваабарончы цэнтр «ВЯСНА»

Навіны за Сакавік 2010

09.03.2010 Наваполацк: Спартоўцы супраць партыйцаў

Алімпійскі прызёр Вадзім Дзевятоўскі і заслужаны трэнер Беларусі па вадналыжным спорце Уладзімір Геноў ідуць у дэпутаты ў Наваполацку.

09.03.2010 Арыштаваны вернік Іван Міхайлаў сёньня будзе адпушчаны пад падпіску

У Мінскім абласным судзе сёньня разглядалася касацыйная скарга верніка Івана Міхайлава, якога 1 лютага пакаралі арыштам на тры месяцы за ўхіленьне ад вайсковай службы.

09.03.2010 Вылучэнне прадстаўнікоў ва ўчастковыя камісіі завершана (звесткі з рэгіёнаў - абнаўляюцца)

У рэгіёнах краіны завершылася вылучэнне прадстаўнікоў у склад участковых выбарчых камісій. У адпаведнасці з Каляндарным планам, участковыя камісіі павінны быць утвораны не пазней за 10 сакавіка.

09.03.2010 Спыненая справа па выкраданьні Зміцера Дашкевіча

Спынена крымінальная справа па выкраданьню напярэдадні прэзэнтацыі кааліцыі "Новае пакаленьне" Зьмітра Дашкевіча. Старшыня Маладога Фронту атрымаў адказ ад міліцыянтаў, якія вялі сьледзтва па выкраданьню.

09.03.2010 Віцебск: Вылучэнне ва ўчастковыя камісіі не прайшло без эксцэсаў

6 сакавіка Хрыстафору Жэляпаву дзяжурным работнікам Кастрычніцкага райвыканкама Віцебску было адмоўлена ў прыёме дакументаў на вылучэнне ва ўчастковую камісію. Кіраўнік справамі гэтай раённай адміністрацыі паведаміла, што ў дзяржаўнай установе выходны дзень і прыгразіла выклікаць міліцыю.

09.03.2010 Андрусь Кашэўскі абвесціў галадоўку

Беспадстаўна арыштаваны і асуджаны на 15 сутак сябра БХД Андрусь Кашэўскі, які адбывае пакаранне ў ізалятары-размеркавальніку на Акрэсціна, абвесціў галадоўку.

09.03.2010 Магілёў: Кандыдата ў дэпутаты ад улады вылучылі за 12 хвілін

Сход працоўнага калектыва працоўных РУП “Зелянхоз”, дзе вылучалі праўладнага кандыдата ў дэпутаты, праходзіў у ангары, дзе знаходзяцца вытворчыя памяшканні. Пра гэта паведамілі праваабаронцам рабочыя гэтага прадпрыемства.

09.03.2010 Партыя БНФ: Вылучэнне ва ўчастковыя камісіі Чавусава і Лабковіча – тэст для ўладаў

Ад Партыі БНФ у склад участковых выбарчых камісій Мінска вылучаны 68 чалавек, у тым ліку палітолаг Юры Чавусаў і юрыст Уладзімір Лабковіч, якія ўжо двойчы атрымалі адмовы на ўваход у склад Мінскай гарадской і раённых выбарчых камісій сталіцы.

09.03.2010 Віцебшчына: 14 з 25 існуючых сайтаў выканкамаў не змясцілі спісы выбарчых участкаў

Больш за палову афіцыйных сайтаў выканаўчых камітэтаў на Віцебшчыне не змясцілі спісы ўчасткаў для галасавання па выбарах дэпутатаў у мясцовыя Саветы дэпутатаў з указаннем межаў кожнага ўчастка, месца знаходжання ўчастковай выбарчай камісіі і памяшкання для галасавання.

08.03.2010 Выбарчая кампанія: лічбы і тэндэнцыі тыдня

Паколькі ў Беларусі па-ранейшаму дзейнічае вядомы сталінскі прынцып: “няважна, хто як галасуе, важна, хто як лічыць”, тыдзень мінулы з’яўляўся вельмі важным для ўсёй выбарчай кампаніі, бо гэты перыяд быў звязаны з вылучэннем прадстаўнікоў ва ўчастковыя камісіі – якраз тыя, “хто лічыць”. У апошні дзень тыдня гэты працэс завершыўся, і зараз слова за выканкамамі – каму яны давераць лічыць галасы выбаршчыкаў.

07.03.2010 Салігорск: Раённая камісія адмовіла ў акрэдытацыі назіральніку ад БХК

Прадстаўніку “Беларускага Хельсінкскага камітэта” ў Салігорску Леаніду Мархотку раённая камісія адмовіла ў акрэдытацыі ў якасці назіральніка.

07.03.2010 Барысаў: Ананімка ў раённай газеце “Каму дэпутацкі мандат, а каму грошыкі”

Галоўная выснова апублікаванага ў раённай газеце тэксту: “Новае пакаленне” створана напярэдадні выбараў у мясцовыя органы ўлады і прэзідэнта краіны з адзінай мэтай - атрымаць грошы ў нейкіх заходніх фундатараў.

07.03.2010 Гомель: «Улёткавага бума не будзе»

Як паведамляе газета «Гомельская праўда» у артыкуле «Листовочного бума не будет», агітацыйныя ўлеткі будуць размяшчацца на рэкламных і інфармацыйных шчытах і тумбах прыпынкаў грамадскага транспарту.

07.03.2010 Калінкавічы: Новыя імёны на дэпутатства ў аблсавеце і райсавеце

Канкурэнцыю начальніку абласнога ўпраўлення ЖКГ Барысенку на выбарах у аблсавет па Калінкавічскай акрузе складзе (пры ўмове рэгістрацыі) абласны каардынатар па стварэнню Партыі БХД Тамара Зайцава.

07.03.2010 Мазыр: Інфармаванне пра выбарчую кампанію спынілася на студзені

Усё, што зроблена на сайце Мазырскага райвыканкама тычыцца толькі пачатку выбарчай кампаніі за судзень 2010 года. З чым гэта звязана? Можна спецыялістаў ва ўладных структурах бракуе? Ці свядомае абмежаванне ў інфармацыі?