Праваабарончы цэнтр «ВЯСНА»

Навіны за Сакавік 2010

12.03.2010 Салігорск: Мясцовыя СМІ нарэшце ўзгадалі, што хутка выбары

На гэтым тыдні дзяржаўная і недзяржаўная газеты змясьцілі артыкулы, прысвечаныя набліжаючымся выбарам у мясцовыя Саветы дэпутатаў. Матэрыялы істотна адрозніваюцца па змесце.

12.03.2010 Бульбаш – грамадзянін Рэспублікі Беларусь?

Напрыканцы 2008 года вядомы зараз на ўсю краіну вітэбскі актывіст Сяргей Каваленка звярнуўся ў адміністрацыю завода вінаградных вінаў “Дыяніс”, разьмешчаны ў Мінскім раёне ў вёсцы Вендзелева, з прапановаю прыняць меры па выключэньні назвы “БульбашЪ” з асартыменту вырабляемых прадпрыемствам алкагольных напояў.

12.03.2010 Віцебшчына: Квота прадстаўнікоў партый і арганізацый у камісіях заканчвалася на дэмакратах

Распаўсюджаная прычына адмовы складалася ў тым, што нібы квота для прадстаўнікоў ад грамадскіх структур у выбарчых камісіях вычарпаная, і заканчвалася яна чамусьці менавіта на кандыдаце ад апазіцыйных партый або няўрадавай арганізацыі.

12.03.2010 Дзярждэпартамэнт ЗША наконт правоў чалавека ў Беларусі

11 сакавіка дзярждэпартамэнт ЗША абнародаваў штогадовую справаздачу аб стане правоў чалавека ў сьвеце. Вельмі крытычныя ацэнкі ўтрымлівае разьдзел, прысьвечаны стану правоў чалавека ў Беларусі.

12.03.2010 Прызначаны суд у справе Тацяны Шапуцькі

Судовае паседжаньне ў справе Тацяны Шапуцькі супраць адміністрацыі Беларускага дзяржаўнага ўнівэрсытэту прызначана на 19 сакавіка.

12.03.2010 Новаўвядзенні ў закон, якімі немагчыма скарыстацца

У папярэднія выбарчыя кампаніі пайшлі б гэтыя “цікаўныя” і чакалі каля кіёскаў з’яўлення дзяржгазет са спісамі камісій, але зараз “ліберальныя” новаўвядзенні ў Выбарчы кодэкс (арт. 34) прадставілі ім магчымасць абскардзіць рашэнні органаў, якія ўтвараюць камісіі. Пры гэтым – у трохдзённы тэрмін.

12.03.2010 Мазыр: Ваенная пракуратура высвятляе абставіны забароны збору подпісаў

11 сакавіка Уладзімір Целяпун, кіраўнік ініцыятыўнай групы палітжаўнера Франака Вячоркі, быў выкліканы позваю ў Гомельскую міжгарнізонную ваенную пракуратуру.

12.03.2010 Рагачоўскі раён: на 6 вёсак – адно месца для агітацыі

У вёсках, дзе няма дамоў культуры ці іншых падобных устаноў, кандыдаты ў дэпутаты не могуць сустрэцца з мясцовымі жыхарамі, напрыклад, на сельскай вуліцы. Для гэтага трэба прапаноўваць людзям ісці ў іншую вёску на тэрыторыю ля дома культуры.

11.03.2010 Штрафы за пікет ля амбасады Літвы ў Менску

Моладзевыя актывісты, затрыманыя за акцыю пратэсту 10 сакавіка ля будынка амбасады Літвы ў Менску, пакараныя штрафамі. Судовыя працэсы па адміністратыўных справах Максіма Вінярскага, Паліны Кур’яновіч і Паліны Дзякавай прайшлі 11 сакавіка ў судзе Партызанскага раёну. Ноч да суду яны правялі ў Цэнтры ізаляцыі правапарушальнікаў па вул.Акрэсціна.

11.03.2010 Гомельская вобласць: У складзе ўчастковых камсій 1 прадстаўнік Руху «За свабоду» з 54 вылучаных

"Участковыя камісіі — гэта падлік галасоў, то бок фарміраванне рэальнай карціны выбараў. У дадзеным выпадку ўладам патрэбны татальны кантроль, бо калі недзе даць слабіну, то сістэма разваліцца. Самамэта сенняшняга рэжыму — гэта самазахаванне, а кантроль — самы кароткі і верны шлях у дасягненні такой мэты", -- пракаментаваў Пётр Кузняцоў

11.03.2010 Юры Чавусаў: “Працэс фармавання камісій на мясцовых выбарах стаўся нават больш важным за этап агітацыі”

З 68 кандыдатаў ад Партыі БНФ, вылучаных ва ўчастковыя камісіі Менска, уключана толькі восем чалавек – фактычна, па адным прадстаўніку на акругу. Не ўключаныя ва ўчастковыя камісіі Юры Чавусаў і Уладзімір Лабковіч, якія ўжо двойчы атрымалі адмовы - на ўваход у склад Менскай тэрытарыяльнай і раённых выбарчых камісій сталіцы.

11.03.2010 Алесь Бяляцкі: Праваабароны на наша жыцьцё хопіць

На «Радыё Свабода» 11 сакавіка адбылася онлайн-канфэрэнцыя з кіраўніком праваабарончага цэнтру “Вясна”, віцэ-прэзыдэнтам Міжнароднай фэдэрацыі правоў чалавека Алесем Бяляцкім. Прапануем вашай увазе некаторыя, найбольш актуальныя пытанні і адказы на іх сп. Бяляцкага.

11.03.2010 Гомельшчына: Ад АДС у склад участковых камісій трапілі толькі 19 прадстаўнікоў з 210 прапанаваных

У склад участковых камісій у Гомельскай вобласці трапілі толькі 19 прадстаўнікоў кааліцыі АДС з 210 прапанаваных (100 - ад АГП і 110 – ад партыі «Справядлівы свет»). Наогул у створаныя камісіі ўвайшлі 87 прадстаўнікоў палітычных партый, з якіх 65 - праўладныя камуністы.

11.03.2010 Бабруйск: Ва ўчастковыя камісіі патрапілі праўладныя вылучэнцы “з досведам”

На паседжанні па фармаванні ўчастковых камісій кіраўнік адміністрацыі Першамайскага раёна Міхаіл Жолудаў заявіў, што 60% вылучаных ва ўчастковыя камісіі гэта тыя ж людзі, што працавалі ў іх у мінулыя гады.

11.03.2010 Суд па скарзе заснавальніка газеты «Наш дом» да Міністэрства інфармацыі пачнецца 23 сакавіка.

Такую дату прызначыла сёння суддзя Вышэйшага Гаспадарчага Суда на папярэдняй сустрэчы бакоў. І заснавальнік (прыватнае ўнітарнае гандлёвае прадпрыемства «Витебский корунд»), і Мінінфармацыі засталіся кожны пры сваім меркаванні.