Праваабарончы цэнтр «ВЯСНА»

Навіны за Сакавік 2010

17.03.2010 Магілёўшчына. Вылучана 5 858 прэтэндэнтаў у кандыдаты

Шляхам збору подпісаў вылучана 3 795 чалавек, працоўнымі калектывамі – 2 054. Вылучэнцамі ад палітычных партый з’яўляюцца 60 чалавек.

17.03.2010 Куба, не забівай сваіх грамадзян!

Правабаронцы “Вясны” абвяшчаюць пра пачатак акцыі ў падтрымку кубінскіх палітвязьняў, якія галадаюць ў знак пратэсту супраць нечалавечых умоў утрыманьня.

17.03.2010 Аб'яднаная грамадзянская партыя мяркуе правесці з'езд 21 сакавіка ў ДК МТЗ

Аб'яднаная грамадзянская партыя (АГП) мяркуе правесці чарговы 13-ы з'езд 21 сакавіка ў Палацы культуры Мінскага трактарнага завода. Пра гэта БелаПАН паведаміў лідэр партыі Анатоль Лябедзька.

17.03.2010 «Журналістаў хочуць зрабіць крайнімі…»

17 сакавіка ў Мінску адбылася прэс-канферэнцыя журналістаў і грамадскіх актывістаў, якія падвергліся ператрусам 16 сакавіка.

17.03.2010 Бабруйск: Участковыя камісіі – паўсюль з працоўных калектываў?

У сённяшнім нумары газеты гарвыканкама “Бабруйскае жыццё” (№ 21-22 ад 17 сакавіка), нарэшце, быў пададзены поўны спіс участковых камісіяў. Але і тут не абыйшлося без “сакрэтаў”.

17.03.2010 Пяць зваротаў у ААН з Берасця

Пяцёра грамадзян Берасця абскардзілі ў Камітэце ААН па правах чалавека забарону пікета ў горадзе супраць раўнадушша чыноўнікаў да зваротаў грамадзян. Індывідуальныя звароты ў Камітэт накіравалі заяўнік дадзенага пікету Павел Казлоў, а таксама берасцейцы, якія збіраліся стаць ўдзельнікамі мерапрыемства, Валерый Ільяш, Сяргей Пстыга, Марат Брашко і Раман Кісляк.

17.03.2010 Члены партый складаюць 2,3% ад агульнай колькасці асоб, вылучаных кандыдатамі ў дэпутаты мясцовых саветаў

591 партыйны прэтэндэнт вылучыўся кандыдатам у дэпутаты мясцовых саветаў, паведаміла 17 сакавіка на прэс-канферэнцыі ў Мінску старшыня Цэнтрвыбаркама Лідзія Ярмошына.

17.03.2010 Сябра Партыі БНФ звольненая з працы за ўдзел у выбарчай кампаніі ў якасьці кандыдата

Сябра Партыі БНФ Тацяна Балабанская, якая вылучаецца ў якасьці кандыдата ў дэпутаты ў Маладэчна, сёньня была звольненая з працы. Спадарыня Тацяна працавала інжынерам-радыёлягам у Маладэчанскім лясгасе.

17.03.2010 У Віцебску міліцыянты канфіскавалі 50 тысяч асобнікаў незалежнай газеты

Супрацоўнікі Віцебскага РАУС канфіскавалі 50 тысяч асобнікаў газеты “Наш Дом”, якую выдае аднайменная грамадзянская ініцыятыва. Наклад незарэгістраванага выдання са Смаленску везлі актывісты ініцыятывы Вольга Карач і Віктар Рамнёў.

17.03.2010 Баранавічы: Гарвыканкам унёс змены ў рашэнне пра месцы для агітацыі, але пытанні па-ранейшаму засталіся

Дзяржаўная газета “Наш край” апублікавала рашэнне Баранавіцкага гарвыканкама пра змены, унесеныя ў рашэнне пра вызначэнне месцаў для агітацыі за кандыдатаў у дэпутаты. Нягледзячы на тое, што плошча для агітацыі павялічылася на 50%, і ў новым рашэнні не абышлося без недарэчнасцяў.

17.03.2010 Адменена вечарына «Беларускага кнігазбору»

Адменена святочная імпрэза «Збіраўся скарб: 50 тамоў «Беларускага кнігазбору». Яна павінна была адбыцца сёння ў мінскім Палацы мастацтва.

17.03.2010 Віцебшчыну чакае “адзіны дзень інфармавання” аб выбарах

18 сакавіка ў рэгіёнах Віцебскай вобласці плануецца правядзенне адзінага дня інфармавання насельніцтва. Тэма адзінага “палітдня” абраная вельмі актуальная “Выбары ў мясцовыя Саветы дэпутатаў як фактар павышэння эфектыўнасці працы мясцовага кіравання і самакіравання”.

17.03.2010 Орша: АГП патрабуе ад гарвыканкаму тлумачэнняў

Ніводны з прадстаўленых партыйнай арганізацыяй кандыдатаў ва ўчастковыя камісіі ўключаны не быў. Разам з тым, у складзе камісій апынуліся дзясяткі вылучэнцаў ад грамадскіх арганізацый - "Чырвонага крыжа", "Таварыства выратавання на вадзе", "Фонду міру" і г.д. - чыя статутная дзейнасць ніякага дачынення да выбараў не мае.

17.03.2010 Перамога інваліда

Інвалід з Гародні Сяргей Фешчанка часткова дамогся праз суд кампенсаваць свае маральныя і фізічныя пакуты, якія ён атрымаў у выніку падзення праз адсутнасць пандусаў на ганку будынку мясцовага ДАІ.