Праваабарончы цэнтр «ВЯСНА»

Навіны за Сакавік 2010

17.03.2010 16 сакавіка: хроніка ператрусаў

16 сакавіка ў другой палове дня каля дзесятка цывільных супрацоўнікаў сілавых структур уварвалася ў офіс сайта Хартыі'97. Яны прад’явілі ордэр на вобыск, які падпісаны пракурорам Гомельскай вобласці. Сканфіскаваная тэхніка. У дачыненьні да рэдактара сайта Наталлі Радзінай быў учынены гвалт.

17.03.2010 Менск: Суд палічыў правільным неўключэнне сяброў Партыі БНФ у камісіі

Суд Партызанскага раёна Менска адхіліў прапанову Партыі БНФ аб магчымасці дадатковага уключэння сябраў партыі ў склад участковых выбарчых камісій Менска на падставе іх няпоўнай укамплектаванасці.

17.03.2010 У дзяржгазеце Рагачова прачнуліся: нарэшце з’явілася інфармацыя пра выбары

“Вылучэнне кандыдатаў у мясцовыя Саветы дэпутатаў будзе праходзіць у Беларусі з 14 лютага па 15 сакавіка...” – такое паведамленне з’явілася на афіцыйным сайце рагачоўскай дзяржаўнай газеты... 15 сакавіка.

17.03.2010 Барысаў: Аспрэчыць неўключэнне ў камісіі ўжо немагчыма

Толькі ў аўторак, 16 сакавіка, выйшаў у свет чарговы нумар газеты Барысаўскага райвыканкама “Адзінства”, які павінен быў з'явіцца яшчэ ў суботу. Калі газета выйшла па графіку, то рашэнне выканкама, якое цэлы тыдзень захоўвалі як дзяржаўную таямніцу яго чыноўнікі, можна было аспрэчыць у судовым парадку.

17.03.2010 Віцебскіх актывістаў дзень пратрымалі ў пастарунку

16 сакавіка а 12-й гадзіне супрацоўнікі Віцебскага РАУС затрымалі 50 тысяч асобнікаў газэты грамадзянскай кампаніі «Наш дом».

16.03.2010 Новыя ператрусы ў журналістаў і грамадскіх актывістаў

Адразу некалькі ператрусаў адбылося ўвечары 16 сакавіка ў працоўных памяшканнях і прыватных кватэрах беларускіх журналістаў.

16.03.2010 “Плошча” нашай вясны

“Плошча”… Такую недвухсэнсоўную назву празаік Барыс Пятровіч даў сваёй новай кнізе. Для сучасніка-беларуса слова “плошча” стала сінонімам пэўнай жыццёвай пазіцыі, стойкасці, непрыняцця фальшы і няпраўды. І хаця падзеям вясны 2006 года, на фоне якіх і разгортваецца гісторыя аднаго каханьня, споўнілася чатыры гады, актуальнасць кнігі толькі абвастраецца. Барыс Пятровіч распавядае пра няпросты шлях напісаньня гэтай аповесці, сваё бачаньне падзеяў, што надоўга застануцца ў памяці беларусаў.

16.03.2010 Дзень салідарнасьці ў Менску

16 сакавіка, яшчэ задоўга да пачатку акцыі салідарнасьці, на падыходзе да Кастрычніцкай плошчы быў прэвентыўна затрыманы Мікола Дземідзенка.

16.03.2010 Валянцін Стэфановіч: МУС Беларусі хутчэй схільны пераймаць іранскі досьвед, чым нямецкі

Фотакарэспандэнтку "Нашай Нівы" Юлію Дарашкевіч вінавацяць у зьбіцьці міліцыянта і непадпарадкаваньні супрацоўнікам праваахоўных органаў. Журналістцы пагражае штраф або адміністрацыйны арышт. Працэс адбудзецца 24 сакавіка – за дзень да Дня Волі.

16.03.2010 Судовае паседжанне па скарзе БАЖ да Мінюста прызначаны на 17 сакавіка

Вярхоўны суд пачне разглядаць скаргу ГА «Беларуская асацыяцыя журналістаў» на папярэджанне Міністэрства юстыцыі 17 сакавіка ў 10.00.

16.03.2010 Вылучэнне кандыдатаў у дэпутаты: звесткі з рэгіёнаў (абнаўляецца)

15 сакавіка ўсе жадаючыя балатавацца на выбарах у мясцовыя Саветы завершылі падачу неабходных дакументаў для рэгістрацыі ў якасці кандыдатаў у дэпутаты.

16.03.2010 Магілёў: Праваабаронцу Аляксею Колчыну адмовілі ў інфармацыі

16 сакавіка праваабаронца Аляксей Колчын, які з’яўляецца назіральнікам ад ГА “Магілёўскі праваабарончы цэнтр” у Магілёўскай гарадской выбарчай камісіі, звярнуўся да дзяжурных сябраў гэтай камісіі з просьбай прадаставіць яму інфармацыю аб прэтэндэнтах, якія падалі свае дакументы для рэгістрацыі ў якасці кандыдатаў у дэпутаты.

16.03.2010 Мазыр: Праваабаронца прапануе мясцовым уладам садзейнічанне ў навучанні сябраў участковых камісіяў

Семінар-вучоба са старшынямі, намеснікамі старшыняў і сакратарамі ўчастковых выбарчых камісіяў па выбарах дэпутатаў мясцовых Саветаў дэпутатаў адбылася ў Мазыры. Навучанне і азнаямленне з выбарчым заканадаўствам, а таксама са зменамі ў ім для іншых, шэраговых, сябраў камісіі не плануецца.

16.03.2010 Кіраўскі раён: Райвыканкам вызначыўся з месцамі для агітацыі

Кандыдатам у дэпутаты забараняецца праводзіць мерапрыемствы традыцыйна ў найбольш шматлюдных месцах. У Кіраўску гэта цэнтральная плошча, гарадскі парк, рынак, а таксама вялікія вуліцы. У раёне – тэрыторыі побач з адміністратыўнымі будынкамі, цэнтрамі культуры і буйнымі гандлёвымі аб’ектамі.

16.03.2010 Затрыманых ля Вярхоўнага Суду адпусцілі (абноўлена)

З Ленінскага РУУС вызвалены ўсе затрыманыя моладзевыя актывісты, якія зладзілі акцыю салідарнасьці каля Вярхоўнага Суду падчас працэсу над зьняволенымі ваўкавыскімі прадпрымальнікамі. Супрацоўнікі міліцыі склалі ў дачыненьні да іх адміністрацыйныя пратаколы па арт. 23.34 КаАП РБ - парушэньне ўстаноўленага парадку арганізацыі і правядзеньня масавых мерапрыемстваў.