Праваабарончы цэнтр «ВЯСНА»

Навіны за Сакавік 2010

23.03.2010 Старшыня ЦВК у дзеяннях гарадзенскіх адміністрацый не бачыць парушэнняў

Гарадзенскі праваабаронца Уладзімір Хільмановіч атрымаў адказ на свой зварот у ЦВК. У ім Лідзія Ярмошына сцвярджае, што не бачыць парушэнняў у дзеяннях адміністрацый Кастрычніцкага і Ленінскага раёнаў Гародні пад час фармавання ўчастковых выбарчых камісій.

23.03.2010 Па Гомельскай вобласці канкурэнцыя за дэпутацкія месцы амаль адсутнічае

Па выбарах у сельскія Саветы ўтвораны 2 898 акругаў, па якіх маюць намер балатавацца 2 933 патэнцыйныя кандыдаты ў дэпутаты. У пасялковыя Саветы на 146 месцаў прэтэндуюць 156 чалавек, у гарадскія (гарадоў раеннага падпарадкавання) – 30 прэтэндэнтаў на 30 месцаў. Па выбарах у Гомельскі гарадскі Савет утворана 40 акругаў, на дэпутацкія мандаты прэтэндуе 101 чалавек. На 778 месцаў у райсаветах пададзена 850 заяваў. На 60 дэпутацкіх месцаў у абласным Савеце прэтэндуюць 126 вылучэнцаў.

23.03.2010 Расстраляныя

"Міжнародная амністыя" зьвярнулася да Аляксандра Лукашэнкі з заклікам увесьці мараторый на сьмяротнае пакараньне пасьля таго, як сёньня стала вядома, што ў канцы мінулага тыдня яшчэ два беларускія вязьні былі расстраляныя. Андрэй Жук і Васіль Юзэпчук былі асуджаныя да пакараньня сьмерцю ў 2009 годзе за асобныя злачынствы. Але ўтрымліваліся ў адной камэры сьмяротнікаў у Менску.

22.03.2010 Салігорск: Подпісы 7 з 35 прэтэндэнтаў у кандыдаты прызнаныя несапраўднымі

Сярод тых, хто парушыў патрабаванні заканадаўства да збору подпісаў і тры незалежныя прэтэндэнты. Подпісы, сабраныя ў падтрымку яшчэ двух незалежных вылучэнцаў - Аляксея Валабуева і Віктара Яўмененкі - прызнаныя сапраўднымі.

22.03.2010 Магілёў: Кандыдаты будуць мець тры хвіліны для выступу па радыё

Гэта стала вядома падчас пасяджэння абласной выбарчай камісіі, якое адбылося сёння.

22.03.2010 Віцебскія праваабаронцы з дапамогай ЦВК выпраўляюць памылкі

Віцебскія праваабаронцы, выявіўшы памылкі ў размешчанай на сайце Ліозненскага выканаўчага камітэта інфармацыі, датычнай фармаванні сельскіх тэрытарыяльных выбарчых камісій, звярнуліся ў Цэнтральную выбарчую камісію з заявай.

22.03.2010 Бабруйск: Грамадскіх актывістаў “няправільна зразумелі”

Гісторыя з бабруйчанамі, якія вылучаліся ва ўчастковыя камісіі ад ГА БНФ “Адраджэнне” скончылася даволі нечакана. Іх зноў выклікалі “на дыван” да начальства. Але на гэты раз каб выбачыцца, і патлумачыць, што яны “няправільна зразумелі” памкненні падначаленых.

22.03.2010 Гародня: ЦВК не бачыць парушэнняў

На скаргу гарадзенскага праваабаронцы Рамана Юргеля на тое, што спісы складу ўчастковых выбарчых камісій па Ленінскім і Кастрычніцкім раёнах Гародні выйшлі пазней, чым таго патрабуе заканадаўства, ЦВК за подпісам Л. Ярмошынай адказала, што парушэнняў няма.

22.03.2010 У Оршы вызначаюцца “адказныя асобы” за размяшчэнне агітматэрыялаў

Па кожнай тумбе, стэнду або інфармацыйнаму шчыту прызначаная асобная арганізацыя, якая адказная за змест друкаваных матэрыялаў, якія там размяшчаюцца.

22.03.2010 Андрэй Бастунец: «Мінюст пакідае фрылансераў па-за законам…»

Падзяліцца ўражаннямі ад судовых слуханняў прэс-служба ГА «БАЖ» папрасіла намесніка старшыні арганізацыі Андрэя Бастунца, які разам з Жаннай Літвіной прадстаўляў БАЖ у Вярхоўным судзе.

22.03.2010 “Праваабаронцы супраць смяротнага пакарання ў Беларусі” запрашаюць на экстранную прэс-канферэнцыю

Шаноўныя журналісты, запрашаем вас на экстранную прэсс-канферэнцыю, якая адбудзецца ў аўторак, 23 сакавіка, у межах кампаніі “Праваабаронцы супраць смяротнага пакарання ў Беларусі”. Пачатак а 13-ай гадзіне.

22.03.2010 Віктар Івашкевіч: “Партыя БНФ працягне удзел у выбарах”

Адмова Аб’яднанай грамадзянскай партыі ад далейшага ўдзелу ў выбарах ніяк не паўплывае на рашэнне Сойму, і БНФ будзе следаваць сваёй пазіцыі, удакладніў Віктар Івашкевіч.

22.03.2010 Ярмошыну ўвялі ў зман?

Аповяд аб анекдатычных высілках барысаўскіх чыноўнікаў з'явіўся ў многіх электронных сродках масавай інфармацыі, Але Лідзіі Ярмошынай знаёміцца з імі няма калі, і яна не сумнеючыся падпісвае адказ заяўляльнікам.

22.03.2010 Аршаншчына працягвае здзіўляць ліберальнасцю ўмоваў для агітацыі

Апублікавана рашэнне Аршанскага райвыканкама № 222 "Аб вызначэнні месцаў для правядзення ў заяўляльным парадку масавых мерапрыемстваў (сходаў па-за памяшканнямі, мітынгаў, пікетавання).

22.03.2010 Баранавічы: Пракурор не бачыць відавочных парушэнняў закону

Падставай для звароту да пракурора стала невыкананне тэрмінаў апублікавання рашэння выканкаму аб стварэнні ўчастковых выбарчых камісій. Пракурор не адважыўся назваць гэтую сітуацыю відавочным парушэннем і прыцягнуць да адказнасці парушальнікаў выбарчага закону.